ប្រតិបត្តិការបង្ក្រាបការឆបោកតាមប្រព័ន្ធបច្ចេកវិទ្យាបានជាង ២៥០ករណី , ជ្រកក្រោមស្លាកកាស៊ីណូមាន ៩១ ទីតាំងកាស៊ីណូ

ឯកឧត្តមសន្តិបណ្ឌិត ឆៃ ស៊ីណារិទ្ធ ទេស រដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានប្រចាំការនៃគណៈកម្មការ ចំពោះកិច្ចប្រយុទ្ធប្រឆាំងការឆបោកតាម ប្រព័ន្ធបច្ចេកវិទ្យា (គ.ប.ឆ.ប) បានបញ្ជាក់ បញ្ជាក់ថា ប្រតិបត្តិការបង្ក្រាបការឆបោកតាមប្រព័ន្ធបច្ចេកវិទ្យាបានប្រមាណជាង ២៥០ករណី (សកម្មភាព Online Scams ជ្រកក្រោមស្លាកកាស៊ីណូមាន ៩១ ទីតាំងកាស៊ីណូ)។ ត្រួតពិនិត្យរដ្ឋបាលប្រមាណ ១០.០៥០ ទីតាំង មានជនបរទេសប្រមាណ ៨០.០០០នាក់ មាន៧៥សញ្ជាតិ។ សម្ភារដកហូតទូរសព្ទដៃប្រមាណ ៤៣.១៥០គ្រឿង និងកុំព្យូទ័រ ១១.០០០គ្រឿង ។ល។

ការបញ្ជាក់នេះ ក្នុងការធ្វើបទបង្ហាញស្តីពី «ការបង្ក្រាបនិងទប់ស្កាត់ការឆបោកតាមប្រព័ន្ធបច្ចេកវិទ្យា (Online Scams) នៅកម្ពុជា» ក្រោមអធិបតីភាពដ៏ខ្ពង់ខ្ពស់ឯកឧត្តម ធន់ វឌ្ឍនា អនុប្រធានទី២ ព្រឹទ្ធសភា នៃព្រះរាជាណាចក្រកម្ពុជា នៅព្រឹកថ្ងៃទី១ ខែមេសា ឆ្នាំ២០២៦ នៅវិមានសាមគ្គីភាព នៃព្រឹទ្ធសភា៕