ពិព័រណ៍ និងសន្និសីទអន្តរជាតិនៅកម្ពុជាឆ្នាំ២០២៦ មានស្តង់ជាងពីររយមកពីប្រទេសចំនួន ១​​​​​​៥​​ បានចូលរួម

ស៊េរីពិព័រណ៍ និងសន្និសីទអន្តរជាតិនៅកម្ពុជា ឆ្នាំ២០២៦ (Cambodia expo series 2026 KICK-O​​F​​)​​ នឹងប្រព្រឹត្តិទៅចាប់ពីថ្ងៃទី២៦ ដល់ថ្ងៃទី២៨ ខែសីហា ឆ្នាំ២០២៦ ស្ថិតនៅមជ្ឈមណ្ឌលពិព័រណ៍ និ​​ង​​​​ស​​​​ន្និ​​បា​​​​ត​​​​កោះពេជ្រ រាជធានីភ្នំពេញ។ ពិព័រណ៍នេះ មានស្តង់ជាងពីររយមកពីប្រទេសចំនួន១៥។

នៅក្នុងសន្និសីទសារព័ត៌មាន «Cambodia Expo Series 2026» ស្ថិតនៅសណ្ឋាគារ Hyatt re​​gen​​cy រាជធានីភ្នំពេញ នៅថ្ងៃទី២៩ ខែកក្កដា ឆ្នាំ២០២៦នេះ ឯកឧត្តម សំហេង បូរ៉ា រដ្ឋលេខាធិការក្រ​​​សួ​ង​​ពា​​ណិ​​​​ជ្ជកម្ម បានថ្លែងថា គឺ Cambodia Expo Seriesនេះ ជាស្ពានដ៏សំខាន់ក្នុងការផ្សារភ្ជាប់អ្នកផលិត ក​​​​​​សិ​​ករ និងក្រុមហ៊ុនផលិតក្នុងស្រុកដោយផ្ទាល់ទៅនឹងខ្សែច្រវាក់ផ្គត់ផ្គង់អន្តរជាតិ បច្ចេកវិទ្យាទំនើ​​បៗ ​និងក​​សាងឱកាសវិនិយោគថ្មីៗផងដែរ។

តំណាងក្រុមហ៊ុន VEAS បានលើកឡើងដែរថា អស់រយៈពេលជាង ១០ ឆ្នាំមកនេះ ក្នុងនាមជាអ្ន​​ករៀបចំ​​ពិព័រណ៍កម្ពុជាសម្រាប់ឧស្សាហកម្មកសិកម្ម ឧស្សាហកម្មអាហារ ឧស្សាហកម្មវេជ្ជសាស្ត្រ និងបម្រែបម្រួលសម្រស់ ព្រមទាំងវិស័យផ្សេងៗទៀត ក្រុមហ៊ុនបានខិតខំប្រឹងប្រែងធ្វើការយ៉ាងសកម្ម ដើម្បីនាំយកក្រុ​​ម​​ហ៊ុន និង​​អាជីវកម្មអន្តរជាតិកាន់តែច្រើនឱ្យមកភ្ជាប់ទំនាក់ទំនងជាមួយសហគ្រាសកម្ពុជា។

សមាគមន៍ និងតំណាងក្រុមហ៊ុន រំពឹងទុកថា ផលិតផលរបស់ខ្លួន នឹងមានការទាក់ទាញច្រើនជាងមុនពីអតិថិជ​​ន​​​​តាមរយៈស៊េរីពិព័រណ៍ និងសន្និសីទអន្តរជាតិនៅកម្ពុជា។

គួរបញ្ជាក់ដែរថា ស៊េរីពិព័រណ៍ និងសន្និសីទអន្តរជាតិនៅកម្ពុជា ឆ្នាំ២០២៦ មានការប្រមូលផ្តុំព្រឹ​​ត្តិកា​​​​រ​​ណ៍​​អ​​ន្តរជាតិចំនួន៩ គ្របដណ្តប់លើវិស័យសំខាន់ៗដូចជា៖ កសិកម្ម បសុសត្វ វារីវប្បកម្ម អា​​ហា​​​រ និ​ងភេសជ្ជៈ សុខាភិបាល ឱសថ មន្ទីរពិសោធន៍ សម្រស់ សុ​​ខុមាល​​ភាព សត្វចិញ្ចឹម និងផលិតផលប្រើប្រា​​ស់។នៅក្នុងពិព័រណ៍នេះ មានការរៀបចំស្តង់ជាងពីររយមកពីប្រទេសចំនួន១៥រួមមាន៖ អឺរ៉ុប ចិន កូរ៉េ ទួរគី ឥណ្ឌា​​ និងបណ្តាប្រ​​ទេ​​សផ្សេ​​ងៗទៀតក្នុងតំបន់អាស៊ី។ អត្ថបទ៖ទូច សោភ័ណ