យុទ្ធនាការជំរឿនមន្ត្រីជាក់ស្តែងនៅក្រសួងសាធារណការ និងដឹកជញ្ជូន ឈានចូលថ្ងៃទី២ ប្រកបដោយភាពរលូន និងសកម្ម

យុទ្ធនាការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែងនៅក្រសួងសាធារណការ និងដឹកជញ្ជូន បានបន្តឈានចូលដល់ថ្ងៃទី២ ហើយ នាថ្ងៃទី១៣ ខែសីហា ឆ្នាំ២០២៦នេះ ដោយមានការអញ្ជើញចូលរួមយ៉ាងសកម្ម និងផុសផុលពីសំណាក់ថ្នាក់ដឹកនាំ និងមន្ត្រីរាជការគ្រប់ជាន់ថ្នាក់។

ក្នុងយុទ្ធនាការជំរឿននាពេលនេះ ថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យាមកពីគ្រប់អង្គភាពចំណុះក្រសួងសាធារណការ និងដឹកជញ្ជូន បានអញ្ជើញមកបង្ហាញវត្តមាន ផ្ទៀងផ្ទាត់ទិន្នន័យផ្ទាល់ខ្លួន និងពិនិត្យផ្ទៀងផ្ទាត់ឯកសារយ៉ាងយកចិត្តទុកដាក់ ក្រោមការសម្របសម្រួលពីក្រុមការងារបច្ចេកទេសនៃក្រសួងមុខងារសាធារណៈ ដែលធ្វើឱ្យដំណើរការនៃការធ្វើជំរឿនប្រព្រឹត្តទៅដោយភាពស្និទ្ធស្នាល និងលឿនរហ័ស។

ការចូលរួមយ៉ាងសកម្ម និងខកខានមិនបានពីសំណាក់ថ្នាក់ដឹកនាំ និងមន្ត្រីគ្រប់ជាន់ថ្នាក់នាពេលនេះ គឺស្តែងឱ្យឃើញពីការប្តេជ្ញាចិត្តខ្ពស់ ក្នុងការគាំទ្រគោលនយោបាយកែទម្រង់រដ្ឋបាលសាធារណៈ របស់រាជរដ្ឋាភិបាល ក្នុងគោលដៅពង្រឹងតម្លាភាព គណនេយ្យភាព និងប្រសិទ្ធភាពនៃការគ្រប់គ្រងធនធានមនុស្ស។

សូមជម្រាបថា ការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្តែងនៅក្នុងរចនាសម្ព័ន្ធក្រសួងសាធារណការ និងដឹកជញ្ជូន គឺប្រព្រឹត្តទៅចាប់ពីថ្ងៃទី១២ ដល់ថ្ងៃទី១៤ ខែសីហា ឆ្នាំ២០២៦ នៅទីស្តីការក្រសួងសាធារណការ និងដឹកជញ្ជូន៕