លោកជំទាវបណ្ឌិតសភាចារ្យ ភឿង សកុណា អញ្ជើញសាកសួរសុខទុក្ខ លោកគ្រូអ្នកគ្រូ និងសិស្សានុសិស្សនៃសាលាបឋមសិក្សាជីកដី ក្នុងឃុំអណ្តូងត្របែក ស្រុករមាសហែក

នាថ្ងៃទី២ ខែសីហា ឆ្នាំ២០២៦ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានដឹកនាំក្រុមការងារ អញ្ជើញចុះសួរសុខទុក្ខ សំណេះសំណាលជាមួយលោកគ្រូ អ្នកគ្រូ និងសិស្សានុសិស្ស នៃសាលាបឋមសិក្សាជីកដីក្នុងឃុំអណ្តូងត្របែក ស្រុករមាសហែក ខេត្តស្វាយរៀង។

ក្នុងឱកាសនោះលោកជំទាវបាននាំយក សម្ភារ:សិក្សាសម្រាប់ចែកជូនសិស្សានុសិស្ស សិស្សមតេ្តយ្យដូចជា កាតាបចំនួន២៨ ខ្មៅដៃ៤១៦ដេីម គូល័រ៤១៦ប្រអប់ ជ័រលុប៤១៦ សៀវភៅ១៦២ក្បាល ប៉ិចច១០៨ដេីម សាប៊ូ៥៤ដុំ នំ ទឹកដោះគោព្រមទាំងថវិកាមួយចំនួន។ លោកនាយក លោកគ្រូ អ្នកគ្រូក៏ទទួលបានក្រណាត់អាវ-សំពត់ ដបទឹក និងថវិកាផងដែរ។

ជាមួយគ្នានេះ លោកជំទាវបានធ្វើការសំណេះសំណាលប្រកបដោយភាពស្និទ្ធស្នាល កក់ក្តៅ និងក្តីស្រឡាញ់ ចំពោះកុមារា កុមារីដែលបាននិងកំពុងយកចិត្តទុកដាក់សិក្សារៀនសូត្រ ព្រមទាំងបានលើកទឹកចិត្តឱ្យសិស្សានុសិស្សខិតខំបន្តការរៀនសូត្រ គោរពវិន័យ មានសីលធម៌ សុជីវធម៌ និងចេះស្រឡាញ់ សាមគ្គីគ្នា ដើម្បីក្លាយជាពលរដ្ឋល្អ និងជាកម្លាំងស្នូលសម្រាប់ការអភិវឌ្ឍសង្គមជាតិនាពេលអនាគត៕