ព័ត៌មាន
សម្តេចតេជោ រំលឹកជាថ្មី លែងឲ្យមានរថយន្តអត់ពន្ធនៅលើដងផ្លូវទៀតហើយ
នៅក្នុងពិធីសម្ពោធដាក់ឲ្យប្រើប្រាស់អគាររដ្ឋបាលគយ នាព្រឹកនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
នៅក្នុងពិធីសម្ពោធដាក់ឲ្យប្រើប្រាស់អគាររដ្ឋបាលគយ នាព្រឹកនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសថា នឹងលែងឲ្យមានរថយន្តអត់ពន្ធនៅលើដងផ្លូវទៀតហើយ។ ដូច្នេះ ម្ចាស់យានយន្តនានា ត្រូវឆាប់មកបង់ពន្ធ ដើម្បីបានចំណេញ១០ ភាគរយ។


សម្ដេចតេជោ បានលើកឡើងថា៖ «ខ្ញុំសូមប្រកាសសារជាថ្មី មិនអនុញ្ញាតឱ្យមានឡាន ឬម៉ូតូ នៅលើផ្លូវ ដោយគ្មានការបង់ពន្ធនោះទេ។ ដូច្នេះ សល់តែប៉ុន្មានថ្ងៃទៀត ថ្ងៃនេះ ថ្ងៃទី២៣ សល់តែ៨ ថ្ងៃទៀតទេ ឱសានវាទ និងការអនុគ្រោះ១០ ត្រូវចូលឲ្យលឿន ដើម្បីបង់បានចំណេញ ១០ ភាគរយ»។ បើតាមសម្តេចតេជោ បន្ទាប់ពីនោះ គឺត្រូវបង់ពន្ធពេញ១០០ តែម្ដង មានន័យថា ឡាននោះ តម្លៃ ៥០០០០ដុល្លារ គឺបង់៥០០០០ដុល្លាពេញតែម្ដង ។ ប៉ុន្តែ បើចូលបង់ពន្ធមុនថ្ងៃទី៣១ ធ្នូ នេះ នឹងទទួលបានភាពអនុគ្រោះ១០ភាគរយ។
សម្តេចតេជោ ហ៊ុន សែន បានបញ្ជាក់ថា ការអនុគ្រោះម្ដងហើយម្ដងទៀត ភាពច្រំដែលនឹងនៅតែបន្ត ហើយរថយន្តចង្កូតស្តាំ ឡានអត់ពន្ធ ជ្រកក្រោមនេះ ជ្រកក្រោមនោះ មិនអនុញ្ញាតឱ្យមានទៀតទេ។ អស់លោកគយ ត្រូវធ្វើកិច្ចការងារនេះ ដើម្បីប្រមូលឡានដែលអត់មានពន្ធនេះទុក ឬផាកពិន័យទៅតាមគោលការណ៍ ដែលមានរួចមកហើយ។


សូមបញ្ជាក់ថា ថ្មីៗនេះ លោក គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកជាអគ្គនាយកនៃអគ្គនាយកដ្ឋានគយ និងរដ្ឋាករកម្ពុជា បានអំពាវនាវដល់ម្ម្ចាស់រថយន្ត ដែលជ្រកក្រោមស្លាកលេខផ្សេងៗ ដូចជា ខ.ម, ន.ប ឬ រដ្ឋ រួសរាន់មកបង់ពន្ធឲ្យបានគ្រប់ៗគ្នា ដើម្បីទទួលបានការអនុគ្រោះពន្ធ១០ ភាគរយ ត្រឹមថ្ងៃទី៣១ ខែធ្នូ ខាងមុខ។ ដោយឡែក ម្ចាស់រថយន្តចង្កូតស្តាំមានស្រាប់ក្នុងស្រុក ត្រូវតែកែចង្កូតពីស្តាំមកឆ្វេង ដើម្បីឲ្យស្របច្បាប់ចរាចរណ៍ផ្លូវគោករបស់កម្ពុជា។ លោក បានសង្កត់ធ្ងន់ថា ករណីដែលរឹងទទឹង គឺបន្ទាប់ពីមន្ត្រីមានសមត្ថកិច្ចចាប់បង្ក្រាបបាន នឹងតម្រូវឲ្យបំបែកជាគ្រឿងបន្លាស់ ឬកម្ទេចចោលតែម្តង។
