កីឡាករ ឃូ ឃាងហ៊ុយ ប្ដេជ្ញាយកមេដាយឲ្យបានពីការប្រកួតកាយវប្បកម្មជើងឯកអាស៊ីលើកទី ៥៦ នៅឥណ្ឌូនេស៊ី

កីឡាករកាយវប្បកម្មកម្ពុជា ឃូ ឃាងហ៊ុយ ព្រមទាំង ប្រធានប្រតិភូ និងគ្រូបង្វឹក បានចេញ​ដំណើរទៅកាន់ប្រទេសឥណ្ឌូនេស៊ីហើយកាលពីព្រឹកថ្ងៃទី៦ ខែសីហា ឆ្នាំ២០២៤ ដើម្បីចូលរួម​ព្រឹត្តិការណ៍ប្រកួតជ្រើសរើសជើងឯកកីឡាកាយវប្បកម្មអាស៊ីលើកទី៥៦ ( 56th Asian Bodybuilding And Physique Sports Championship) នៅលើវិញ្ញាសា ( Men’s sport physique over 180cm)។ មុនពេលចេញដំណើរកីឡាករខាងលើបានបង្ហាញក្ដីរំពឹងថា នឹង​យកមេដាយឲ្យបានដើម្បីជូនប្រទេសជាតិ។

ទាក់ទង​ការ​ហ្វឹកហាត់កីឡាករវ័យក្មេងរូបនេះ បានរៀបរាប់ឲ្យដឹងថា ខ្លួនបានត្រៀមខ្លួន​យ៉ា​ង​ល្អ​រួច​អស់​ហើយ ព្រមទាំងដឹងថាកម្រិតសាច់របស់ប្រទេសផ្សេងៗដែលចូលរួមមានកម្រិតល្អខ្លាំង ។ ទោះ​ជាយ៉ាងណា អតីត​ម្ចាស់​មេដាយ​សំរឹទ្ធ​ក្នុង​ព្រឹត្តិការណ៍ពិភពលោកដដែលជឿថាការខិតខំ​ប្រឹង​ប្រែ​ង​ហ្វឹកហាត់នឹងធ្វើឲ្យគេទទួលបានផ្លែផ្កា​ពិសេសគឺ​អាច​ទទួល​បាន​មេដាយ​ត្រឡប់​មក​ជូន​ប្រទេស​ជាតិវិញ។

ជាមួយគ្នានោះដែរកីឡាករ ស៊្រិន រាជ្យ ដែលជារៀមច្បងហើយអវត្តមានមិនអាចទៅ​ចូលរួ​ម​ការ​ប្រកួត​នេះ​បាន ដោយសារតែជំងឺនោះ បានធ្វើការជឿជាក់លើសិស្សប្អូនម្នាក់នេះ ដោយសារគាត់​មាន​ទាំង​អស់ហើយមិនថាទម្រង់មុខ និងសាច់ជាដើម ហើយសម្រាប់វិញ្ញាសា​ម៉ូដែល​បែប​នេះ​ត្រូវ​ការ​ការលេ​ងទឹកមុខបន្តិច។

សូមបញ្ជាក់ថា ដោយមានការអនុញ្ញាត្តិ ពីក្រសួងអប់រំ យុវជន និងកីឡា សហព័ន្ធ​កីឡា​កាយ​វប្បកម្ម និងលំហាត់បាណកម្ពុជា បានបញ្ចូនក្រុមអត្តពលិកកម្ពុជា​មាន​៤​រូប​ចូលរួម​ការ​ប្រកួត​ជ្រើស​រើស​ជើងឯកកីឡាកាយវប្បកម្មអាស៊ីលើទី៥៦ ដែលនឹងប្រព្រត្តិទៅថ្ងៃទី ៦ ដល់ ថ្ងែទី១២ ខែសីហា ឆ្នាំ២០២៤ នៅកោះបាតាំង សាធារណៈរដ្ឋឥណ្ឌូនេស៊ី ក្រុមអត្តពលិក​កម្ពុជា​មាន​៤​រូប​រួម​មាន លោក តឹក ប៊ុនវី តួនាទីជាប្រធានប្រតិភូ និងជាចៅក្រម អ្នកស្រី អេមី សារីរ៉ុម គ្រូបង្វឹក និង​កីឡាករ ឃូ ឃាងហ៊ុយ ខណៈកីឡាករ ស្រ៊ិន រាជ្យ ដែលដើមឡើយគ្រោងទៅចូលរួមដែរនោះ​ត្រូវ​ដក​ខ្លួនវិញ​ដោយ​សារ​តែ​មាន​បញ្ហា​សុខភាពផងដែរ៕