រាជរដ្ឋាភិបាលចេញអនុក្រឹត្យស្តីពីការចេញផ្សាយធនប័ត្រប្រភេទ ៥០០០០ រៀល ១០០០០០ រៀលគំរូថ្មី

រាជរដ្ឋាភិបាលចេញអនុក្រឹត្យស្តីពីការចេញផ្សាយធនប័ត្រប្រភេទ ៥០០០០ រៀល និងធនប័ត្រប្រភេទ ១០០០០០ រៀល គំរូថ្មី អនុញ្ញាតឱ្យចេញផ្សាយ ធ្វើចរាចរ និងប្រើប្រាស់ក្នុងទូទាំងព្រះរាជាណាចក្រកម្ពុជា ដើម្បីបំពេញតម្រូវការចរាចររូបិយវត្ថុក្នុងសេដ្ឋ កិច្ចជាតិ។

យោងតាមសំណើរបស់អគ្គទេសាភិបាលធនាគារជាតិនៃកម្ពុជា, នៅថ្ងៃទី២៥ ខែកញ្ញា ឆ្នាំ២០២៦នេះ រាជរដ្ឋាភិបាលកម្ពុជា ចេញអនុក្រិត្យចំនួនពីរ ស្តីពីការចេញផ្សាយធនប័ត្រប្រភេទ ៥០០០០ រៀល គំរូថ្មី និងអនុក្រឹត្យស្តីពីការចេញផ្សាយធនប័ត្រប្រភេទ ១០០០០០ រៀលគំរូថ្មី ទន្ទឹមនឹងបណ្តាប្រភេទប្រាក់ដែលត្រូវបានចេញផ្សាយរួចហើយ។

ជុំវិញធនប័ត្រខាងលើនេះ, យោងតាមមាត្រា៣ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញ វត្ថុ រដ្ឋមន្ត្រីគ្រប់ក្រសួងនិង ប្រធានគ្រប់ស្ថាប័នដែលពាក់ព័ន្ធ អគ្គទេសាភិបាលធនាគារជាតិនៃកម្ពុជា និងអភិបាលនៃគណៈអភិបាល រាជធានី-ខេត្ត ត្រូវទទួលបន្ទុក អនុវត្តអនុក្រឹត្យនេះតាមភារកិច្ចរៀងៗខ្លួន ចាប់ពីថ្ងៃចុះហត្ថលេខាតទៅ។

សូមបញ្ជាក់ថា សម្រាប់ការចេញផ្សាយធនប័ត្រ (ក្រដាសប្រាក់) គំរូថ្មីទាំងពីរប្រភេទនេះ នឹងត្រូវដាក់ឱ្យចរាចរទន្ទឹមគ្នា ជាមួយប្រភេទ ក្រដាសប្រាក់គំរូចាស់ៗ ដែលកំពុងចរាចរនៅលើទីផ្សារបច្ចុប្បន្ន ដោយមិនមានការដកហូតគំរូចាស់នោះឡើយ៕អត្ថបទ៖ សុន រ៉ាឌី,