ព័ត៌មាន
គ្រូបណ្ដុះបណ្ដាល៖ ជំនាញផ្នែកយានយន្តអាចរកប្រាក់ចំណូលខ្ពស់ និងសម្បូរទីផ្សារការងារ
គ្រូបណ្តុះបណ្តាលវិស្វកម្មរថយន្ត បានលើកឡើងថា អ្នកចេះជំនាញផ្នែកយានយន្តអាចរកប្រាក់ចំណូលចាប់ពី ៣០០ ដល់ ៤០០ ដុល្លារ ឬច្រើនជាងនេះ ព្រោះជាវិស័យបច្ចេកទេសដ៏មានសក្តានុពល និងមិនសូវខ្វះការងារធ្វើឡើយ។
លោក ណុន ឌី អនុប្រធានដេប៉ាតឺម៉ង់វិស្វកម្មរថយន្ត នៅវិទ្យាស្ថានបច្ចេកទេសឧស្សាហកម្ម (ITI) បានឱ្យព័ត៌មាន ប៊ីធីវី ដឹងថា ពិតប្រាកដណាស់ ជំនាញផ្នែកយានយន្ត គឺជាវិស័យទីផ្សារការងារដែលមានសក្តានុពលខ្ពស់ និងអាចរកប្រាក់ចំណូលជាមធ្យម ចាប់ពី ៣០០ដុល្លារ ឡើងទៅអាស្រ័យលើកម្រិតជំនាញ និងបទពិសោធន៍ជាក់ស្តែង។
លោកបានបន្តថា ទីផ្សារជំនាញផ្នែកយានយន្ត និយាយក្នុងកម្រិតដែលលោកធ្លាប់បានបណ្តុះបណ្តាលទៅកាន់សិស្សនាពេលកន្លងមក សម្រាប់កម្រិតមធ្យម·អាចរកចំណូលចាប់ពី ៣០០ ដល់ ៥០០ដុល្លារ ក្នុងមួយខែ។ ហើយប្រសិនបើ·កម្រិតជំនាញខ្ពស់ (ឯកទេស) គឺអាចរកចំណូលលើសពី ៦០០ដុល្លារ ឡើងទៅ ព្រោះចេះជួសជុលប្រព័ន្ធអគ្គិសនីរថយន្ត និងកុំព្យូទ័រយានយន្តទំនើប។ លោកបន្ថែមទៀតថា ជំនាញនេះ សិស្សទាំងអស់មិនត្រឹមតែអាចងាយស្រួលស្វែងរកការងារធ្វើទេ ថែមទាំងអាចបើកជាអាជីវកម្មដោយខ្លួនឯងបានដែរទៅតាមលទ្ធភាពជាក់ស្តែង។
លោក ញិច សុភ័ក្ត គ្រូបច្ចេកទេសជំនាញផ្នែកអគ្គិសនីរថយន្ត នៅក្នុងវិទ្យាស្ថានដូចគ្នាខាងលើ បានឱ្យដឹងដែរថា ជាកាពិតណាស់ ការចាប់យកជំនាញណាមួយសុទ្ធតែល្អ ប៉ុន្តែក្នុងបច្ចុប្បន្ន និងអនាគត យុវជនគួរតែងាកចាប់យកជំនាញផ្នែកយានយន្ត ដោយសារតម្រូវការកម្លាំងពលកម្មជំនាញកាន់តែខ្ពស់ ខណៈការប្រើប្រាស់យានយន្តលើដងផ្លូវក៏កាន់តែមានកំណើនផងដែរ។
ជាមួយនេះ លោកបានលើកទឹកចិត្តដល់យុវជនទាំងអស់ ត្រូវពិចារណា ឬទៅស្វែងយល់ជំនាញនីមួយៗជាមុនសិន មុនឹងសម្រេចចិត្តចាប់យកអាជីពណាមួយទៅថ្ងៃអនាគត។ លោកបន្ថែមទៀតថា ប្រសិនជាអាច យុវជនគួររៀនជំនាញបច្ចេកទេស និងវិជ្ជាជីវៈ ឬហៅថា ធីវ៉េត ពីព្រោះរាជរដ្ឋាភិបាលបានកំពុងខិតខំទាក់ទាញអ្នកវិនិយោគបរទេសជាច្រើនឱ្យមកបណ្តាក់ទុនវិនិយោគនៅក្នុងស្រុកដើម្បីបើកជារោងចក្រ សហគ្រាស ដែលនាំយកឱកាសការងារជាច្រើនកន្លែងជូនដល់ប្រជាពលរដ្ឋផងដែរ។
