ការចរចាប្រាក់ឈ្នួលកម្មករលើកទី៣ នៅតែតឹងតែង ខណៈភាគីសហជីពនិងនិយោជករក្សាគោលជំហតួលេខដដែល

ភ្នំពេញ៖ គិតត្រឹមកិច្ចប្រជុំត្រីភាគី លើកទី៣ របស់ក្រុមប្រឹក្សាជាតិប្រាក់ឈ្នួលអប្បបរមា ដើម្បីពិភាក្សាកំណត់តួលេខប្រាក់ឈ្នួលកម្មករកាត់ដេរ នៅរសៀលថ្ងៃនេះ បានបញ្ចប់ទៅដោយពុំទាន់មានការប្រែប្រួលតួលេខណាមួយឡើយ ពោលគឺភាគីទាំងពីរនៅតែបន្តរក្សាគោលជំហររៀងៗខ្លួនយ៉ាងរឹងមាំ។

ជាលទ្ធផលដូចទៅនឹងកិច្ចប្រជុំលើកទី២កន្លងទៅដែរ គឺតំណាងកម្មករនិយោជិត បានស្នើនូវតួលេខកំណើនរបស់ខ្លួនពីរផ្សេងៗគ្នា ដែលសហជីពភាគច្រើនស្នើតួលេខ កំណើន ១៥,៣ដុល្លារ និងមួយចំនួនទៀតស្នើតួលេខកំណើន ៤០,៦ដុល្លារ លើតួលេខបច្ចុប្បន្ន ខណៈតំណាងភាគី និយោជកបានស្នើរក្សាតួលេខដដែល គឺចំនួន ២១០ដុល្លារ។

សូមជំរាបជូនថា ក្រុមប្រឹក្សាជាតិប្រាក់ឈ្នួលអប្បបរមា នឹងបើកកិច្ចប្រជុំនេះបន្តទៀត ដើម្បីពិភាក្សាកំណត់តួលេខប្រាក់ឈ្នួលកម្មករនិយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប សម្រាប់ឆ្នាំ២០២៧ នៅព្រឹកថ្ងៃទី២៨ ខែកញ្ញា ឆ្នាំ២០២៦ខាងមុខ។