ព័ត៌មាន
រយៈពេល ៣ឆ្នាំនៃអាណត្តិសម្ដេចធិបតី៖ ក្រសួងការងារចុះធ្វើអធិការកិច្ចតាមរោងចក្រសហគ្រាស ៣,៦ម៉ឺនលើក ដើម្បីលើកកម្ពស់បរិយាកាសអាជីវកម្ម
(ភ្នំពេញ)៖ ក្នុងរយៈពេល ៣ឆ្នាំ នៃអាណត្តិរាជរដ្ឋាភិបាលដឹកនាំដោយសម្ដេចមហាបវរធិបតី ហ៊ុន ម៉ាណែតនាយករដ្ឋមន្ត្រីនៃកម្ពុជា ក្រសួងការងារនិងបណ្ដុះបណ្ដាលវិជ្ជាជីវៈ បានចុះធ្វើអធិការកិច្ចការងារតាមរោងចក្រ សហគ្រាសសរុបប្រមាណ ៣,៦ម៉ឺនលើក ក្នុងគោលបំណងពង្រឹងការអនុវត្តច្បាប់ការងារ ការគាំពារសិទ្ធិ និងលក្ខខណ្ឌការងាររបស់កម្មករនិយោជិត។
លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈបានឱ្យដឹងថា ក្នុងរយៈពេល ៣ឆ្នាំកន្លងមកនេះ ក្រសួងបានជំរុញការកែទម្រង់ប្រព័ន្ធអធិការកិច្ចការងារប្រមាណ ៣,៦ម៉ឺនលើក ក្រសួងបានសង្កេតឃើញលទ្ធផលសំខាន់ៗមួយចំនួនទាក់ទងការអនុលោមតាមច្បាប់កាន់តែល្អប្រសើរ។
លោកបន្តថា ភាគរយនៃរោងចក្រសហគ្រាសដែលអនុវត្តតាមច្បាប់ការងារ និងស្តង់ដាសុវត្ថិភាពការងារ មានការកើនឡើងគួរឱ្យកត់សម្គាល់ ដោយមានការការពារសិទ្ធិ និងផលប្រយោជន៍ពីរបបសន្តិសុខសង្គមស្របតាមច្បាប់។
ការធ្វើអធិការកិច្ច និងការណែនាំអំពីការអនុវត្តច្បាប់ បានចូលរួមកាត់បន្ថយវិវាទការងាររួម និងជំរុញឱ្យមានកិច្ចសហការល្អប្រសើររវាងនិយោជក និងកម្មករនិយោជិត ដោយសារទំនាក់ទំនងវិជ្ជាជីវៈមានលក្ខណៈកាន់តែសុខដុមរមនា។
អ្នកនាំពាក្យក្រសួងការងាររូបនេះបានសង្កត់ធ្ងន់ថា ការកែទម្រង់ប្រព័ន្ធអធិការកិច្ចការងាររបស់ក្រសួង មិនមានគោលដៅផ្តោតសំខាន់តែលើការផាកពិន័យ ឬដាក់សម្ពាធលើរោងចក្រសហគ្រាសនោះទេ ប៉ុន្តែផ្តោតលើការចុះជួយណែនាំ សម្របសម្រួល និងជំរុញឱ្យនិយោជកយល់ដឹងកាន់តែច្បាស់អំពីកាតព្វកិច្ច និងការអនុវត្តច្បាប់ការងារ។
លោកបានលើកឡើងថា ការធ្វើឱ្យប្រព័ន្ធអធិការកិច្ចមានប្រសិទ្ធភាព និងកាត់បន្ថយបន្ទុកមិនចាំបាច់លើវិស័យឯកជន គឺជាផ្នែកមួយនៃការបង្កើតបរិយាកាសអាជីវកម្មដែលមានភាពអំណោយផល ស្របតាមគោលដៅលើកកម្ពស់ផលិតភាព ការទាក់ទាញការវិនិយោគ និងការរក្សាស្ថិរភាពការងារជូនប្រជាពលរដ្ឋកម្ពុជា។