សូមបញ្ជាក់ថា ទាក់ទិននឹងការចាប់យកជំនាញផ្នែកយានយន្តនៅកម្ពុជាសព្វថ្ងៃនេះ បានកត់សម្គាល់ឃើញថា មានតែសិស្ស មិនថាជាបុរសប៉ុណ្ណោះទេដែលចាប់អារម្មណ៍រៀនជំនាញមេកានិចរថយន្ត ឬជំនាញជួសជុលរថយន្ត ប៉ុន្ដែបច្ចុប្បន្ននេះ ក៏ក្លាយជាជំនាញលេចធ្លោមួយក្នុងចំណោមជំនាញវិជ្ជាជីវៈផ្សេងៗទៀត ដោយកំពុងទទួលបានការចាប់អារម្មណ៍ខ្លាំងពីសំណាក់យុវនារី ខណៈដែលមានតម្រូវការការងារខ្ពស់ និងប្រាក់ខែសមរម្យ៕ អត្ថបទ៖ ឈិត បូរ៉ាវី
-
ព័ត៌មាន1 week agoព្រឹទ្ធសភាឯកភាពទាំងស្រុងលើសេចក្តីព្រាងច្បាប់គ្រប់គ្រងរដ្ឋបាលឃុំ សង្កាត់ និងទទួលស្គាល់សមាជិកព្រឹទ្ធសភាថ្មី មណ្ឌលភូមិភាគទី៦
-
ព័ត៌មាន1 week agoកងទ័ពកម្ពុជា និងអាមេរិកនឹងចាប់ផ្តើមធ្វើសមយុទ្ធ«ឆ្មាំអង្គរ»នៅខែកុម្ភៈ ឆ្នាំ២០២៧ខាងមុខនេះ
-
ព័ត៌មាន1 week agoប្រធានក្រុមការងារទទួលបន្ទុកជួសជុល និងសាងសង់ឡើងវិញអគារសិក្សាដែលជាអំណោយរបស់សម្ដេចតេជោដឹកនាំក្រុមការងារចុះពិនិត្យ សិក្សា និងវាយតម្លៃស្ថានភាពអគារសិក្សានៅតាមសាលារៀនចំនួន ៩ ក្នុងឃុំរវៀង និងឃុំសំរោង ស្រុកសំរោង ខេត្តតាកែវ
-
ព័ត៌មាន1 week agoឯកឧត្តម ហ៊ុន ម៉ានី៖ បាឋកថាជាស៊េរី ជាស្ពានផ្សារភ្ជាប់នូវគុណតម្លៃអន្តរជំនាន់ រវាងថ្នាក់ដឹកនាំជំនាន់មុន និងថ្នាក់ដឹកនាំជំនាន់ក្រោយ
-
ព័ត៌មាន2 days ago«ធនធានហិរញ្ញវត្ថុ» ជាសរសៃឈាមរត់យ៉ាងសំខាន់មិនអាចខ្វះបានក្នុងការទ្រទ្រង់កម្លាំងប្រយុទ្ធ ខណៈប្រាក់បៀវត្សត្រូវតែផ្តល់ជូនឲ្យដល់ដៃយោធិនគ្រប់រូប
-
ព័ត៌មាន1 week agoឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញប្រកាសជាផ្លូវការបណ្តាញអគ្គលេខាធិការនៃក្រសួង ស្ថាប័ន ចំណុះអង្គការនីតិប្រតិបត្តិ
-
ព័ត៌មាន1 week agoឯកឧត្តម យក់ ប៊ុនណា បង្ហាញផែនការសកម្មភាព ១០ចំណុច ជំរុញទំនើបកម្មរដ្ឋបាលសាធារណៈតាមរយៈ «បណ្តាញអគ្គលេខាធិការ»
-
ព័ត៌មាន6 days agoឯកឧត្តមឧបនាយករដ្ឋមន្រ្តីប្រចាំការ វង្សី វិស្សុត បន្តដឹកនាំកិច្ចប្រជុំរៀបចំសន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យានៅកម្ពុជា