នាយទាហានវ័យក្មេងកម្ពុជាពីររូបទៀត បានបញ្ចប់​វគ្គហ្វឹកហ្វឺន​នាយ​ទាហាន​សកម្ម​នៅ​មហា​វិទ្យាល័យ​ភូមិន្ទ​យោធា​អូស្រា្តលី

នាយទាហានវ័យក្មេងរបស់កម្ពុជាចំនួនពីររូបទៀតបានបញ្ចប់វគ្គហ្វឹកហ្វឺននាយទាហានសកម្មនៅមហា​វិទ្យាល័យភូមិន្ទយោធាអូស្រ្តាលីប្រកបដោយជោគជ័យ ក្រោយ​ពី​ពួក​គេ​បា​ន​ឆ្លង​កាត់​ការ​បណ្តុះ​បណ្តាល​អស់រយៈពេលបួនឆ្នាំនៅប្រទេសអូស្រ្តាលីនោះ។

យោងតាមឆា​ណែល​តេលេក្រាម នាយទាហានកងយោធពលខេមរភូមិន្ទ បញ្ចប់ការសិក្សា​ពី​បណ្ឌិត​សភា​យោធាអូស្រ្តាលី បានបង្ហោះនៅថ្ងៃទី២៥ ខែសីហា ឆ្នាំ២០២៦នេះ បាន​គូស​បញ្ជាក់​ថាសូមអបអរសាទរដល់នាយទាហានកងយោធពលខេមរភូមិន្ទពីររូប ដែល​បាន​បញ្ចប់​វគ្គ​ហ្វឹក​ហ្វឺន​នាយ​ទាហានសកម្ម នៅមហាវិទ្យាល័យភូមិន្ទយោធាអូស្រា្តលី-ដាន់ទ្រូន។ ឆាណែលតេលេក្រាមនេះបានបញ្ជាក់ថា ពីមហាវិទ្យាល័យភូមិន្ទយោធាអូស្រា្តលី-ដាន់ទ្រូន នារាជធានីកង់បេរ៉ា សិក្ខាកាមនាយទាហាននៃកងយោធពលខេមរភូមិន្ទពីររូបគឺអនុសេនីយ៍ទោ ផន តារាបូទី និងអនុសេនីយ៍ទោ វឌ្ឍនៈ រាជសីហ៍ បានដើរព្យុះហយាត្រាបញ្ចប់ការសិក្សាវគ្គនាយទាហានសកម្មទ័ពជើងគោកនៅមហាវិទ្យាល័យភូមិន្ទយោធាអូស្រា្តលី-ដាន់ទ្រូន ដោយជោគជ័យ បំពាក់ឋាន្តនរសក្តិ៍ជានាយទាហានកងយោធពលខេមរភូមិន្ទ ក្រោយពីបានឆ្លងកាត់ការបណ្តុះបណ្តាលអស់រយៈពេលបួនឆ្នាំនៅប្រទេសអូស្រ្តាលី។

ឆាណែលតេលេក្រាមនេះបានបញ្ជាក់ទៀតថា ពិធីបញ្ចប់ការសិក្សាត្រូវបានប្រារព្ធឡើង អមដោយព្យុះហយាត្រានៃកងឯកភាពសិក្ខាកាមយោធាដ៏គគ្រឹកគគ្រេង ក្រោមអធិបតីភាព លោកជំទាវ Samantha Joy Mostyn អគ្គទេសាភិបាល នៃប្រទេសអូស្រ្តាលី អមដោយវត្តមានជាពិសេសនៃ ឯកឧត្តម ណុំ ពិសិដ្ឋ ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជា ប្រចាំប្រទេសអូស្ត្រាលី និងនូវែលសេឡង់ ព្រមទាំងការិយាល័យអនុពន្ធ័យោធាកម្ពុជា ប្រចាំនៅប្រទេសអូស្រ្តាលី ដឹកនាំដោយ វរនាវីឯក សុទ្ធ សុធារៈ ហើយក្នុងនោះក៏មានវត្តមានសិស្សច្បងដែលជាសមាជិកក្រុម RARA មួយរូបផងដែរគឺ វរសេនីយ៍ទោ ប៊ុន ចាន់វិចិត្រ នាយរងសេនាធិការ កងរាជអាវុធហត្ថរាជធានីភ្នំពេញ បានចូលរួមអបអរសាទរពិធីបញ្ចប់ការសិក្សា នៃសិក្ខាកាមនាយទាហានកងកងយោធពលខេមរភូមិន្ទ នៅមហាវិទ្យាល័យភូមិន្ទយោធាអូស្រ្តាលី-ដាន់ទ្រូន ផងដែរ៕ អត្ថបទបាន ចក់