ព័ត៌មាន
ក្រសួងប្រៃសណីយ និងក្រសួងកសិកម្ម សម្រេចដាក់ឱ្យប្រើប្រាស់ជាផ្លូវការនូវប្រព័ន្ធគ្រប់គ្រងសាកលវិទ្យាល័យ នៅវិទ្យាស្ថានជាតិចំនួន ២ ដើម្បីធ្វើទំនើបកម្មប្រព័ន្ធគ្រប់គ្រងឱ្យកាន់តែមានប្រសិទ្ធភាពខ្ពស់
ក្រសួងប្រៃសណីយ៍និងទូរគមនាគមន៍ (ក.ប.ទ.) និងក្រសួងកសិកម្ម រុក្ខាប្រមាញ់ និងនេសាទ (ក.ស.ក.) បានសម្រេចដាក់ឱ្យប្រើប្រាស់ជាផ្លូវការនូវ “ប្រព័ន្ធគ្រប់គ្រងសាកលវិទ្យាល័យ (University Management System – UMS)” នៅវិទ្យាស្ថានជាតិចំនួន២ គឺ វិទ្យាស្ថានជាតិកសិកម្មព្រែកលៀប និងវិទ្យាស្ថានជាតិកសិកម្មកំពង់ចាម ដើម្បីធ្វើទំនើបកម្មប្រព័ន្ធគ្រប់គ្រងឱ្យកាន់តែមានប្រសិទ្ធភាពខ្ពស់។
កិច្ចសហប្រតិបត្តិការនេះ ត្រូវបានធ្វើឡើងក្នុងគោលបំណងឆ្លើយតបទៅនឹងតម្រូវការប្រព័ន្ធគ្រប់គ្រងសកលវិទ្យាល័យតាមបច្ចេកវិទ្យាឌីជីថល របស់ ក.ស.ក. សម្រាប់វិទ្យាស្ថានទាំងពីរ ដើម្បីធ្វើទំនើបកម្មប្រព័ន្ធគ្រប់គ្រងរដ្ឋបាលហិរញ្ញវត្ថុ ធនធានមនុស្ស ស្របតាម យុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល គោលនយោបាយសេដ្ឋកិច្ចនិងសង្គមឌីជីថលកម្ពុជា ២០២១-២០៣៥ និង គោលនយោបាយរដ្ឋាភិបាលឌីជីថលកម្ពុជា ២០២២-២០៣៥ ក្នុងការកសាងមូលធនមនុស្សឌីជីថល និងការធ្វើទំនើបកម្មប្រព័ន្ធគ្រប់គ្រងរដ្ឋបាលសាធារណៈឱ្យកាន់តែមានប្រសិទ្ធភាពខ្ពស់។
ក្រសួងទាំងពីរនឹងបន្តធ្វើការយ៉ាងជិតស្និទ្ធក្នុងការតាមដាន វាយតម្លៃ និងពង្រឹងការអនុវត្តប្រព័ន្ធ UMS នៅវិទ្យាស្ថានជាតិកសិកម្មព្រែកលៀប និងវិទ្យាស្ថានជាតិកសិកម្មកំពង់ចាម ឱ្យដំណើរការទៅដោយរលូនប្រកបដោយប្រសិទ្ធភាព តម្លាភាព និងបរិយាបន្ន។
ប្រព័ន្ធ UMS នេះ ត្រូវបានអភិវឌ្ឍឡើងដោយរួមបញ្ចូលនូវមុខងារស្នូលចំនួន ៣ រួមមាន៖
១. ប្រព័ន្ធគ្រប់គ្រងព័ត៌មាននិស្សិត (Student Information System – SIS)៖ សម្រាប់គ្រប់គ្រងទិន្នន័យ
និស្សិត ការចុះឈ្មោះចូលរៀន ប្រវត្តិសិក្សា និងការគ្រប់គ្រងរដ្ឋបាលទូទៅ។
