នាវាចម្បាំង​របស់កាណាដា ឥណ្ឌា និងនាវាសម្រាប់ហ្វឹកហ្វឺនរបស់រុស្ស៊ី និង​ចូល​សំចត​នៅដែន​សមុទ្រ​កម្ពុជា​ក្នុង​ខែកញ្ញានេះ

នាវា​ចម្បាំងកងទ័ពជើងទឹករបស់កាណាដា និងនាវាចម្បាំងរបស់កងទ័ពជើងទឹកឥណ្ឌា រួម​ទាំង​នាវា​សម្រាប់ហ្វឹកហ្វឺនរបស់ប្រទេសរុស្ស៊ី នឹងចូលសំចត់នៅមូលដ្ឋានសមុទ្ររាម និង​កំពង់​ផែ​ស្វយ័ត​ក្រុងព្រះ​សីហនុនៅក្នុងអំឡុងខែកញ្ញា ឆ្នាំ២០២៦នេះ ខណៈដំ​ណើរ​ទស្សន​កិច្ច​របស់​នាវា​ទាំង​បី​ប្រទេស​នេះ គឺមាន​គោល​បំណង​ពង្រឹង​កិច្ច​សហប្រតិបត្តិការ​ជាមួយ​កង​ទ័ព​ជើង​ទឹក​កម្ពុជា​ឲ្យ​កាន់​តែ​ល្អប្រ​សើរ​បន្ថែមទៀត។

បើយោងតាមលិខិតរបស់ក្រសួងការពារជាតិកម្ពុជាបានបញ្ជាក់ថា នាវាកងទ័ពជើងទឹករុស្ស៊ី ជា​នាវា​ប្រភេទ​ហ្វឹក​ហ្វឺន នឹងចូលសំចតនៅកំពង់ផែស្វយ័តក្រុងព្រះសីហនុ នៅវេលា​ម៉ោង​៩​ព្រឹក​ថ្ងៃ​ទី​១១​ ខែកញ្ញា ដោយនាវានេះមានឈ្មោះថា Perekop ហើយនាវា​ចម្បាំង​របស់​កងទ័ព​ជើង​ទឹក​ឥណ្ឌា ​មានឈ្មោះថា INS Kulish នឹងចូលសំចតនៅមូលដ្ឋានសមុទ្ររាម នៅថ្ងៃទី១២ ខែកញ្ញា ខណៈ​នាវា​ចម្បាំងរបស់កងទ័ពជើងទឹកកាណាដា ដែលមានឈ្មោះថា HMCS Regina នឹង​ចូល​សំចត​នៅកំពង់ផែស្វយ័តក្រុងព្រះសីហនុ នៅថ្ងៃទី២២ ខែកញ្ញា ឆ្នាំ២០២៦នេះ។

សូមបញ្ជាក់ថា ក្នុងអំឡុង​ពេល​សំចត​របស់​នាវា​ទាំង​បី​នេះ​ក្រុម​នាវិក​របស់​ពួក​គេ​នឹង​មាន​កម្ម​វិធី​រួ​ម​គ្នា​ជា​ច្រើនជាមួយកងទ័ពជើងទឹកកម្ពុជា ដើម្បីបង្កើនភាព​ស្និត​ស្នាល​ឲ្យ​កាន់​តែ​ល្អ​ប្រសើរ​បន្ថែម​ទៀត ​ហើយមួយវិញទៀតក៏ដើម្បីពង្រឹងកិច្ចសហប្រតិបត្តិការ រឹតចំណងមិត្តភាព សាមគ្គី​ភាព​រវាង​កង​ទ័ព​កម្ពុជា និងប្រទេសកាណាដា ប្រទេសឥណ្ឌា និងរុស្ស៊ី ឲ្យកាន់តែ​ល្អ​ប្រសើរ​បន្ថែម​ទៀត​ផង​ដែរ​៕ ​អត្ថបទបាន ចក់