ថៃកំពុងដើរបញ្ចុះបញ្ចូលបណ្តាប្រទេសមួយចំនួននៅលើពិភពលោក ឲ្យមកនិយាយជាមួយកម្ពុជាកុំឲ្យយកបបញ្ហាខ្លួនឈ្លានពានកម្ពុជាលើកឡើងក្នុងវេទិកាកិច្ចប្រជុំហ្រ្វង់កូហ្វូនី

ខណៈកិច្ចប្រជុំហ្វ្រង់កូហ្វូនី ដែលកម្ពុជាធ្វើជាម្ចាស់ផ្ទះកាន់តែឃិតជិតមកដល់នោះ រដ្ឋាភិបាលថៃ​បានបញ្ជា​​ឲ្យមន្រ្តីរបស់ខ្លួនដើរបញ្ចុះបញ្ចូលបណ្តាប្រទេសមួយចំនួននៅលើពិភពលោក ឲ្យមកនិយាយលួងលោម​កម្ពុ​ជាកុំឲ្យ​យក​បញ្ហាដែល​ខ្លួនបានឈ្លានពានមកលើកម្ពុជាលើកឡើងនៅលើវេទិកាដ៏ធំមួយនេះ។

សូមបញ្ជាក់ថា កម្ពុជានឹងធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនី លើកទី២០ នៅរាជធានីភ្នំពេញ នាចុងឆ្នាំ២០២៦នេះ ដោយព្រឹត្តិការណ៍ដ៏សំខាន់មួយនេះ នឹងមានការចូលរួមពីប្រមុខរដ្ឋ និងប្រមុខរដ្ឋា​ភិបាលប្រមាណ៩០ប្រទេសនៅលើពិភពលោក។

បន្ទាប់ពីថៃបានកំពុងដើរបញ្ចុះបញ្ចូលបណ្តាប្រទេសមួយចំនួន​ នៅលើពិភពលោកជាពិសេសប្រ ទេសដែលជាសមាជិកនិយាយភាសាបារាំងនោះ ឯកឧត្តម​ លុយ ដេវីត ឯកអគ្គរាជទូតកម្ពុជាប្រចាំនៅប្រ ទេសបារាំង បានលើកឡើងនៅក្នុងបណ្តាញសង្គមហ្វេសបុកថា ឯកឧត្តមពិតជាគួរឲ្យអស់សំណើចណាស់ បន្ទាប់ពីឯកអគ្គរាជទូតរបស់ថៃបានដើរទៅបញ្ចុះបញ្ចូល ប្រទេសដទៃឲ្យមកបញ្ចុះបញ្ចូលឯកឧត្តមកុំឲ្យ លើកឡើងអំពីបញ្ហាជម្លោះព្រំដែនកម្ពុជា និងថៃទៅនិយាយក្នុងវេទិកាហ្រ្វង់កូហ្វូនី។

យ៉ាងណាក៏ដោយតាមបណ្តាញផេកហ្វេសបុកផ្លូវការនៅព្រឹកថ្ងៃទី២ ខែកញ្ញា ឆ្នាំ២០២៦នេះ ឯក​ឧត្តម លុយ ដេវីត បានលើកឡើងថា«គួរឱ្យអស់សំណើចមែន! ឯកអគ្គរាជទូតផ្ទះលេខ២ បានព្យាយាមឱ្យឯកអគ្គរដ្ឋទូតនៃប្រទេសទីបីមួយ មកបញ្ចុះបញ្ចូលខ្ញុំ កុំឱ្យលើកឡើងពីបញ្ហាជម្លោះព្រំដែនកម្ពុជា-ថៃ នៅក្នុងវេទិកាហ្វ្រង់កូហ្វូនី (Francophonie)។ ខ្ញុំបានឆ្លើយតបយ៉ាងច្បាស់ថា៖ «ប្រទេសរបស់លោកបានឈ្លានពានប្រទេសរបស់ខ្ញុំ ហើយថែមទាំងព្យាយាមបំភ្លៃការពិត ដោយប្រែក្លាយខ្មៅទៅជាស និងសទៅជាខ្មៅ។ ក្នុងនាមជាអ្នកការទូតកម្ពុជា ខ្ញុំមានកាតព្វកិច្ចការពារផលប្រយោជន៍ជាតិ ការពារការពិត និងប្រាប់សហគមន៍អន្តរជាតិឱ្យបានដឹងច្បាស់ថា តើភាគីណាជាអ្នកឈ្លានពាន និងភាគីណាជាជនរងគ្រោះ។ ដូច្នេះគ្មានហេតុផលអ្វីដែលខ្ញុំត្រូវនៅស្ងៀមនោះទេ»។

សូមរំលឹកថា បន្ទាប់ពីសម្តេចតេជោ ហ៊ុន សែន ប្រមុខរដ្ឋស្តីទី បានថ្លែងនៅក្នុងសន្និសីទប្រធានសភានៃអន្តរសភាលើកទី២ ដែលកម្ពុជាធ្វើជាម្ចាស់ផ្ទះ កាលពីថ្ងៃទី២៦​ដល់ថ្ងៃទី២៨ ខែសីហា កន្លង​ទៅ​នេះថា កងកម្លាំងប្រដាប់អាវុធថៃ បានកំពុងកាន់កាប់ទឹកដីកម្ពុជាដោយខុសច្បាប់ ហើយបានយកឡេសថាតំបន់ខ្លះដែលពួកគេកំពុងកាន់កាប់ជាតំបន់ល្បែងឆបោកនោះ បានធ្វើឲ្យប្រធានព្រឹទ្ធស​ភារបស់ថៃ​មាន​ប្រតិកម្មយ៉ាងខ្លាំង បន្ទាប់ពីដឹងថាប្រសាសន៍របស់បុរសខ្លាំងកម្ពុជាលើកឡើងនេះបានធ្វើឲ្យខ្លួនរងភាព អាម៉ាស់ និងដឹងពីពុធត្បុតល្បិចច្រើនរបស់ខ្លួន ជាពិសេសគឺបញ្ហាដែលទាហានថៃបានឈ្លានពានមកលើ ដែនអធិបតេយ្យរបស់កម្ពុជានេះតែម្តង៕អត្ថបទ៖ បាន ចក់