២. ប្រព័ន្ធគ្រប់គ្រងការសិក្សា (Learning Management System – LMS)៖ ជាថ្នាលគាំទ្រដល់ការសិក្សា
ការចែករំលែកឯកសារមេរៀន ការដាក់កិច្ចការ និងការវាយតម្លៃលទ្ធផលសិក្សាតាមបែបឌីជីថល។
៣. ប្រព័ន្ធគ្រប់គ្រងបណ្ណាល័យ (Library System – LS)៖ សម្រាប់សម្រួលដល់ការគ្រប់គ្រងធនធានឯកសារ សៀវភៅ និងការស្រាវជ្រាវរបស់និស្សិតតាមប្រព័ន្ធអេឡិចត្រូនិក។
បន្ថែមពីលើមុខងារស្នូលទាំងនេះ ប្រព័ន្ធ UMS ក៏ត្រូវបានធ្វើសមាហរណកម្មតភ្ជាប់ជាមួយថ្នាល verify.gov.kh ដែលជាថ្នាលផ្ទៀងផ្ទាត់ឯកសាររបស់រាជរដ្ឋាភិបាល ដើម្បីលុបបំបាត់ការក្លែងបន្លំឯកសារ និងផ្ទៀងផ្ទាត់ភាពត្រឹមត្រូវនៃឯកសារផងដែរ៕
-
ព័ត៌មាន1 week agoនាយខណ្ឌរដ្ឋបាលជលផលខេត្តកណ្តាល បានព្រមានចាត់វិធានការក្តៅ ដោយគ្មានការលើកលែងចំពោះជនប្រព្រឹត្តបទល្មើសនេសាទដោយខុសច្បាប់
-
ព័ត៌មាន1 week agoរោងចក្រផ្តុំ និងដំឡើងរថយន្តដ៏ធំមួយនៅខេត្តកំពង់ឆ្នាំងនឹងសម្ភោធដាក់អោយដំណេីរការជាផ្លូវការ ស្អែកនេះក្រោមអធិបតីភាពដ៏ខ្ពង់ខ្ពស់សម្តេចធិបតី ហ៊ុន ម៉ាណែត
-
ព័ត៌មាន1 week agoសម្ដេចធិបតី ប្រកាសឆ្មក់ចុះពិនិត្យតាមមណ្ឌលសុខភាពនៅម៉ោង២ទៀបភ្លឺ ដើម្បីប្រាកដថាបើក២៤ម៉ោង
-
ព័ត៌មាន7 days agoសម្ដេចតេជោលើកទឹកចិត្តឱ្យកម្ពុជា និងស៊ីបរកឱកាស និងយន្តការថ្មីៗជំរុញការវិនិយោគ និងពាណិជ្ជកម្មទ្វេភាគីឱ្យកាន់តែរីកចម្រើន
-
ព័ត៌មាន1 week agoអគ្គិភ័យឆាបឆេះផ្ទះពលរដ្ឋ នៅជាន់ទី២ បង្កការខូចខាតសម្ភារៈមួយចំនួនធំ
-
ព័ត៌មាន5 days agoមុខជំនាញចំនួន ២ ដែលមានការគាំទ្រពីយុវជន និងលេចធ្លោជាងគេ នៅក្នុងវិទ្យាស្ថានពហុបច្ចេកទេសខេត្ដកោះកុង (PIKK)
-
ព័ត៌មាន4 days agoលោកជំទាវ ហ៊ុន ម៉ាណា អញ្ជើញប្រគេនទេយ្យវត្ថុដល់វត្តចំនួន៨ ,ចែកអំណោយជូនប្រជាពលរដ្ឋចំនួន៥៦៨គ្រួសារ និងចែកកាតាបដល់សិស្សានុសិស្ស៧០០នាក់ នៅឃុំកំពង់ភ្លុក ស្រុកប្រាសាទបាគង ខេត្តសៀមរាប
-
ព័ត៌មាន2 days agoឧត្តមសេនីយ៍ទោ ប៊ុន សុសិក្ខា៖វត្តុតាងមួយចំនួនធំ ត្រូវបានដកហូតក្នុងប្រតិបត្តិការបង្ក្រាប Online Scams រយៈពេល១ឆ្នាំមកនេះ