អង្គភាពប្រឆាំងអំពើពុករលួយបានបញ្ជូនសំណុំរឿង៤ករណីនៃឃុំព្រែកខ្សាច់ទៅសាលាដំបូងរាជធា​​នី​​​​ភ្នំ​​​​​ពេ​​​​​​​ញ

នៅក្នុងខែកញ្ញា ឆ្នាំ២០២៦នេះ អង្គភាពប្រឆាំងអំពើពុករលួយ (អ.ប.ព) បានបញ្ជូនសំណុំរឿ​​ងចំនួ​​ន ៤ករណី នៃឃុំព្រែ​​​​​កខ្សាច់ ដែលមានជាប់ពាក់ព័ន្ធសកម្មភាព ​Online scams ទៅសាលាដំបូងរាជធានីភ្នំពេញ។ នេះបើតាមរ​​បា​យការណ៍របស់អង្គភាពប្រឆាំងអំពើពុករលួយបានបង្ហាញនៅក្នុងកិច្ចប្រជុំក្រុមប្រឹ​​ក្សា​​ជា​​តិ​​​ប្រឆាំងអំពើពុ​​ករ​​​​លួ​​យ​​​​​​​​។​​

កិច្ចប្រជុំក្រុមប្រឹក្សាជាតិប្រឆាំងអំពើពុករលួយ លើកទី១៤ អាណត្តិទី៤ បានដំណើរការនៅរសៀ​​ល​​ថ្ងៃ​​ទី​​​២៩ ខែកញ្ញា ឆ្នាំ២០២៦នេះ ក្រោមអធិបតីភាពដ៏ខ្ពង់ខ្ពស់សម្តេចកិត្តិសង្គហបណ្ឌិត ម៉ែន សំអ​ន​​ ប្រ​ធា​​​នក្រុមប្រឹក្សាជាតិប្រឆាំងអំពើពុករលួយ។ កិច្ចប្រជុំនេះ រៀបចំនៅអង្គភាពប្រឆាំងអំពើពុករលួយ រាជធា​​​​​​នីភ្នំ​​​​​​ពេ​​ញ។

