ព័ត៌មាន
កម្លាំងសមត្ថកិច្ចបន្តពង្រឹងការអនុវត្តច្បាប់នៅលើដងផ្លូវប្រឈមគ្រោះថ្នាក់ ខណៈពលរដ្ឋបង្ហាញការគាំទ្រចំពោះការរឹតបន្តឹងច្បាប់
កម្លាំងសមត្ថកិច្ចចរាចរណ៍រាជធានីភ្នំពេញ បន្តពង្រឹងការអនុវត្តច្បាប់នៅលើដងផ្លូវងាយប្រឈមគ្រោះថ្នាក់ ដើម្បីទប់ស្កាត់អត្រាគ្រោះថ្នាក់ចរាចរណ៍។
គិតចាប់តាំងពីថ្ងៃទី១ រហូតមកដល់ថ្ងៃទី៥ ខែកញ្ញា ឆ្នាំ២០២៦នេះ មានរយៈពេល០៥ថ្ងៃមកហើយ ដែលកម្លាំងសមត្ថកិច្ចបន្តការចុះរឹងបន្តឹងច្បាប់ចរាចរណ៍តាមគោលដៅនានា ក្នុងភូមិសាស្ត្ររាជធានីភ្នំពេញ ដើម្បីកាត់បន្ថយគ្រោះថ្នាក់ចរាចរណ៍កុំឲ្យកើតមាន គ្រាដែលអត្រាគ្រោះថ្នាក់ ក្នុងមួយរយៈពេលក្រោយមកនេះ មិនពុំទាន់មានភាពថមថយនៅឡើយ ។
ជាក់ស្តែងនៅថ្ងៃទី៥ ខែកញ្ញា ឆ្នាំ២០២៦នេះ កម្លាំងនគរបាលការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានចុះរឹតបន្តឹងច្បាប់ចរាចរណ៍ តាមរយៈការបាញ់ល្បឿនលើយានយន្ត ដែលបើកបរលើសល្បឿនកំណត់ នៅលើកំណាត់មហាវិថីសម្តេចតេជោ ( ផ្លូវ៦០ម៉ែត្រ) ក្នុងមូលដ្ឋានខណ្ឌដង្កោ ខណៈផ្លូវនេះជាផ្លូវងាយរងគ្រោះដោយសារគ្រោះថ្នាក់ចរាចរណ៍ ព្រោះការបើកបរវ៉ាជែងលឿនៗ មិនគោរពច្បាប់ពីសំណាក់អ្នកបើកបរមួយចំនួន។
ការអនុវត្តនៅគោលដៅខាងលើនេះដែរ សមត្ថកិច្ចបានចាប់ឃាត់យានយន្តមួយចំនួន ដែលបើកល្មើសល្បឿន ដោយអនុវត្តតាមច្បាប់ ក្រោមរូបភាពផាកពិន័យ និងដកពិន្ទុបណ្ណបើកបរលើអ្នកបញ្ជាយានទាំងនោះផងដែរ។
ប្រជាពលរដ្ឋ គាំទ្រចំពោះការរឹតបន្តឹងច្បាប់ឡើងវិញជាថ្មី ព្រោះបញ្ហាគ្រោះថ្នាក់ចរាចរណ៍នេះ ជាក្តីព្រួយបារម្ភខ្ពស់មួយនៅក្នុងសង្គមជាតិ ពិសេសសុវត្ថិភាពចរាចរណ៍លើដងផ្លូវសាធារណៈ ព្រោះគ្រោះថ្នាក់ គឺកើតឡើងផ្តើមចេញពីយើងជាអ្នកបញ្ជាយានយន្តពុំមែនកើតឡើង ដោយការអនុវត្តវិធានការច្បាប់របស់សមត្ថកិច្ចនោះឡើយ។
ទន្ទឹមនឹងការអនុវត្តវិធានការចុះរឹតបន្តឹងច្បាប់នេះដែរ កម្លាំងសមត្ថកិច្ចចរាចរណ៍រាជធានីភ្នំពេញ ក៏បានពង្រាយកម្លាំងមួយផ្នែកធំផ្សេងទៀត ក្នុងចុះជួយ និងសម្រួលដល់លំហូរចរាចរណ៍ តាមគោលដៅប្រឈមការកកស្ទះមួយចំនួន ក្នុងភូមិសាស្ត្ររាជធានីភ្នំពេញ អមជាមួយការបន្តផ្សព្វផ្សាយអប់រំណែនាំ លើការបើកបរល្មើសច្បាប់មួយចំនួនតូចរបស់ពលរដ្ឋ និងសិស្សានុសិស្សផងដែរ៕ អត្ថបទ ៖ លីហេង , ថតរូប ៖ កុម្ភៈ
-
ព័ត៌មាន1 week agoអង្គភាពប្រឆាំងអំពើពុករលួយ និងសភាពាណិជ្ជកម្មប្តេជ្ញារួមគ្នាកសាងវប្បធម៌ស្អាតស្អំក្នុងធុរកិច្ច
-
ព័ត៌មាន5 days agoអ្នកនយោបាយគាំទ្រគំនិតផ្តួចផ្តើមរបស់សម្តេចតេជោ ស្នើបង្កើតក្រុមអ្នកសង្កេតការណ៍សភាសម្រាប់បទឈប់បាញ់
-
ព័ត៌មាន7 days agoក្នុងកិច្ចប្រជុំគណៈរដ្ឋមន្រ្តី សម្តេចធិបតីក្រើនរំលឹកឲ្យកងកម្លាំងគ្រប់ប្រភេទត្រៀមអន្តរាគមន៍ជួយពលរដ្ឋរងគ្រោះដោយសារទឹកជំនន់
-
ព័ត៌មាន1 week agoសម្តេចប្រធានរដ្ឋសភា៖ សន្និសីទប្រធានសភានៃអន្តរសភាលើកទី២ ជាការចងក្រងបណ្តាញ អ្នកស្រលាញ់សន្តិភាពដើម្បីលើកម្ពស់វិបុលភាពរបស់ប្រជាពលរដ្ឋ
-
ព័ត៌មាន1 week agoក្រុមហ៊ុន ប៊ីវីអឹម និង Intertek ចុះហត្ថលេខាដើម្បីបង្កើតភាពជាដៃគូយុទ្ធសាស្រ្តលើការត្រួតពិនិត្យគុណភាពប្រេងឥន្ធនៈ
-
ព័ត៌មាន5 days agoគោលដៅចំនួន៥ទីតាំងនៅកម្ពុជា នឹងត្រូវរឹតបន្តឹងខ្លាំងខាងផ្នែកចរាចរណ៍ ដើម្បីរួមចំណែកកាត់បន្ថយការគ្រោះថ្នាក់
-
ព័ត៌មាន7 days agoពលរដ្ឋ៖ កេរ្ដិ៍ឈ្មោះកម្ពុជា នឹងកាន់តែល្អបន្ទាប់ពីជោគជ័យ កម្ទេចមជ្ឈមណ្ឌលឆបោកតាមប្រព័ន្ធបច្ចេកវិទ្យា
-
ព័ត៌មាន2 days agoពុទ្ធិកសាកលវិទ្យាល័យព្រះសីហមុនីរាជា និងអង្គការ EBC កំពុងស្វែងរកកិច្ចសហការចូលរួមលើកកម្ពស់វិស័យឌីជីថល និងបង្កើតវីដេអូអប់រំ