ជាមួយគ្នានេះ ការអនុវត្តច្បាប់ការងារប្រកបដោយប្រសិទ្ធភាព ការការពារសិទ្ធិកម្មករនិយោជិត និងការរក្សាបាននូវទំនាក់ទំនងវិជ្ជាជីវៈល្អរវាងភាគីពាក់ព័ន្ធ ត្រូវបានចាត់ទុកថា ជាកត្តាសំខាន់ក្នុងការរក្សាស្ថិរភាពផលិតកម្ម និងបង្កើតបរិយាកាសអាជីវកម្មប្រកបដោយទំនុកចិត្ត ដែលអាចចូលរួមជំរុញកំណើនសេដ្ឋកិច្ចជាតិ។
ដូច្នេះក្នុងរយៈពេល ៣ឆ្នាំនៃអាណត្តិថ្មីនេះ ការធ្វើអធិការកិច្ចការងាររបស់ក្រសួងការងារ មិនត្រឹមតែផ្តោតលើការត្រួតពិនិត្យការអនុវត្តច្បាប់ប៉ុណ្ណោះទេ ប៉ុន្តែបានបន្តវិវឌ្ឍទៅជាយន្តការជួយណែនាំ និងសម្របសម្រួល ដើម្បីឱ្យទាំងកម្មករនិយោជិត និងនិយោជកទទួលបានផលប្រយោជន៍ពីបរិយាកាសការងារដែលមានសុវត្ថិភាព ស្ថិរភាព និងអនុលោមតាមច្បាប់៕
-
ព័ត៌មាន1 week agoអ្នកនយោបាយគាំទ្រគំនិតផ្តួចផ្តើមរបស់សម្តេចតេជោ ស្នើបង្កើតក្រុមអ្នកសង្កេតការណ៍សភាសម្រាប់បទឈប់បាញ់
-
ព័ត៌មាន5 days agoពុទ្ធិកសាកលវិទ្យាល័យព្រះសីហមុនីរាជា និងអង្គការ EBC កំពុងស្វែងរកកិច្ចសហការចូលរួមលើកកម្ពស់វិស័យឌីជីថល និងបង្កើតវីដេអូអប់រំ
-
ព័ត៌មាន1 week agoគោលដៅចំនួន៥ទីតាំងនៅកម្ពុជា នឹងត្រូវរឹតបន្តឹងខ្លាំងខាងផ្នែកចរាចរណ៍ ដើម្បីរួមចំណែកកាត់បន្ថយការគ្រោះថ្នាក់
-
ព័ត៌មាន1 week agoអគ្គលេខាធិការ CDC៖ កម្ពុជានៅតែត្រូវការវិនិយោគបន្ថែម ជាពិសេសការផ្ទេរចំណេះដឹង និងបច្ចេកវិទ្យា
-
ព័ត៌មាន6 days agoរដ្ឋមន្ត្រីក្រសួងឧស្សាហកម្មលើកទឹកចិត្តម្ចាស់អាជីវកម្មពង្រឹងគុណភាព ជំនាញ និងគាំទ្រផលិតផលក្នុងស្រុក ដើម្បីរួមចំណែកអភិវឌ្ឍន៍សេដ្ឋកិច្ចកម្ពុជា
-
ព័ត៌មាន1 week agoមន្រ្តីឧទ្យានុរក្សបន្តចុះល្បាតនិងទប់ស្កាត់ការកាប់រានដីព្រៃ ចំនួន១២ករណីនៅក្នុងឧទ្យានជាតិគិរីរម្យ
-
ព័ត៌មាន4 days agoព្រឹទ្ធសភាឯកភាពទាំងស្រុងលើសេចក្តីព្រាងច្បាប់គ្រប់គ្រងរដ្ឋបាលឃុំ សង្កាត់ និងទទួលស្គាល់សមាជិកព្រឹទ្ធសភាថ្មី មណ្ឌលភូមិភាគទី៦
-
ព័ត៌មាន1 week agoផលិតផលខ្មែរជាង១០ប្រភេទ នឹងត្រូវបាននាំចេញទៅកាន់ទីផ្សារកូរ៉េឆាប់នេះៗ