ព័ត៌មាន
ឯកឧត្តម នេត សាវឿន៖ គោលការណ៍សម្ដេចធិបតីរដ្ឋាភិបាលពុំមែនដោះស្រាយការងារនៅតែក្នុងការិយាល័យ ឬលើក្រដាសឡើយ ប៉ុន្ដែត្រូវចុះដល់ទីតាំងនៃបញ្ហាដើម្បីស្ដាប់សំឡេងពិត និងក្ដីកង្វល់របស់ពលរដ្ឋ
ឯកឧត្តម នេត សាវឿន ឧបនាយករដ្ឋមន្រ្ដី បានមានប្រសាន៍បញ្ជាក់ថា ជាគោលការណ៍ដ៏មុតស្រួចរបស់សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា រាជរដ្ឋាភិបាលពុំមែនដោះស្រាយការងារតែនៅក្នុងការិយាល័យ ឬក៏ដាក់ចេញតែគោលនយោបាយនៅលើក្រដាសនោះឡើយ។ ប៉ុន្ដែថ្នាក់ដឹកនាំ មន្រ្ដីរាជការ និងក្រសួងស្ថាប័នបានចុះទៅធ្វើកិច្ចការដោយផ្ទាល់ដល់ទីតាំងនៃបញ្ហាដើម្បីស្ដាប់សំឡេងពិត និងក្ដីកង្វល់របស់ពលរដ្ឋហើយស្វែងរកដំណោះស្រាយ។
ឯកឧត្តមឧបនាយករដ្ឋមន្ត្រី នេត សាវឿន មានប្រសាសន៍បញ្ជាក់បែបនេះក្នុងឱកាសតំណាងដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្នុងពិធីប្រកាសដាក់ឱ្យដំណើរការប្រព័ន្ធថ្មីនៃការលក់ និងត្រួតពិនិត្យសំបុត្រចូលទស្សនារមណីយដ្ឋានអង្គរ ដែលជាប្រព័ន្ធបង្កភាពងាយស្រួល និងលុបបំបាត់ភាពស្មុគស្មាញសម្រាប់ភ្ញៀវទេសចរ កាលពីថ្ងៃទី៣០ ខែមករា ឆ្នាំ២០២៥នេះនៅខេត្តសៀមរាប។
ឯកឧត្តមមានប្រសាសន៍ថា ថ្នាក់ដឹកនាំ មន្រ្ដីរាជការ និងក្រសួងស្ថាប័នពាក់ព័ន្ធ គឺបានចុះទៅធ្វើការដោយផ្ទាល់ដល់ទីតាំងនៃបញ្ហា តាមរយៈការពិនិត្យមើលដោយផ្ទាល់ផង និងស្ដាប់សំឡេងពិត បញ្ហា និងក្ដីកង្វល់របស់ពលរដ្ឋ ឬវិស័យឯកជន ក៏ដូចជាភ្ញៀវទេសចរ ហើយពិនិត្យមើលជាក់ស្ដែង តើដំណោះស្រាយដែលរាជរដ្ឋាភិបាលបានដាក់ចេញនោះ ពិតជាមានប្រសិទ្ធភាពមែនឬយ៉ាងណា។
ឯកឧត្តមបញ្ជាក់ថា សម្ដេចធិបតី នាយករដ្ឋមន្រ្ដីផ្ទាល់ ក៏បានជំរុញធ្វើការងារនេះតាមរយៈយន្តការផ្លូវការ និងតាមរយៈការធ្វើការនៅពីក្រោយឆាក (ព្រឹត្តិការណ៍) នីមួយៗផងដែរ។ ជាក់ស្ដែង សម្ដេចធិបតី ក្នុងឱកាសបេសកកម្មនៅខេត្តសៀមរាបចំនួន២លើក សម្ដេចបានឆ្លៀតឱកាសចុះពិនិត្យដោយផ្ទាល់អំពីស្ថានភាពការប្រកបអាជីវកម្ម លក់ដូរ និងការរស់នៅរបស់បងប្អូនប្រជាពលរដ្ឋនៅតំបន់ផាប់ស្ទ្រីត និងនៅ តំបន់ទេសចរណ៍កំពង់ភ្លុក។ ក្រៅពីនេះ ក្នុងពេលថ្មីៗនេះសម្ដេចបានចុះពិនិត្យដោយផ្ទាល់អំពីស្ថានភាពការអន្តរាគមន៍បូមទឹកដាក់ស្រែ សង្គ្រោះស្រូវរបស់ពលរដ្ឋនៅស្រុកបាទី ខេត្តតាកែវ និងស្រុកស្អាង ខេត្តកណ្ដាលផងដែរ។
