ក្នុងខែសីហា ឆ្នាំនេះ, កម្ពុជាទទួលបានគម្រោងវិនិយោគចំនួន ៣៧ មានទុនប្រមាណ ២៣៣ លានដុល្លារ

ក្នុងខែសីហា ឆ្នាំ២០២៦ គណៈកម្មាធិការវិនិយោគកម្ពុជា បានអនុម័តគម្រោងវិនិយោគសរុបចំនួន ៣៧ មានទុនវិនិយោគប្រមាណ ២៣៣ លានដុល្លារអាមេរិក ក្នុងនោះគម្រោងវិនិយោគដែលចុះបញ្ជីដោយក្រុមប្រឹក្សាអភិវឌ្ឍន៍កម្ពុជា មានចំនួន ២៧ និងគម្រោង និងដោយអនុគណៈកម្ម ធិការវិនិយោគរាជធានី-ខេត្ត មានចំនួន១០ គម្រោង។

ក្រុមប្រឹក្សាអភិវឌ្ឍន៍កម្ពុជា (ក.អ.ក.) ចេញសេចក្តីប្រកាសព័ត៌មាន លើការអនុម័តគម្រោងវិនិយោគនៅព្រះរាជាណាចក្រ កម្ពុជា សម្រាប់ខែ សីហា ឆ្នាំ២០២៦ ក្នុងនោះគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចុះបញ្ជី គម្រោងវិនិយោគសរុបចំនួន ៣៧ គម្រោង មានទំហំទុនវិនិយោគសរុបប្រមាណ ២៣៣ លានដុល្លារអាមេរិក និងអាចបង្កើតការងារ បានប្រមាណ ២៣ ពាន់កន្លែង។ ក្នុងចំណោមគម្រោងវិនិយោគខាងលើនេះ ក្នុងនោះគម្រោងដែលត្រូវបានចុះបញ្ជីដោយក្រុមប្រឹក្សា អភិវឌ្ឍន៍កម្ពុជា (ក.អ.ក.) មានចំនួន ២៧ គម្រោង ក្នុងទំហំទុនវិនិយោគសរុបប្រមាណ ១៩៨ លានដុល្លារអាមេរិក និងអាចបង្កើត ឱកាសការងារជូនប្រជាពលរដ្ឋបានប្រមាណ ១ពាន់កន្លែង។ ដោយឡែកគម្រោងវិនិយោគដែលត្រូវបានចុះបញ្ជីដោយអនុគណៈកម្មា- ធិការវិនិយោគរាជធានី-ខេត្ត (អ.គ.វ.រ.ខ.) មានចំនួន ១០ គម្រោង ក្នុងទំហំទុនវិនិយោគប្រមាណ ៣៥ លានដុល្លារអាមេរិក និងអាច បង្កើតការងារជូនប្រជាពលរដ្ឋបានប្រមាណ ៦ ពាន់កន្លែង។

ជាការកត់សម្គាល់ ការវិនិយោគនៅក្នុងរយៈពេល៨ ខែ ឆ្នាំ២០២៦នេះ កម្ពុជានៅតែបន្តទាក់ទាញគម្រោងវិនិយោគដែលមាន គុណភាព ជាពិសេសក្នុងវិស័យហេដ្ឋារចនាសម្ព័ន្ធ និងទេសចរណ៍ដែលមានកំណើនទំហំទុនវិនិយោគ ខណៈវិស័យឧស្សាហកម្មនៅ តែជាវិស័យនាំមុខក្នុងការទាក់ទាញវិនិយោគ។ និន្នាការនេះបង្ហាញថា បរិយាកាសវិនិយោគនៅកម្ពុជា នៅតែរក្សាបាននូវសញ្ញាណវិជ្ជ- មាន និងមានភាពធន់ខ្ពស់ ព្រមទាំងឆ្លុះបញ្ចាំងពីទំនុកចិត្តរបស់វិនិយោគិន លើកិច្ចខិតខំប្រឹងប្រែងរបស់រាជរដ្ឋាភិបាល ក្នុងការបន្ត លើកកម្ពស់សកម្មភាពធុរកិច្ច និងវិនិយោគ។

ចំណែកទាក់ទិននិងប្រភពទុនវិនិយោគ ដែលអនុម័តគម្រោងវិនិយោគនៅព្រះរាជាណាចក្រកម្ពុជារួមមាន៖ គម្រោងវិនិយោគ ចិនមានចំនួនជាង ៤៤ ភាគរយ, កម្ពុជា ជិត ៤០ ភាគរយ, សឹង្ហបុរី ជាង ៥ ភាគរយ, វៀតណាម ជិត ៤ ភាគរយ, កោះ British Virgin ជាង ២ ភាគរយ, សាធារណៈរដ្ឋកូរ៉េ ០,២៧ ភាគរយ, សម្ព័ន្ធស្វីស ០,២១ ភាគរយ និងមានវិនិយោគិនមកពីអាមេរិកផងដែរ៕អត្ថបទ៖ សុន រ៉ាឌី