ព័ត៌មាន
ប្រមុខការទូតកម្ពុជា នឹងធ្វើសន្និសីទកាសែតស្តីពីដំណើរទស្សនកិច្ចរបស់សម្តេចតេជោនៅភូមានៅព្រឹកនេះ
ប្រភពផ្លូវការបានបញ្ជាក់ឲ្យដឹងថា ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីកម្ពុជា នឹងអញ្ជើញមាតុភូមិនិវត្តន៍ មកដល់ព្រះរាជាណាចក្រកម្ពុជានៅវេលាម៉ោងជាង ១១ព្រឹក ថ្ងៃទី៨ ខែមករានេះ បន្ទាប់ពីបំពេញទស្សនកិច្ចទៅកាន់ប្រទេសមីយ៉ាន់ម៉ារយៈពេល ២ ថ្ងៃប្រកបដោយ លទ្ធផលជាវិជ្ជមាន។
ប្រភពផ្លូវការបានបញ្ជាក់ឲ្យដឹងថា ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីកម្ពុជា នឹងអញ្ជើញមាតុភូមិនិវត្តន៍ មកដល់ព្រះរាជាណាចក្រកម្ពុជានៅវេលាម៉ោងជាង ១១ព្រឹក ថ្ងៃទី៨ ខែមករានេះ បន្ទាប់ពីបំពេញទស្សនកិច្ចទៅកាន់ប្រទេសមីយ៉ាន់ម៉ារយៈពេល ២ ថ្ងៃប្រកបដោយ លទ្ធផលជាវិជ្ជមាន។

នៅព្រលានយន្តហោះអន្តរជាតិភ្នំពេញ បន្ទាប់ពីអមដំណើរសម្តេចតេជោ ហ៊ុន សែន ត្រឡប់មកដល់មាតុភូមិវិញលោក ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ នឹងធ្វើសន្និសីទកាសែត ស្តីអំពីលទ្ធផលនៃដំណើរទស្សនកិច្ចរបស់ប្រមុខរាជរដ្ឋាភិបាលកម្ពុជាទៅកាន់ប្រទេសមីយ៉ាន់ម៉ា ។
សេចក្តីប្រកាសព័ត៌មានរួម កាលពីយប់ថ្ងៃទី៧ ខែមករា ២០២២ នៅទីក្រុងណែពិដោរ ប្រទេសមីយ៉ាន់ម៉ា បានបង្ហាញពីលទ្ធផលនៃជំនួបរវាងប្រមុខរាជរដ្ឋាភិបាលកម្ពុជា និងជាប្រមុខអាស៊ាន ជាមួយលោក មីន អោង ឡាំង ប្រធានក្រុមប្រឹក្សារដ្ឋបាលរដ្ឋមីយ៉ាន់ម៉ា ដោយបញ្ជាក់នូវចំណុចសំខាន់២ ដែលបានព្រមព្រៀងទាក់ទងនឹងវិបត្តិនៅមីយ៉ាន់ម៉ា។ ទី១. មេដឹកនាំយោធាលោក មីន អោងឡាំង បានប្រកាសថា កងទ័ពនឹងពន្យារការអនុវត្តបទឈប់បាញ់ជាមួយអង្គការប្រដាប់អាវុធជនជាតិភាគតិចទាំងអស់រហូតដល់ចុងឆ្នាំ ២០២២ ។


នៅក្នុងន័យនេះ មេដឹកនាំរដ្ឋបាលរដ្ឋនៃប្រទេសមីយ៉ាន់ម៉ា បាននិយាយស្វាគមការចូលរួមរបស់ប្រេសិតថ្មីពិសេសរបស់ប្រធានអាស៊ាននៅក្នុងកិច្ចពិភាក្សាស្តីពីបទឈប់បាញ់ជាមួយក្រុមប្រដាប់អាវុធជនជាតិភាគតិច ។ ចំណុច ទី២ មេដឹកនាំកម្ពុជា និងមីយ៉ាន់ម៉ាព្រម ព្រៀងគ្នាផងដែរ ឲ្យមានកិច្ចប្រជុំរវាងភាគីពាក់ព័ន្ធ ដើម្បីបើកផ្លូវនាំជំនួយមនុស្សធម៌ដល់ប្រជាជនមីយ៉ាន់ម៉ា។