គិតចាប់ពីថ្ងៃទី៩ ខែកញ្ញា រហូតត្រឹមថ្ងៃទី១៤ ខែធ្នូ ឆ្នាំ២០២១នេះ អគ្គនាយកដ្ឋានគយ និងរដ្ឋាករកម្ពុជា បានប្រមូលពន្ធលើយានយន្តគ្មានពន្ធ ទាំងចង្កូតឆ្វេង និងស្តាំ ដែលជ្រកក្រោមស្លាកផ្សេងៗ ចំនួនសរុបជាង២៧ លានដុល្លារអាមេរិក ស្មើនឹងយានយន្តចំនួនជាង២.៦០០ គ្រឿង។ ក្នុងនោះ រថយន្តចង្កូតសាំ្ត មានចំនួន១.៥០០ គ្រឿង ស្មើនឹងទឹកប្រាក់១០,៨ លានដុល្លារ។ រីឯ រថយន្តចង្កូតឆ្វេង មានចំនួនជាង ១.៣០០ គ្រឿង ស្មើនឹងទឹកប្រាក់សរុប ១៧,៦ លានដុល្លារ៕
អត្ថបទពី៖ KPT
-
ព័ត៌មាន1 week agoរាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន
-
ព័ត៌មាន2 days agoកម្ពុជាទទួលធ្វើជាម្ចាស់ផ្ទះរៀបចំកិច្ចប្រជុំពហុភាគីមេបញ្ជាការកងទ័ពជើងគោកអាស៊ាន (ACAMM) និងកិច្ចប្រជុំប្រចាំឆ្នាំនាយទាហានរងជាន់ខ្ពស់កងទ័ពជើងគោកអាស៊ាន (ASMAM) ឆ្នាំ២០២៧ ជាលើកដំបូង
-
ព័ត៌មាន2 days agoជប៉ុនសន្យាបន្តកិច្ចសហប្រតិបត្តិការហិរញ្ញប្បទាន ស្របតាមវិស័យអាទិភាព និងយុទ្ធសាស្ត្ររបស់កម្ពុជា
-
ព័ត៌មាន1 week agoអ្នកសម្របសម្រួល (L.O) គណៈប្រតិភូ ហ្វ្រង់កូហ្វូនី ពេញចិត្តចំពោះការងារ ដោយនឹងព្យាយាមធ្វើឱ្យបានល្អដើម្បីមុខមាត់កម្ពុជា
-
ព័ត៌មាន2 days agoជប៉ុនប្តេជ្ញាចិត្តបន្តពង្រឹង និងពង្រីកកិច្ចសហប្រតិបត្តិការជាមួយ CMAC តាមរយៈការគាំទ្រការងារសកម្មភាពមីន
-
ព័ត៌មាន2 days agoជប៉ុនផ្តល់ជំនួយសម្រាប់ការសាងសង់អគារបណ្តុះបណ្តាលវិជ្ជាជីវៈ និងការតម្លើងឧបករណ៍ នៅវិទ្យាស្ថានជាតិវិជ្ជាជីវៈបាត់ដំបង
-
ព័ត៌មាន2 days agoហ្វ្រង់កូហ្វូនី លើកឡើងពីក្តីបារម្ភស្ថានការណ៍ព្រំដែនកម្ពុជា-ថៃ និងអំពាវនាវឱ្យគោរពសេចក្ដីប្រកាសរួម
-
ព័ត៌មាន2 days agoក្រសួងសាធារណការ ជូនដំណឹង ស្តីពីការធ្វើនាវាចរណ៍នៅតំបន់ការដ្ឋានសាងសង់ស្ពានឆ្លងកាត់ទន្លេមេគង្គ (ពីទីក្រុងរណបមេគង្គឃី ទៅកាន់ទីក្រុងរណបកោះនរា)