មន្ទីរធនធានទឹកខេត្តបាត់ដំបង ជូនដំណឹងពីការបើកទ្វារទឹកអាងសេកសកដែលធ្វើឱ្យកម្ពស់ទឹកស្ទឹងសង្កែហក់ឡើង អាចជន់លិចនៅតំបន់ទំនាប

បាត់ដំបង៖ ដើម្បីរំលស់ទឹកសម្រាប់ទប់ទល់ពេលមានភ្លៀងធ្លាក់បន្ថែម ក៏ដូចជាបន្ធូរបរិមាណទឹកដែលមានច្រើននៅ ក្នុងអាង មន្ទីរធនធានទឹក និងឧតុនិយមខេត្តបានបើកទ្វារទឹកអាងពហុបំណងបាត់ដំបងបង្ហូរតាមរយៈស្ទឹងសង្កែបណ្តាលឱ្យកម្ពស់ទឹកក្នុងស្ទឹងមានការកើនឡើង ធ្វើឱ្យមានការជន់លិចតំបន់ទំនាបខ្លះតាមដងស្ទឹងនាពេលខាងមុខ ជាពិសេសនៅ តំបន់ទំនាប(ម្តុំផ្សារបឹងឈូក)នៃក្រុងបាត់ដំបង និងស្រុកឯកភ្នំ ដូចនេះសូមបងប្អូនប្រជាពលរដ្ឋដែលរស់នៅតាមដងស្ទឹង សង្កែ និងតំបន់ដែលលិចទឹកមេត្តាប្រុងប្រយ័ត្នចំពោះសុវត្ថិភាពមនុស្សចាស់ កុមារតូចៗ ក៏ដូចជា ម៉ាស៊ីនបូមទឹក ទូក កាណូត សត្វពាហនៈ និងឧបករណ៍ប្រើប្រាស់ផ្សេងៗជាដើម។

បើតាមសេចក្ដីជូនដំណឹងរបស់មន្ទីរធនធានទឹក និងឧតុនិយមខេត្តបាត់ដំបងនៅថ្ងៃទី២៤ ខែកញ្ញា ឆ្នាំ២០២៦បានឱ្យដឹងបន្ថែមថា ការបើកទ្វារទឹកអាងពហុបំណងបាត់ដំបង ធ្វើឡើងស្របពេលដែលមានភ្លៀង ធ្លាក់ជាប់ៗគ្នាជាច្រើនថ្ងៃស្ទើរទូទាំងខេត្តបាត់ដំបង ជាពិសេសស្រុកសំឡូត ដែលជាផ្ទៃរងទឹកភ្លៀងដ៏ធំរបស់អាងពហុបំណង បាត់ដំបង ហើយទឹកទាំងនោះក្លាយជាជំនន់រហ័សហូរចូលអាងពហុបំណងបាត់ដំបងធ្វើឱ្យបរិមាណទឹកក្នុងអាងមានការ កើនឡើងគួរឱ្យកត់សម្គាល់លើសកម្រិតអតិបរមា។

មន្ទីរធនធានទឹក និងឧតុនិយមខេត្តបាត់ដំបង នឹងបន្តយកចិត្តទុកដាក់តាមដានការប្រែប្រួលស្ថានភាពទឹក ដើម្បីជម្រាបជូនដំណឹងជាបន្តបន្ទាប់ទៀត។