ឲ្យតែពលរដ្ឋ​បោះ​ឆ្នោតជូន សម្ដេចតេជោ ហ៊ុន សែន នៅតែបន្តធ្វើជានាយករដ្ឋមន្ត្រី សម្រាប់អាណត្តិបន្តបន្ទាប់ទៀត

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានគូសបញ្ជាក់ជាថ្មីថា ឲ្យតែប្រជាពលរដ្ឋបន្តបោះ​ឆ្នោត​ឲ្យ​គណ​បក្សប្រជាជនកម្ពុជាឈ្នះឆ្នោត សម្ដេចនឹងបន្តធ្វើជានាយករដ្ឋមន្ត្រី នាអាណត្តិបន្តបន្ទាប់ទៀត។

ការបញ្ជាក់ជាថ្មីរបស់សម្ដេចតេជោ ហ៊ុន សែន បានធ្វើឡើងក្នុងពិធីសម្ពោធ ដាក់ឲ្យប្រើប្រាស់ជាផ្លូវការស្ពានឆ្លងទន្លេមេគង្គ ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ នាព្រឹកថ្ងៃទី ២៣ ខែវិច្ឆិកា ឆ្នាំ ២០២១នេះ។

សម្ដេចតេជោនាយករដ្ឋមន្ត្រី បានថ្លែងថា សម្ដេចនឹងនៅតែបន្តធ្វើជានាយករដ្ឋមន្ត្រី សម្រាប់អាណត្តិបន្តបន្ទាប់ទៀត ឲ្យតែប្រជាពលរដ្ឋ​បោះ​ឆ្នោតជូនសម្ដេច។ សម្ដេចតេជោ ហ៊ុន សែន បានថ្លែងបន្តថា ការបន្តកាន់តំណែងជា​នាយក​រដ្ឋ​មន្ត្រី​នេះ គឺដើម្បី​ការ​ពារសន្តិភាព និងទប់ស្កាត់ពួកជ្រុលនិយម ផងដែរ៕

អត្ថបទពី៖ កម្ពុជាថ្មី