ស្រូវប្រាំងជាង២ម៉ឺនហិចតានៅខេត្តស្វាយរៀងទទួលបានការផ្គត់ផ្គង់ទឹកគ្រប់គ្រាន់និងត្រៀប្រមូលផល

ស្វាយរៀង ៖ លោកគឹម សាវុធប្រធានមន្ទីរធនធានទឹកនិងឧតុនិយមខេត្តស្វាយរៀង នៅថ្ងៃទី៤ ខែកុម្ភៈឆ្នាំ២០២៥ នេះបានប្រាប់ទូរទស្សន៏ btv តាមសារតេឡេក្រាមអោយដឹងថា ស្រូវរដូវប្រាំង នៅតាមបណ្តាស្រុក ក្រុងទាំង៨របស់ខេត្ត ជាង ២ ម៉ឺនហិចតា រហូតមកដល់បច្ចុប្បន្ននេះ មិនទាន់មានផលប៉ះពាល់ កង្វះទឹកនៅឡើយទេ ។

លោកបានបញ្ជាក់ថាកត្តាដែលស្រូវ មិនមានផលប៉ះពាល់កង្វះទឹក នោះគឺកសិករពួកគាត់ធ្វើស្រែតម្រូវនិងធនធានទឹកដែលមន្ទីរធនធានទឹកនិងឧតុនិយមខេត្ត បានស្តុបទឹកបំរុងទុកធ្វើការផ្គត់ផ្គង់ និងស្រូវមួយផ្នែកផ្សេងទៀត ត្រូវបាន រដ្ឋបាលខេត្ត ស្រុក នឹងផ្នែកពាក់ព័ន្ធ ចុះអន្តរាគមន៍បូមទឹក ដើម្បីសង្គ្រោះរួចរាល់ ។

លោកបានបញ្ជាក់ថា នៅរដូវប្រាំងឆ្នាំនេះ បើទោះជាស្រូវ បានប្រឈមនិងតម្លៃបន្តិច តែកសិករ លោកបានធ្វើលើសផែនការផលិតស្រូវរដូវប្រាំងទៅជាង៥ពាន់ហិចតា ខណៈដែលផែនការផលិតស្រូវរដូវប្រាំងតែ ២ ម៉ឺន ៥០០ហិចតា ហើយបច្ចុប្បន្ននេះស្រូវមួយចំនួនដែលកសិករចាប់ផ្ដើមធ្វើពីដើមរដូវទឹកសម្រកនោះ បច្ចុប្បន្នកសិករបានធ្វើការប្រមូលផល ជាបណ្តើរៗហើយដោយទទួលបានទិន្នផលក្នុងមួយហិចតាជាង៤តោន។