នៅក្នុងកិច្ចប្រជុំ ឯកឧត្តមកិតិ្តនីតិកោសលបណ្ឌិត ទេសរដ្ឋមន្រ្តី ឱម យ៉ិនទៀង ប្រធានអង្គភាពប្រ​ឆាំ​​ងអំ​​ពើពុករលួយ បានបង្ហាញរ​បាយការណ៍ថា អង្គភាពប្រឆាំងអំពើពុករលួយ បានដំណើរការពិនិត្យ វិ​​ភា​​​គ​ និងធ្វើការសម្រេច លើពាក្យប្ដឹងដែលមានក្នុងខែកញ្ញានេះ សរុបចំនួន ៤៤ ពាក្យប្ដឹង និងបានបញ្ជូនសំណុំរឿង ចំនួន ៤ ករណី នៃឃុំព្រែកខ្សាច់ ទៅសាលាដំបូងរាជធានីភ្នំពេញ។ អំពីសំណុំរឿងទាំង ៤ ករ​​ណី​​ នៃឃុំព្រែកខ្សាច់មានដូចជា៖ទី១.សំណុំរឿងព្រហ្មទណ្ឌលេខ៥៤៧៦ ចុះថ្ងៃទី ១៥ ខែកញ្ញា ឆ្នាំ២​​០២​៦ ​​មានជនត្រូវចោទ ចំនួន ៤ នាក់រួមមាន៖ទី១.ឈ្មោះ រៀម រុំ ត្រូវចោទពីបទស៊ីសំណូក, សម្អាតប្រាក់ និងសមគំនិតក្នុងអំពើរៀបចំ ដឹកនាំមជ្ឈមណ្ឌលឆបោកតាមប្រព័ន្ធបច្ចេកវិទ្យា ទី២.ឈ្មោះ ជា សុទ្ធ (កំពុងជាប់ឃុំនៅមណ្ឌលអប់រំកែប្រែទី១) ទី៣.ឈ្មោះ ជា វាសនា ត្រូវចោទពីបទសមគំនិតក្នុងអំពើរៀបចំ ឬដឹ​​ក​នាំមជ្ឈមណ្ឌលឆបោកតាមប្រព័ន្ធបច្ចេកវិទ្យា និងទី៤.ឈ្មោះ ចាំង ចៀនឈាំង (Zhang Jian Qiang) ហៅ ឆៃ យ៉ូវយៀន (Cai You Yuan) ហៅ ត្រងោល ត្រូវចោទពីបទសូកប៉ាន់, សម្អាតប្រាក់, ឆបោកតាមប្រព័ន្ធបច្ចេកវិទ្យា និងរៀបចំ ឬដឹកនាំមជ្ឈមណ្ឌលឆបោកតាមប្រព័ន្ធបច្ចេកវិទ្យា។ ទី២.សំណុំរឿងព្រហ្មទ ណ្ឌលេខ៥៥១៩ ចុះថ្ងៃទី១៧ ខែកញ្ញា ឆ្នាំ២០២៦ មានជនសង្ស័យចំនួន ១នាក់ ឈ្មោះ ជិន សុភាន់ មន្ត្រីនគរបាល នៃអធិការដ្ឋាននគរបាលស្រុកកំពង់ត្រាច ខេត្តកំពត (អតីតអធិការរង នៃអធិការដ្ឋាន នគរបាលស្រុកគិរីសាគរ ខេត្តកោះកុង) ត្រូវចោទពីបទសមគំនិតក្នុងអំពើរៀបចំ ឬដឹកនាំមជ្ឈមណ្ឌលឆបោកតាមប្រព័ន្ធបច្ចេកវិទ្យា។ ទី៣.សំណុំរឿងព្រហ្មទណ្ឌលេខ៥៥៧៩ ចុះថ្ងៃទី១៩ ខែកញ្ញា ឆ្នាំ២០២៦ មានជនត្រូវចោទ ឈ្មោះ ភេ ផាត់ផេង មន្ត្រីនគរបាលការិយាល័យច្រកទ្វារអាកាសយានដ្ឋានអន្តរជាតិ នៃនាយកដ្ឋានច្រកទ្វារទី១ អគ្គនាយកដ្ឋានអន្តោប្រវេសន៍ បទរំលោភអំណាច (មានប្រសិទ្ធភាព), សម្អាតប្រាក់និងសមគំនិត ក្នុងអំពើឆបោកតាមប្រព័ន្ធបច្ចេកវិទ្យា។ និងទី៤-សំណុំរឿងព្រហ្មទណ្ឌលេខ៥៥៨១ ចុះថ្ងៃទី២០ ខែកញ្ញា ឆ្នាំ២០២៦ មានជនត្រូវចោទ ឈ្មោះ ឡាយ សុខគង់ ម្ចាស់អាជីវកម្មតូបប្តូរប្រាក់យីហោ “សុខគង់១៤៨ប្តូរប្រាក់- SOKONG148” ពីបទសមគំនិតក្នុងអំពើសូកប៉ាន់, ឆបោកតាមប្រព័ន្ធបច្ចេកវិទ្យា និងរៀបចំ ឬដឹកនាំមជ្ឈមណ្ឌលឆបោកតាមប្រព័ន្ធ  បច្ចេកវិទ្យា និងបទសម្អាតប្រាក់ និងបទល្មើសការធ្វើសកម្មភាពប្តូរប្រាក់ ដោយគ្មានការអនុញ្ញាតពីធនាគារ។ ក្រៅពីនេះ សំណុំរឿងទាំង៤នេះ អង្គភាពប្រឆាំងអំពើពុករលួយបានរកឃើញករណីប្រព្រឹត្តអំពើពុករលួយផ្សេងៗទៀតរួមមាន៖ករណីOnline scams ២ នា​​ក់​​ប្តីប្រពន្ធនៅខេត្តឧត្តរមានជ័យ និងការក្លែងបន្លំខ្លួនក្នុងការប្រឡងចូលវិជ្ជាជីវៈវេជ្ជសាស្ត្រជាដើម។អត្ថបទ៖ទូច សោភ័ណ