ព័ត៌មាន
ប្រមុខដឹកនាំកម្ពុជា ៖ គ្មានការអភិវឌ្ឍណា ធ្វើនៅឡើងនៅក្រោមគ្រាប់បែក គ្រាប់ផ្លោងនោះទេ
តាមសម្តេចតេជោ ហ៊ុន សែន មានតែការរក្សាសន្តិភាពតែប៉ុណ្ណោះ ទើបធ្វើការអភិវឌ្ឍបាន គ្មានការអភិវឌ្ឍណា ដែលធ្វើឡើងនៅក្រោមគ្រាប់បែក គ្រាប់ផ្លោង គ្រាប់កាំភ្លើងនោះទេ
«គ្មានការអភិវឌ្ឍណា ធ្វើនៅឡើងនៅក្រោមគ្រាប់បែក គ្រាប់ផ្លោងនោះទេ» នេះ គឺជាការលើកឡើងរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានៅក្នុងពិធីបើកការដ្ឋានគម្រោងសាងសង់លើកកម្រិតគុណភាពផ្លូវជាតិលេខ៤៨ ប្រវែងសរុប១៤៨គ.ម ពីអូរជ្រៅដល់ក្រុងខេមរភូមិន្ទ ខេត្តកោះកុង ក្រោមឥណទានសម្បទានពីរដ្ឋាភិបាលកូរ៉េខាងត្បូង នាថ្ងៃចន្ទ ទី០៣ ខែមករា ឆ្នាំ២០២២ នេះ។

បើតាមសម្តេចតេជោ ហ៊ុន សែន មានតែការរក្សាសន្តិភាពតែប៉ុណ្ណោះ ទើបធ្វើការអភិវឌ្ឍបាន គ្មានការអភិវឌ្ឍណា ដែលធ្វើឡើងនៅក្រោមគ្រាប់បែក គ្រាប់ផ្លោង គ្រាប់កាំភ្លើងនោះទេ កុំនិយាយពីអ្វី ប្រសិនបើអត់មានសន្តិភាព។ អ្នកខ្លះថា សន្តិភាពទាល់តែមានសន្តិភាពផ្លូវចិត្ត។ សម្តេចតេជោថា៖ «អ្នកដែលអត់មានសន្តិភាពផ្លូវចិត្ត អ្នកដែលមានពិរុទ្ធភាពនោះឯង ដូចជាចោរលួច ចោរប្លន់ ឬធ្វើអំពើទុច្ចរិតណាមួយ វាមិនដែលមានសន្តិភាពផ្លូវចិត្តទេ វាខ្លាចប៉ូលីសចាប់រាល់តែពេលហ្នឹង»។


សម្តេចតេជោ ហ៊ុន សែន លើកឡើងទៀតថា៖ «បើចង់មានសន្តិភាពផ្លូវចិត្ត អ្នកឯងធ្វើឱ្យស្រួលទៅអាហ្នឹងវាមានសន្តិភាពផ្លូវចិត្តទៅហើយ សូម្បីតែយើងមិនស្មោះត្រង់ជាមួយប្រពន្ធ ទៅលួចមានស្រីក្មេង ក៏គង់តែអត់មានសន្តិភាពផ្លូវចិត្តដែរ។ ដូច្នេះយើងធ្វើឲ្យតែស្រួលទៅ វាមានសន្តិភាពទាំងអស់ហើយ។ ខ្លះគេថា ទាល់តែមានសន្តិភាពក្នុងចិត្ត បានគេហៅសន្តិភាព។ បើអ្នកឯងធ្វើខុសបានអីមានសន្តិភាពក្នុងចិត្ត ប៉ុន្តែអ្វីដែលខ្ញុំចង់និយាយសំខាន់ គឺគ្រាប់បែកមិនត្រូវក្បាលរបស់អ្នកឯងតែប៉ុណ្ណឹង ខ្ញុំសូមធានាអាហ្នឹងសំខាន់ កុំឲ្យប្រទេសនេះ កើតសង្គ្រាម រឿងធំវានៅត្រង់កន្លែងហ្នឹង»។
គួររំលឹកថា ថ្វីបើការលើកឡើងរបស់សម្តេចអគ្គមហាសេនាបតីតេជោ ហ៊ុន សែន មិនបានបញ្ជាក់ចំឈ្មោះអ្នកនិយាយពីបញ្ហានេះក៏ដោយ ប៉ុន្តែគេនៅចាំបានថា «សន្តិភាពផ្លូវចិត្ត» តែងត្រូវបានលើកឡើងដោយក្រុមប្រឆាំង និងសង្គមស៊ីវិល ដែលមិនគាំទ្ររាជរដ្ឋាភិបាលកម្ពុជា៕
អត្ថបទពី៖ KPT
-
ព័ត៌មាន1 week agoរាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន
-
ព័ត៌មាន2 days agoកម្ពុជាទទួលធ្វើជាម្ចាស់ផ្ទះរៀបចំកិច្ចប្រជុំពហុភាគីមេបញ្ជាការកងទ័ពជើងគោកអាស៊ាន (ACAMM) និងកិច្ចប្រជុំប្រចាំឆ្នាំនាយទាហានរងជាន់ខ្ពស់កងទ័ពជើងគោកអាស៊ាន (ASMAM) ឆ្នាំ២០២៧ ជាលើកដំបូង
-
ព័ត៌មាន2 days agoជប៉ុនសន្យាបន្តកិច្ចសហប្រតិបត្តិការហិរញ្ញប្បទាន ស្របតាមវិស័យអាទិភាព និងយុទ្ធសាស្ត្ររបស់កម្ពុជា
-
ព័ត៌មាន1 week agoអ្នកសម្របសម្រួល (L.O) គណៈប្រតិភូ ហ្វ្រង់កូហ្វូនី ពេញចិត្តចំពោះការងារ ដោយនឹងព្យាយាមធ្វើឱ្យបានល្អដើម្បីមុខមាត់កម្ពុជា
-
ព័ត៌មាន2 days agoជប៉ុនប្តេជ្ញាចិត្តបន្តពង្រឹង និងពង្រីកកិច្ចសហប្រតិបត្តិការជាមួយ CMAC តាមរយៈការគាំទ្រការងារសកម្មភាពមីន
-
ព័ត៌មាន2 days agoជប៉ុនផ្តល់ជំនួយសម្រាប់ការសាងសង់អគារបណ្តុះបណ្តាលវិជ្ជាជីវៈ និងការតម្លើងឧបករណ៍ នៅវិទ្យាស្ថានជាតិវិជ្ជាជីវៈបាត់ដំបង
-
ព័ត៌មាន2 days agoហ្វ្រង់កូហ្វូនី លើកឡើងពីក្តីបារម្ភស្ថានការណ៍ព្រំដែនកម្ពុជា-ថៃ និងអំពាវនាវឱ្យគោរពសេចក្ដីប្រកាសរួម
-
ព័ត៌មាន2 days agoក្រសួងសាធារណការ ជូនដំណឹង ស្តីពីការធ្វើនាវាចរណ៍នៅតំបន់ការដ្ឋានសាងសង់ស្ពានឆ្លងកាត់ទន្លេមេគង្គ (ពីទីក្រុងរណបមេគង្គឃី ទៅកាន់ទីក្រុងរណបកោះនរា)