ឯកឧត្តម នេត សាវឿន៖ វិធានការច្បាប់គឺជាខែលការពារដ៏រឹងមាំរបស់កម្ពុជាក្នុងការប្រយុទ្ធប្រឆាំងតបតទៅនឹងបទល្មើសឆបោកតាមប្រព័ន្ធបច្ចេកវិទ្យា

ឯកឧត្តម សន្តិបណ្ឌិត នេត សាវឿន ឧបនាយករដ្ឋមន្ត្រី និងជាអនុប្រធានគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យាបានថ្លែងថា វិធានការច្បាប់ដ៏ម៉ឹងម៉ាត់តឹងតែង​គឺជាខែលការពារដ៏រឹងមាំរបស់កម្ពុជាក្នុងការប្រយុទ្ធប្រឆាំងតបតទៅនឹងបទល្មើសឆបោកតាមប្រព័ន្ធបច្ចេកវិទ្យា និងត្រូវបន្តអនុវត្តរហូតដល់បទល្មើសមួយនេះរលត់សាបសូន្យចេញពីប្រទេសកម្ពុជា។ ការបញ្ជាក់នេះ ក្នុងពិធីបិទសន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យានៅថ្ងៃទី២៤ ខែកញ្ញា ឆ្នាំ២០២៦។

ឯកឧត្តម សន្តិបណ្ឌិត នេត សាវឿន បានបញ្ជាក់ថា សន្និសីទអន្តរ​ជាតិ​ស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ដ៏មានសារសំខាន់និងមានអត្ថន័យដ៏ជ្រាលជ្រៅជាប្រវត្តិសាស្ត្រដែលបានបិទបញ្ចប់ទោដោយផ្លែកផ្កានិងគួរជាទីមោទន និងបានឆ្លុះបញ្ចាំងយ៉ាងច្បាស់ថា ប្រតិភូដែលបានចូលរួមទាំងអស់បានចូលរួមចែករំលែកទស្សនទាន បទពិសោធន៍ល្អៗដ៏មានសារសំខាន់ជាច្រើន ដូចជាបទពិសោធន៍ឆ្លើយតបទៅនិងបទល្មើសឆបោកតាមប្រព័ន្ធបច្ចេកវិទ្យា ការចែករំលែកបញ្ហាប្រឈម និងវិវត្តន៍ថ្មីនៃបទល្មើស ការវិវត្តនឹងបញ្ហាថ្មី។ រាល់ខ្លឹមសារដែលបានជជែក​ពិភាក្សានិងការចែករំលែកនេះ សុទ្ធតែជាគន្លឹះកូនសោរដ៏សំខាន់និ​ងពិសេសបានឆ្លើយតបទៅនឹងមូលរបទរួមគ្នាឆ្ពោះ​ទៅកាត់ផ្តាច់ច្រវ៉ាក់និងបញ្ចប់ការឆបោកតាមប្រព័ន្ធបច្ចេកវិទ្យា។ វិធនាការបង្ក្រាបការឆបោកតាមប្រព័ន្ធបច្ចេកវិទ្យាបានបង្ហាញពីឆន្ទៈដ៏មោះមុតរបស់រាជរដ្ឋាភិបាកម្ពុជា។ រាជរដ្ឋាភិបាលកម្ពុជាបានបង្ហាញឆន្ទៈមោះមុតមិនរាថយក្នុងការប្រើប្រាស់វិធានការច្បាប់ដើម្បីឆ្លើយតបទៅនឹងការឆបោកតាមអនឡាញស្គេម។ កម្ពុជាគឺជាប្រទេសឈានមុខគេក្នុងការបង្កើតឲ្យមានច្បាប់ស្តពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា។ រួមជាមួយការឈាត់ខ្លួនផ្តន្ទាទោសនិងការ​ណ្តេញចេញពីប្រទេស៕ អត្ថបទ៖ វង្ស សុភាព