នៅក្នុងសេចក្តីប្រកាសព័ត៌មានរួមដដែល លោក មីន អោងឡាំង ក៏បានថ្លែងផងដែរថា នឹងផ្តល់ការគាំទ្រដល់ប្រេសិតថ្មីរបស់ប្រធានអាស៊ានដើម្បីអាចបំពេញតួនាទីរបស់ខ្លួន ក្នុងការអនុវត្តកុងសង់ស៊ីស៥ចំណុចរបស់អាស៊ាន ដើម្បីដោះស្រាយវិបត្តនៅមីយ៉ាន់ម៉ា។ ប៉ុន្តែ សេចក្តីប្រកាសព័ត៌មានរួមនោះ មិនបានបញ្ជាក់ថាតើប្រេសិតរបស់អាស៊ាន នឹងត្រូវអនុញ្ញាតឲ្យចូលជួបលោកស្រី អ៊ុងសាន ស៊ូជី ដែលកងទ័ពកំពុងឃុំខ្លួនដែរ ឬក៏យ៉ាងណា ៕
អត្ថបទពី៖ KPT
-
ព័ត៌មាន1 week agoរាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន
-
ព័ត៌មាន2 days agoកម្ពុជាទទួលធ្វើជាម្ចាស់ផ្ទះរៀបចំកិច្ចប្រជុំពហុភាគីមេបញ្ជាការកងទ័ពជើងគោកអាស៊ាន (ACAMM) និងកិច្ចប្រជុំប្រចាំឆ្នាំនាយទាហានរងជាន់ខ្ពស់កងទ័ពជើងគោកអាស៊ាន (ASMAM) ឆ្នាំ២០២៧ ជាលើកដំបូង
-
ព័ត៌មាន2 days agoជប៉ុនសន្យាបន្តកិច្ចសហប្រតិបត្តិការហិរញ្ញប្បទាន ស្របតាមវិស័យអាទិភាព និងយុទ្ធសាស្ត្ររបស់កម្ពុជា
-
ព័ត៌មាន1 week agoអ្នកសម្របសម្រួល (L.O) គណៈប្រតិភូ ហ្វ្រង់កូហ្វូនី ពេញចិត្តចំពោះការងារ ដោយនឹងព្យាយាមធ្វើឱ្យបានល្អដើម្បីមុខមាត់កម្ពុជា
-
ព័ត៌មាន2 days agoជប៉ុនប្តេជ្ញាចិត្តបន្តពង្រឹង និងពង្រីកកិច្ចសហប្រតិបត្តិការជាមួយ CMAC តាមរយៈការគាំទ្រការងារសកម្មភាពមីន
-
ព័ត៌មាន2 days agoជប៉ុនផ្តល់ជំនួយសម្រាប់ការសាងសង់អគារបណ្តុះបណ្តាលវិជ្ជាជីវៈ និងការតម្លើងឧបករណ៍ នៅវិទ្យាស្ថានជាតិវិជ្ជាជីវៈបាត់ដំបង
-
ព័ត៌មាន2 days agoហ្វ្រង់កូហ្វូនី លើកឡើងពីក្តីបារម្ភស្ថានការណ៍ព្រំដែនកម្ពុជា-ថៃ និងអំពាវនាវឱ្យគោរពសេចក្ដីប្រកាសរួម
-
ព័ត៌មាន2 days agoក្រសួងសាធារណការ ជូនដំណឹង ស្តីពីការធ្វើនាវាចរណ៍នៅតំបន់ការដ្ឋានសាងសង់ស្ពានឆ្លងកាត់ទន្លេមេគង្គ (ពីទីក្រុងរណបមេគង្គឃី ទៅកាន់ទីក្រុងរណបកោះនរា)