អតីត​សិស្សនិ​ទ្ទេស A៖ ការជ្រើ​សរើស​រៀន​ជំនា​ញ IT ក្នុ​ងវិស័យ TVET គឺជាជម្រើសដ៏ល្អសម្រា​ប់ខ្ញុំ ដើម្បី​ចាប់​យក​ឱកាស​ការ​ងារតាម​យុគ​សម័យ​ឌីជី​ថល

(ភ្នំពេញ)៖ យុវជន វុន សុខលាភ បានប្រែក្លាយខ្លួនពីសិស្សម្នាក់រៀនមិនសូវពូកែ រហូតក្លាយជាសិស្សពូកែ និងទទួលនិទ្ទេស A ដែល​មក​ចាប់​យក​ជំនាញ«ព័ត៌មានវិទ្យា» នៅក្នុងវិទ្យាស្ថានជាតិបណ្ដុះបណ្ដាលបច្ចេកទេស(NTTI) តាម​រយៈ​ការ​សិក្សា​អប់រំ​បណ្ដុះ​បណ្ដាល​បច្ចេកទេស និងវិជ្ជាជីវៈ (TVET) ដើម្បី​ត្រៀម​ខ្លួន​ចូលរួម​ក្នុង​កម្លាំង​ពល​កម្មផ្នែកឌី​ជីថលនៅ​កម្ពុ​ជា។

កន្លងមក​ ​យុវជនរូបនេះជាសិស្សដែលរៀនមិនសូវពូកែ និង​មាន​ចំណុច​ខ្សោយ​ជា​ច្រើន ប៉ុន្ដែ​នៅ​ពេល​ចា​ប់ផ្ដើម​ចូលរៀន​ត្រឹម​ថ្នាក់ទី១​២ លោក​ក៏បាន​​ផ្លាស់​ប្ដូរការគិ​ត និង​​បង្កើនខិតខំប្រឹងប្រែងរៀនសូ​ត្ររហូតទទួ​លបានលទ្ធផ​លជាទីគា​ប់ចិត្ដ និងទទួលនិទ្ទេស A។

យុវជន សុខលាភ បាននិយាយថា៖«គ្រួសារខ្ញុំក៏អត់នឹកស្មានដល់ថា ខ្ញុំប្រឡងទទួលបាននិទ្ទេស A នេះដែរ ព្រោះពួកគាត់ឃើញ​ខ្ញុំរៀន​អត់​ពូកែ​តាំង​ពីដើម»។

បន្ទាប់ពី​ប្រឡងបា​ក់ឌុប​ចប់ យុវ​ជនរូបនេះ ក៏បាន​សម្រេចចិត្ដស្វែង​រកព័ត៌មានបន្ថែ​មទាក់ទង និង​ជំនាញ IT និង​គ្រឹះស្ថានបណ្ដុះ​បណ្ដាល ដោយ​សារ​​តែខ្លួ​ន​ជាមនុស្ស​ស្រឡាញ់ខាងបច្ចេ​កទេស ហើយមើលឃើ​ញថា ក្នុ​ងសម័​យបច្ចុប្បន្ន គឺជាសម័យដែ​លឆ្ពោះទៅរឌីជីថល ដូចនេះ​ជំនាញ​IT ​នេះជាជម្រើសដ៏សកសមសម្រាប់ទីផ្សារការងារកម្ពុជា។ បន្ថែមពីលើសនេះ យុវជនរូបនេះក៏បានចាប់​អារម្មណ៍ទៅលើ​វិទ្យាស្ថាន NTTI ដោយ​សារ​តែ​ក្នុងបន្ទប់មាន​ឧបករណ៍ទំនើបៗ មានបន្ទាប់ពិសោធន័សម្រាប់ឲ្យ​សិស្សានុសិ​ស្សអនុវត្ដផ្ទាល់។

យុវជន សុខលា​ភ​ បានលើក​ឡើងថា៖«ការរើសជំនាញ​នៅ TVET ជា​ជម្រើស​មួយដ៏​ល្អសម្រាប់​ខ្ញុំ​ ដោយ​សារ​ខ្ញុំចូល​​រៀន​ផ្ទាល់ លោក​​គ្រូ អ្នកគ្រូ ខិត​ខំព្យា​យាមប​ង្រៀន មិនថា​ទាំងទ្រឹស្ដី និងអនុវត្ត គឺទន្ទឹ​មគ្នាសឹងថាពេល​ខ្លះអនុវត្តច្រើនជាង​ទ្រឹស្ដីទៀត»។

បន្ថែមពីលើ​នេះ TVET មានដៃគូសហ​ការច្រើន ដែលងាយស្រួល​ឲ្យសិ​ស្ស​ក្នុងកា​ររកកា​​រងារ ឬហាត់កា​រ​ងារ ដើ​ម្បី​ពង្រឹងសម​ត្ថភាព​​ឲ្យកាន់​​តែរីកច​ម្រើន ហើយ​ខាង​​សាលា​ក៏មាន​ការជួ​យរៀប​ចំជួ​យធ្វើ CV ​ឬរៀ​បចំ​ផ្សេងៗ ​និងណែ​នាំយើងមុនពេលទៅ​​ពាក្យាការ​ងា។​

ជាមួយ​គ្នានេះ អតីត​សិស្ស​និទ្ទេស A រូបនេះ​ក៏បាន​ចែករំលែកបីគន្លឹះ​សំខាន់​ៗក្នុង​ត្រៀមខ្លួនប្រឡងរួមមាន ទី១ កុំដាក់​សម្ពាធខ្លួន​ឯងពេក, ទី២ ប្រឹង​អនុវត្ត​លំ​ហាត់ និង​មេរៀនឲ្យ​បាន​ច្រើន និង​ទី៣ ត្រូវមាន​គោលដៅថា ខ្លួនឯ​ងប្រឡង​ចង់បាន​អី្វ។

យុវជន វុន សុខលាភ ក៏បានលើកទឹកចិត្ដប្អូនៗមកចុះឈ្មោះរៀនជំនាញនៅក្នុង TVET ឲ្យបានច្រើន ដោយសារនៅទីនេះ លោ​កគ្រូ អ្នកគ្រូ សុទ្ធ​មាន​វិជ្ជាជីវៈ​ច្បាស់​លាស់​ ឧបក​រណ៍ប្រើ​ប្រាស់​សម្រាប់អនុវត្តទំនើបៗ​ និ​ងជំនាញដែលឆ្លើយតបតាមតម្រូវការងារទីផ្សារការងារបច្ចុប្បន្ន៕