ព័ត៌មាន
ទំព័រដើម ព័ត៌មានសំខាន់ៗ ព័ត៌មានជាតិ ព័ត៌មានអន្តរជាតិ ព័ត៌មានកីឡា ព័ត៌មានវីដេអូ ស្វែងរក… អាស៊ានកំពុងក្លាយជាដៃគូដ៏សំខាន់របស់អន្តរជាតិ ក្នុងការដោះស្រាយបញ្ហាពិភពលោក និងធ្វើពាណិជ្ជកម្ម
ឯកឧត្តម គង់ ភោគ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ បានថ្លែងថា អាស៊ានកំពុងក្លាយជាដៃគូដ៏សំខាន់មួយរបស់អន្តរជាតិ ក្នុងការសន្ទនា ដើម្បីដោះស្រាយនូវបញ្ហាពិភពលោក និងការធ្វើពាណិជ្ជកម្មជាមួយគ្នា ខណៈកម្ពុជាក៏បានដើរតួយ៉ាងសកម្មផងដែរ លើកិច្ចការនយោបាយការបរទេស ។

ក្នុងឱកាសធ្វើជាវាគ្មិន នៃវេទិកាពិភាក្សា លើប្រធានបទ គោលនយោបាយការបរទេសកម្ពុជា ក្នុងបរិបទអាស៊ាន នៅថ្ងៃទី១២ ខែមិថុនា ឆ្នាំ២០២៤ ឯកឧត្តម គង់ ភោគ មានប្រសាសន៍ថា ក្នុងនាមជាសមាជិក ប្រទេសអាស៊ានទាំង១០ គឺមានសិទ្ធិស្មើគ្នា មិនថាប្រទេសតូច ឬធំនោះទេ ដែលរាល់ការសម្រេចណាមួយ ក្នុងក្របខណ្ឌអាស៊ាន ប្រទេសសមាជិកទាំងអស់ គឺមានសិទ្ធិស្មើគ្នា ក្នុងការសម្រេច ដូចនេះហើយ ការសម្រេចរបស់អាស៊ាន ត្រូវមានការពិភាក្សាគ្នា និងកុងសងស៊ីស ។
ឯកឧត្តម បានបន្តថា ក្នុងរយៈពេល២០ឆ្នាំមកនេះ ប្រជាប្រិយភាព និងសារសំខាន់របស់អាស៊ាន មានការកើនឡើងច្រើន ដោយមានប្រទេសជាច្រើន ស្នើសុំធ្វើដៃគូជាមួយអាស៊ាន ដែលបច្ចុប្បន្នមានដៃគូសន្ទនារហូតដល់ ១១ប្រទេស ខណៈប្រទេសជាច្រើនទៀត ចង់បង្កើតកម្រិត ធ្វើជាដៃគូសន្ទនាដែរ។
រដ្ឋលេខាធិការក្រសួងការបរទេសរូបនេះ បានបន្ថែមថា អាស៊ានមានដៃគូចំនួន ៣ប្រភេទ ដោយអាស៊ានអាចរៀបចំកិច្ចប្រជុំរដ្ឋមន្ត្រីការបរទេស ឬក្នុងកិច្ចការចាំបាច់ណាមួយ តម្លើងដល់កិច្ចប្រជុំកំពូល ក្នុងនោះក៏មានដៃគូសន្ទនាតាមវិស័យ និងការសន្ទនាលើការងារអភិវឌ្ឍផងដែរ ។
ឯកឧត្តម គង់ ភោគ បានបន្តទៀតថា អាស៊ានក៏អាចផ្ដល់ទៅពិភពលោកដែរនោះ គឺការទំនាក់ទំនងផ្នែកសេដ្ឋកិច្ច ខណៈអាស៊ាននាពេលបច្ចុប្បន្ន មានប្រជាជនជិត ៧០០លាននាក់ ហើយទំហំ GDP ក៏ធំផងដែរ ។
គួរបញ្ជាក់ថា ការបង្ហាញខ្លួនធ្វើជាដៃគូសន្ទនារបស់អន្តរជាតិ ជាមួយអាស៊ាន គឺស្ដែងចេញ ជាពិសេសពេលបើកកិច្ចប្រជុំកំពូលអាស៊ាន ដែលមានកិច្ចពហុភាគី និងកិច្ចប្រជុំបូកជាដើម៕




អត្ថបទ៖ បាន សុខរិទ្ធិ
អត្ថបទ៖ BTV News
RELATED TOPICS: #BAYON NEWS #BAYONTV
-
ព័ត៌មាន1 week agoរាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន
-
ព័ត៌មាន2 days agoកម្ពុជាទទួលធ្វើជាម្ចាស់ផ្ទះរៀបចំកិច្ចប្រជុំពហុភាគីមេបញ្ជាការកងទ័ពជើងគោកអាស៊ាន (ACAMM) និងកិច្ចប្រជុំប្រចាំឆ្នាំនាយទាហានរងជាន់ខ្ពស់កងទ័ពជើងគោកអាស៊ាន (ASMAM) ឆ្នាំ២០២៧ ជាលើកដំបូង
-
ព័ត៌មាន2 days agoជប៉ុនសន្យាបន្តកិច្ចសហប្រតិបត្តិការហិរញ្ញប្បទាន ស្របតាមវិស័យអាទិភាព និងយុទ្ធសាស្ត្ររបស់កម្ពុជា
-
ព័ត៌មាន1 week agoអ្នកសម្របសម្រួល (L.O) គណៈប្រតិភូ ហ្វ្រង់កូហ្វូនី ពេញចិត្តចំពោះការងារ ដោយនឹងព្យាយាមធ្វើឱ្យបានល្អដើម្បីមុខមាត់កម្ពុជា
-
ព័ត៌មាន2 days agoជប៉ុនប្តេជ្ញាចិត្តបន្តពង្រឹង និងពង្រីកកិច្ចសហប្រតិបត្តិការជាមួយ CMAC តាមរយៈការគាំទ្រការងារសកម្មភាពមីន
-
ព័ត៌មាន2 days agoជប៉ុនផ្តល់ជំនួយសម្រាប់ការសាងសង់អគារបណ្តុះបណ្តាលវិជ្ជាជីវៈ និងការតម្លើងឧបករណ៍ នៅវិទ្យាស្ថានជាតិវិជ្ជាជីវៈបាត់ដំបង
-
ព័ត៌មាន2 days agoហ្វ្រង់កូហ្វូនី លើកឡើងពីក្តីបារម្ភស្ថានការណ៍ព្រំដែនកម្ពុជា-ថៃ និងអំពាវនាវឱ្យគោរពសេចក្ដីប្រកាសរួម
-
ព័ត៌មាន2 days agoក្រសួងសាធារណការ ជូនដំណឹង ស្តីពីការធ្វើនាវាចរណ៍នៅតំបន់ការដ្ឋានសាងសង់ស្ពានឆ្លងកាត់ទន្លេមេគង្គ (ពីទីក្រុងរណបមេគង្គឃី ទៅកាន់ទីក្រុងរណបកោះនរា)