កងទ័ពកម្ពុជា និងអាមេរិកនឹងចាប់ផ្តើមធ្វើសមយុទ្ធ«ឆ្មាំអង្គរ»នៅខែកុម្ភៈ ឆ្នាំ២០២៧ខាងមុខនេះ

កងទ័ពកម្ពុជា និងអាមេរិក នឹងចាប់ផ្តើមធ្វើសមយុទ្ធ«ឆ្នាំអង្គរ» នៅអំឡុងខែកុម្ភៈ ឆ្នាំ២០២៧ខាងមុខនេះ ដើម្បីពង្រឹងអន្តរប្រតិបត្តិការ និងសមត្ថភាពឆ្លើយតបគ្រោះមហន្តរាយ ដែលឆ្លុះបញ្ជាំងពីសន្ទុះថ្មីនៃកិច្ច សហប្រតិបត្តិការយោធារវាងកម្ពុជា និងអាមេរិក និងការប្តេជ្ញាចិត្តរួមក្នុងការពង្រឹងកិច្ចសហប្រតិបត្តិការការ ពារជាតិនៃប្រទេសទាំងពីរជាដើម។

សូមបញ្ជាក់ថា សមយុទ្ធ «ឆ្មាំអង្គរ» (Angkor Sentinel) គឺជាសមយុទ្ធយោធាទ្វេភាគីរវាងកងទ័ពកម្ពុជា និងកងទ័ពសហរដ្ឋអាមេរិក នឹងចាប់ផ្តើមធ្វើឡើងវិញនៅដើមឆ្នាំ២០២៧ ខាងមុខនេះ ក្រោយពីបានអាក់ខានអស់រយៈ១០ឆ្នាំនោះ។

យោងតាមឆាណែលតេលេក្រាមរបស់កងទ័ពជើងគោកនៃកងយោធពលខេមរភូមិន្ទ បានលើក ឡើងនាថ្ងៃទី៤ ខែសីហា ឆ្នាំ២០២៦នេះថា កងទ័ពជើងគោក នៃកងយោធពលខេមរភូមិន្ទ រួមជាមួយមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្រ្គាម ព្រមទាំងកងទ័ពជើងគោកសហរដ្ឋអាមេរិក ប្រចាំប៉ាស៊ីហ្វិក និងកងឆ្មាំរដ្ឋអាយដាហូ បានរៀបចំកិច្ចប្រជុំផែនការបឋមសម្រាប់លំហាត់ឆ្មាំអង្គរ ឆ្នាំ២០២៧ ដែលការប្រជុំនេះបានចាប់ពីថ្ងៃទី៣១ ខែសីហា ដល់ថ្ងៃទី៤ ខែកញ្ញា ឆ្នាំ២០២៦នេះ ដែលជាជំហានដ៏សំខាន់មួយឆ្ពោះទៅរកការចាប់ផ្តើមឡើងវិញនៃលំហាត់ទ្វេភាគីនេះ បន្ទាប់ពីបានផ្អាកអស់រយៈពេលមួយទសវត្សរ៍។

តាមឆាណែលតេលេក្រាម បានបញ្ជាក់ទៀតថាភាគីទាំងពីរបានពិភាក្សាអំពីសកម្មភាពហ្វឹកហ្វឺនសំខាន់ៗ រួមមានលំហាត់ទីបញ្ជាការ និងការផ្លាស់ប្តូរជំនាញវិជ្ជាជីវៈលើវិស័យសុខាភិបាល វិស្វកម្ម និងការកម្ចាត់គ្រឿងផ្ទុះ និងយុទ្ធភណ្ឌមិនទាន់ផ្ទុះជាដើម៕អត្ថបទបាន ចក់