ព័ត៌មាន
មន្រ្តីជាន់ខ្ពស់អង្គការសហប្រជាជាតិ៖ ប្រទេសកម្ពុជាជាប្រទេសគំរូមួយក្នុងការបង្រ្កាបការឆបោកតាមអនឡាញ
ភ្នំពេញ៖ មន្រ្តីជាន់ខ្ពស់តំណាងប្រចាំតំបន់នៃការិយាល័យអង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្មប្រចាំតំបន់អាស៊ីអាគ្នេយ៍ និងប៉ាស៊ីហ្វិក (UNODC-ROSEAP) បានកោតសរសើរប្រទេសកម្ពុជាក្នុងការកិច្ចខិតខំប្រឹងប្រែងប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា និងបានបង្ហាញការបើកជំហរក្នុងការសហការគ្នាក្នុងការអនុវត្តច្បាប់បង្រ្កាប និងបិទទីតាំងមជ្ឈមណ្ឌលឆបោកតាមអនឡាញ។
លោកស្រី Delphine Schantz អ្នកតំណាងប្រចាំតំបន់នៃការិយាល័យអង្គការសហប្រជាជាតិទទួលបន្ទុកគ្រឿងញៀន និងឧក្រិដ្ឋកម្មប្រចាំតំបន់អាស៊ីអាគ្នេយ៍ និងប៉ាស៊ីហ្វិក (UNODC-ROSEAP) បានថ្លែងថា ប្រទេសកម្ពុជាជាប្រទេសមួយត្រូវបានលើកទឹកចិត្ត និងជាប្រទេសគំរូមួយក្នុងការបង្រ្កាបការឆបោកតាមអនឡាញ ដើម្បីឆ្លើយតបទៅនឹងការកើនឡើងនូវមជ្ឈមណ្ឌលឆបោកថ្មីៗកំពុងកើតឡើងនៅក្នុងតំបន់អាស៊ីអាគ្នេយ៍។ ការណ៍បានបង្ហាញតាមរយៈប្រតិបត្តិការបង្ក្រាបនូវទីតាំងមជ្ឈមណ្ឌលឆបោកបានជាច្រើន។
លោកស្រី Delphine Schantz បានថ្លែងដូចនេះ ធ្វើឡើងក្នុងសន្និសីទអន្តរជាតិ ស្តីពី ការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា«រួមគ្នាឆ្ពោះទៅកាន់ផ្តាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យា នៅថ្ងៃទី២៣ ខែកញ្ញា ឆ្នាំ២០២៦ នៅរាជធានីភ្នំពេញ។
លោកស្រី មានប្រសាសន៍ថា «អ្វីដែលគួរលើកទឹកចិត្តនោះ ការកើនឡើងនូវមជ្ឈមណ្ឌលឆបោកតាមអនឡាញថ្មីៗកំពុងបន្តការងាររបស់ពួកគេ។ការអនុវត្តច្បាប់ត្រូវបានពន្លឿន ហើយទីតាំងធំជាច្រើនត្រូវបានបិទទ្វា ប្រទេសកម្ពុជាគឺជាឧទាហរណ៍ដ៏ល្អមួយនៃរឿងនេះ។ ក្នុងរយៈពេលប៉ុន្មានខែចុងក្រោយនេះ លោកស្រីបានមើលឃើញថា រាជរដ្ឋាភិបាលកម្ពុជាបានអនុវត្តច្បាប់ក្នុងការបង្រ្គាប និងបិទមជ្ឈមណ្ឌលឆបោកតាមអនឡាញយ៉ាងសកម្មក្នុងការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា។ សន្និសីទនាថ្ងៃនេះ គឺជាជំហានថ្មីមួយទៀតក្នុងការបង្ហាញភាពបើកជំហររបស់កម្ពុជា ក្នុងការសហការគ្នាពីគ្រប់ភាគីពាក់ព័ន្ធទប់ស្កាត់ការឆបោកតាមអនឡាញ»។
