ព័ត៌មាន
ពលរដ្ឋខេត្តមណ្ឌលគិរីអះអាងថា មិនមានការបាត់បង់ទឹកដីដូចពាក្យចចាមអារ៉ាមនោះទេ
ប្រជាពលរដ្ឋរស់នៅខេត្តមណ្ឌលគិរីដែលជាប់ព្រំដែនប្រទេសវៀតណាម បានអះអាងថា ផ្អែកតាមជីវភាពរស់ជាក់ស្តែងរបស់ពួកគាត់មិនមានការបាត់បង់ទឹកដីដូចពាក្យចចាមរ៉ាមនោះទេ។
ស្របពេលក្រសួង-ស្ថាប័ន មជ្ឈដ្ឋានក្នុង និងក្រៅប្រទេសបន្តគាំទ្រដល់កិច្ចសហប្រតិបត្តិការតំបន់ត្រីកោណអភិវឌ្ឍន៍ (CLV-DTA) ដើម្បីឆ្លុះបញ្ចាំងដល់អត្ថប្រយោជន៍លើពាណិជ្ជ និងការអភិវឌ្ឍ ដែលផ្ទុយពីក្រុមមួយក្តាប់តូចចោទថាបាត់បង់ទឹកដីប្រទេសកម្ពុជាតាមរយៈខេត្តទាំង៤ដែលត្រូវដាក់បញ្ជូនក្នុងគម្រោងនេះ។ ជាក់ស្តែង តាមរយៈក្រុមការងារBTVបានចុះដល់ទីតាំង និងជួបសម្ភាសន៍ប្រជាពលរដ្ឋរស់នៅភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ដែលជាប់នឹងព្រំដែនវៀតណាមនៅថ្ងៃទី១៣ ខែសីហា ឆ្នាំ២០២៤ម្សិលមិញនេះ ពួកគាត់បានឱ្យដឹងថា បើប្រៀបធៀបរយៈចន្លោះពីជាង១០ឆ្នាំមុនទៅ២០ឆ្នាំមុនតាមបន្ទាត់ព្រំដែនកម្ពុជា-វៀតណាមក្នុងមណ្ឌលគិរីមិនមានការអភិវឌ្ឍន៍ផ្លូវ ថ្នល់ដូចពេលបច្ចុប្បន្នឡើយ ដោយសារគ្រានោះមិនទាន់មានការបោះបង្គោលព្រំដែននោះទេ ខណៈគិតមកដល់ពេលនេះ រាជរដ្ឋាភិបាលបានកសាងផ្លូវតភ្ជាប់តាមបន្ទាត់ព្រំដែនក្នុងខេត្តមណ្ឌលគិរីជាប់នឹងប្រទេសវៀតណាមប្រវែងជាង៣០០គីឡូម៉ែត្រនោះរួចរាល់តាមរយៈកងកម្លាំងវិស្វកម្ម។
ឆ្លើយតបទៅនឹងការចោទប្រកាន់អំពីការបាត់ទឹកដីក្នុងខេត្តមណ្ឌលគិរីវិញ ប្រជាពលរដ្ឋដែលរស់នៅ និងអាស្រ័យផលក្នុងមួយគ្រួសារដែលខ្លះមានរយៈពេលជាង២០ឆ្នាំ និងជាង១០ឆ្នាំ សុទ្ធបានបង្ហាញការរីករាយចំពោះភាពរីកចម្រើនតាមបន្ទាត់ព្រំដែន ជាពិសេសពួកគាត់អះអាងថា មិនមានជនជាតិវៀតណាម និងទឹកដីរបស់ប្រទេសកម្ពុជាត្រូវបានបាត់បង់ដូចពាក្យចចាមអារ៉ាមគេចោទប្រកាន់នោះទេ។
