ឧត្តមនាវីឯក ទៀ សុខា ប្រកាស់គាំទ្រយ៉ាងពេញទំហឹងការពន្យល់បន្ថែមពាក់ព័ន្ធកិច្ចសហប្រតិបត្តិការអភិវឌ្ឍន៍តំបន់ត្រីកោណ

ភ្នំពេញ ÷ ឧត្តមនាវីឯក ទៀ សុខា មេបញ្ជាការរងកងទ័ពជើងទឹក និងជាអគ្គលេខាធិការរងនៃគណៈកម្មាធិការជាតិសន្តិសុខលម្ហសមុទ្រ បានប្រកាសគាំទ្រយ៉ាងពេញទំហឹងនូវសារសំឡេងពិសេសរបស់សម្តេចតេជោ ហ៊ុន សែន ប្រធានព្រឹទ្ធសភាកម្ពុជា ដែលបានពន្យល់បន្ថែមអំពីកិច្ចសហប្រតិបត្តិការ តំបន់ត្រីកោណអភិវឌ្ឍ កម្ពុជា-ឡាវ-វៀតណាម(CLV- DTA ) និងប្តេជ្ញាការពារដាច់ខាត រដ្ឋធម្មនុញ្ញ ជាតិ សាសនា ព្រះមហាក្សត្រ និងជារដ្ឋាភិបាលស្របច្បាប់ដែលប្រសូត្រចេញពីការបោះឆ្នោតតាមគន្លងប្រជាធិបតេយ្យ សេរីពហុបក្ស។

ឧត្តមនាវីឯកទៀ សុខា បានបញ្ជាក់ថា«ខ្ញុំសូមគាំទ្រ នូវប្រសាសន៍របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ពាក់ព័ន្ធកិច្ចសហប្រតិបត្តិការអភិវឌ្ឍតំបន់ត្រីកោណ កម្ពុជា-ទ្បាវ-វៀតណាម ជូនដល់ជនរួមជាតិខ្មែរ អោយបានយល់ពីសារៈសំខាន់ និងផលប្រយោជន៍របស់កម្ពុជា»។

ឯកឧត្តមឧត្តមនាវីឯក បានបន្ថែមទៀតថា«ខ្ញុំ សូមការពារដាច់ខាត រដ្ឋធម្មនុញ្ញ ជាតិ សាសនា ព្រះមហាក្សត្រ ជាពិសេសរាជរដ្ឋាភិបាលស្របច្បាប់ ដើម្បីផលប្រយោជន៍ជាតិ ការពារ រក្សា សុខសន្តិភាព ជូនជាតិ ដោយមិនឱ្យជនណា ក្រុមណាមកបំផ្លិចបំផ្លាញបានទ្បើយ ទោះក្នុងកាលៈទេសៈណាក៏ដោយ»៕

អត្ថបទ បាន ចក់