សូមបញ្ជាក់ថា ប្រទេសដែលចូលរួមក្នុងសន្និសីទអន្តរជាតិ ស្តីពី ការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា«រួមគ្នាឆ្ពោះទៅកាន់ផ្តាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យា មានចំនួន ២៧ប្រទេស និងអង្គការអន្តរជាតិចំនួន ៧ នៅថ្ងៃទី២៣-២៤ ខែកញ្ញា ឆ្នាំ២០២៦ នៅរាជធានីភ្នំពេញ ដែលប្រទេសកម្ពុជាធ្វើជាម្ចាស់ផ្ទះ។ គិតចាប់ពីខែកក្កដា ឆ្នាំ២០២៥ ដល់ ខែសីហា ឆ្នាំ២០២៦ រាជរដ្ឋាភិបាលកម្ពុជាបានប្រតិបត្តិការប្រឆាំងការឆបោកអនឡាញយ៉ាងសកម្ម ដែលបានបិទសៀលចំនួន ៦៦៣កន្លែង និងបង្រ្កាប និងគ្រប់គ្រងមណ្ឌលឆបោក ៨៦ទីតាំង នៃទីតាំងសង្ស័យចំនួន ៨៣២ទីតាំង ព្រមទាំង បានបញ្ជូនសំណុំរឿង ៤៤៦ករណី ទៅតុលាការពាក់ព័ន្ធនឹងជនត្រូវចោទ ៣ ៩២៧នាក់ មាន២៩សញ្ជាតិ៕ អត្ថបទ៖ ធូ វិរៈ
-
កីឡា1 week agoក្រុមកីឡាអុកកម្ពុជា រំពឹងធ្វើបានកាន់តែល្អ ក្នុងព្រឹត្តិការណ៍ Fide Chess Olympiad 2026 នៅអូសបេគីស្ថាន
-
ព័ត៌មាន1 week agoអ្នកវិភាគ៖ ដំណោះស្រាយជម្លោះដែនសមុទ្រកម្ពុជា-ថៃ តាមយន្តការ UNCLOS កម្ពុជា អាចមានប្រៀបខាងផ្លូវច្បាប់
-
ព័ត៌មាន7 days agoនាយខណ្ឌរដ្ឋបាលជលផលខេត្តកណ្តាល បានព្រមានចាត់វិធានការក្តៅ ដោយគ្មានការលើកលែងចំពោះជនប្រព្រឹត្តបទល្មើសនេសាទដោយខុសច្បាប់
-
ព័ត៌មាន1 week agoឯកអគ្គរាជទូតអង់គ្លេស មានមោទនភាពជាមួយព្រឹត្តិការណ៍កូនហ្គោលលំដាប់ពិភពលោក និងប្រជុំដោយកីឡាករល្បីៗនៅកម្ពុជា
-
ព័ត៌មាន7 days agoរោងចក្រផ្តុំ និងដំឡើងរថយន្តដ៏ធំមួយនៅខេត្តកំពង់ឆ្នាំងនឹងសម្ភោធដាក់អោយដំណេីរការជាផ្លូវការ ស្អែកនេះក្រោមអធិបតីភាពដ៏ខ្ពង់ខ្ពស់សម្តេចធិបតី ហ៊ុន ម៉ាណែត
-
ព័ត៌មាន7 days agoសម្ដេចធិបតី ប្រកាសឆ្មក់ចុះពិនិត្យតាមមណ្ឌលសុខភាពនៅម៉ោង២ទៀបភ្លឺ ដើម្បីប្រាកដថាបើក២៤ម៉ោង
-
ព័ត៌មាន6 days agoសម្ដេចតេជោលើកទឹកចិត្តឱ្យកម្ពុជា និងស៊ីបរកឱកាស និងយន្តការថ្មីៗជំរុញការវិនិយោគ និងពាណិជ្ជកម្មទ្វេភាគីឱ្យកាន់តែរីកចម្រើន
-
ព័ត៌មាន1 week agoអគ្គិភ័យឆាបឆេះផ្ទះពលរដ្ឋ នៅជាន់ទី២ បង្កការខូចខាតសម្ភារៈមួយចំនួនធំ