សូមជម្រាបថា កិច្ចសហប្រតិបត្តិការអភិវឌ្ឍតំបន់ត្រីកោណកម្ពុជា-ឡាវ-វៀតណាម គឺជាគំនិតផ្តួចផ្តើមដំបូងរបស់កម្ពុជា ក្នុងឆ្នាំ១៩៩៩ ដែលពេលនោះមាន សម្តេចតេជោហ៊ុន សែន ជានាយករដ្ឋមន្ត្រី ក្នុងគោលបំណងជំរុញសមាហរណកម្មខេត្តជាប់ព្រំដែន នៃប្រទេសទាំងបី កម្ពុជា-ឡាវ-វៀតណាម ដោយធ្វើយ៉ាងណាប្រែក្លាយព្រំដែននេះ ទៅជាព្រំដែនមិត្តភាព សាមគ្គីភាព និងការអភិវឌ្ឍ។ គិតមកដល់ឆ្នាំ២០២៤នេះ កិច្ចប្រជុំក្រោមក្របខណ្ឌនៃ តំបន់ត្រីកោណអភិវឌ្ឍន៍នេះ បានធ្វើឡើងចំនួន១១លើករួចមកហើយ ដោយមានការប្តូរវេនគ្នាធ្វើជាប្រធានរវាង ប្រទេសទាំងបី ហើយឆ្នាំ២០២៤នេះ កម្ពុជានឹងធ្វើជាម្ចាស់ផ្ទះកិច្ចប្រជុំកំពូល CLV លើកទី១២៕ អត្ថបទ សេក ឧត្តម

-
ព័ត៌មាន1 week agoរាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន
-
ព័ត៌មាន2 days agoកម្ពុជាទទួលធ្វើជាម្ចាស់ផ្ទះរៀបចំកិច្ចប្រជុំពហុភាគីមេបញ្ជាការកងទ័ពជើងគោកអាស៊ាន (ACAMM) និងកិច្ចប្រជុំប្រចាំឆ្នាំនាយទាហានរងជាន់ខ្ពស់កងទ័ពជើងគោកអាស៊ាន (ASMAM) ឆ្នាំ២០២៧ ជាលើកដំបូង
-
ព័ត៌មាន2 days agoជប៉ុនសន្យាបន្តកិច្ចសហប្រតិបត្តិការហិរញ្ញប្បទាន ស្របតាមវិស័យអាទិភាព និងយុទ្ធសាស្ត្ររបស់កម្ពុជា
-
ព័ត៌មាន1 week agoអ្នកសម្របសម្រួល (L.O) គណៈប្រតិភូ ហ្វ្រង់កូហ្វូនី ពេញចិត្តចំពោះការងារ ដោយនឹងព្យាយាមធ្វើឱ្យបានល្អដើម្បីមុខមាត់កម្ពុជា
-
ព័ត៌មាន2 days agoជប៉ុនប្តេជ្ញាចិត្តបន្តពង្រឹង និងពង្រីកកិច្ចសហប្រតិបត្តិការជាមួយ CMAC តាមរយៈការគាំទ្រការងារសកម្មភាពមីន
-
ព័ត៌មាន2 days agoជប៉ុនផ្តល់ជំនួយសម្រាប់ការសាងសង់អគារបណ្តុះបណ្តាលវិជ្ជាជីវៈ និងការតម្លើងឧបករណ៍ នៅវិទ្យាស្ថានជាតិវិជ្ជាជីវៈបាត់ដំបង
-
ព័ត៌មាន2 days agoហ្វ្រង់កូហ្វូនី លើកឡើងពីក្តីបារម្ភស្ថានការណ៍ព្រំដែនកម្ពុជា-ថៃ និងអំពាវនាវឱ្យគោរពសេចក្ដីប្រកាសរួម
-
ព័ត៌មាន2 days agoក្រសួងសាធារណការ ជូនដំណឹង ស្តីពីការធ្វើនាវាចរណ៍នៅតំបន់ការដ្ឋានសាងសង់ស្ពានឆ្លងកាត់ទន្លេមេគង្គ (ពីទីក្រុងរណបមេគង្គឃី ទៅកាន់ទីក្រុងរណបកោះនរា)