ក្រុមការងារអាហារូបករណ៍ អ.ម.ត រៀបចំពិធីសំណេះសំណាល និងតម្រង់ទិសជូនដល់បេក្ខជនជ័យលាភី ឆ្នាំសិក្សា២០២៦-២០២៧ នាខេត្តបាត់ដំបង

ខេត្តបាត់ដំបង៖ នៅព្រឹកថ្ងៃទី២៥ ខែតុលា ឆ្នាំ២០២៦ ឯកឧត្តម លឹម គុណវុឌ្ឍ ប្រធានក្រុមការងារគ្រប់គ្រងអាហារូបករណ៍ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត (អ.ម.ត) ខេត្តបាត់ដំបង បានរៀបចំពិធីសំណេះសំណាល និងតម្រង់ទិសស្ដីពី «ការប្រើប្រាស់ប្រព័ន្ធឌីជីថល អ.ម.ត» ជូនដល់បេក្ខជនអាហារូបករណ៍ជ័យលាភីជំនាន់ថ្មី សម្រាប់ឆ្នាំសិក្សា២០២៦-២០២៧ ។ អាហារូបករណ៍ដ៏ថ្លៃថ្លានេះផ្តល់ជូនតាមរយៈ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ដើម្បីជួយពង្រីកវិសាលភាពនៃឱកាសទទួលបានការអប់រំជាន់ខ្ពស់ពេញលេញជូនដល់យុវជននៅទូទាំងខេត្តបាត់ដំបង។

ការផ្តល់ឱកាសសិក្សានាពេលនេះ មិនត្រឹមតែសម្រាលបន្ទុកជីវភាពរបស់គ្រួសារសិស្សានុសិស្សប៉ុណ្ណោះទេ ប៉ុន្តែគឺជាវិនិយោគលើ «មូលធនមនុស្ស» ដែលមានសមត្ថភាព គុណធម៌ និងចំណេះដឹងខ្ពស់ សម្រាប់ចូលរួមចំណែកអភិវឌ្ឍន៍ខេត្តបាត់ដំបង ក៏ដូចជាប្រទេសជាតិទាំងមូលឱ្យកាន់តែរីកចម្រើនប្រកបដោយចីរភាព និងបរិយាបន្ននាពេលអនាគត៕