ក្នុងឱកាសនោះ ឯកឧត្តមឧបនាយករដ្ឋមន្ត្រី នេត សាវឿន បានណែនាំដល់គ្រប់ក្រសួងស្ថាប័នទាំងថ្នាក់ជាតិ និងថ្នាក់ក្រោមជាតិត្រូវពង្រឹងដល់តួនាទីអ្នកនាំពាក្យ, អ្នកបកស្រាយ ឆ្លើយតបស្ថានការណ៍នានា ត្រូវពង្រឹងសមត្ថភាពរបស់ខ្លួន ខណៈបច្ចុប្បន្នទាំងកម្ពុជា និងបណ្ដាប្រទេសដទៃកំពុងមានការបំពុលដោយព័ត៌មានក្លែងក្លាយ និងព័ត៌មានដែលមានចរិតជានយោបាយនៅពីក្រោយធ្វើឱ្យប៉ះពាល់ដល់កិត្តិយស និងកេរ្តិ៍ឈ្មោះកម្ពុជា៕ អត្ថបទ៖វ៉ន ដារ៉ា

-
ព័ត៌មាន6 days ago
សម្ដេចធិបតី សាទរនាវាដឹកទំនិញតាមផ្លូវដឹកជញ្ជូនត្រង់ពីកំពង់ផែ Wuxi ប្រទេសចិនមកកាន់កំពង់ផែព្រះសីហនុ
-
ព័ត៌មាន1 week ago
លោកជំទាវ ឱ វណ្ណឌីន ក្រើនរំលឹកប្រជាពលរដ្ឋទាំងអស់ពិសេសក្រុមងាយរងគ្រោះនាំគ្នាទៅចាក់វ៉ាក់សាំង Pfizer ដើម្បីការពារជាមុននូវភាពឈឺធ្ងន់ធ្ងរបណ្តាលមកពីវីរុសកូវីដ-១៩ បំប្លែងថ្មី
-
ព័ត៌មាន4 days ago
មានការរិះគន់នគរបាលខេត្តឧត្តរមានជ័យ ឃាត់រថយន្តឈ្នួលត្រួតពិនិត្យលិខិតឆ្លងដែន និងទារប្រាក់ ស្នងការខេត្តបញ្ជាក់ថា កំពុងស្រាវជ្រាវ
-
ព័ត៌មាន6 days ago
ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអញ្ជើញអបអរសាទរការទទួលបានក្រុមហ៊ុនវិនិយោគចំនួន២០០ នៅតំបន់សេដ្ឋកិច្ចពិសេសក្រុងព្រះសីហនុ
-
ព័ត៌មាន1 week ago
ករណីគ្រោះថ្នាក់ចរាចរណ៍រវាងម៉ូតូ និងរថយន្តតាក់ស៊ី ក្នុងក្រុងប៉ៃលិន ត្រូវបានដោះស្រាយបញ្ចប់ជាស្ថាពរ
-
ព័ត៌មាន6 days ago
គិតត្រឹមខែមេសាឆ្នាំនេះ វិស័យកាត់ដេរផ្តល់ឱកាសការងារដល់ពលរដ្ឋក្នុងស្រុកចំនួនប្រមាណ ៩៧ម៉ឺននាក់
-
ព័ត៌មាន2 days ago
ស៊ុតមាន់ចំនួនជាង ២ម៉ឺន៥ពាន់គ្រាប់ នាំចូលពីប្រទេសវៀតណាម ត្រូវបានមន្រ្តីជំនាញធ្វើការឃាត់ និងដកហូត
-
ព័ត៌មាន1 day ago
ពលរដ្ឋ និងកុមារ បន្តមកចាក់វ៉ាក់សាំងកូវីដ-១៩ដូសជំរុញ នៅមណ្ឌលសុខភាពក្រាំងធ្នង់ ទប់ស្កាត់ការរីករាលដាល