ព័ត៌មាន
សហជីព-កម្មករ ប្រកាសមិនចូលរួមសកម្មភាពណាមួយពីការញុះញង់របស់ក្រុមប្រឆាំងទៅកាន់រដ្ឋាភិបាលកម្ពុជា
ក្រុមសហជីព ក៏ដូចជាកម្មករ កម្មការិនីបម្រើការងារក្នុងវិស័យកាត់ដេរ បានប្រកាសជាគោលជំហរថា ពួកគាត់នឹងមិនចូលរួមសកម្មភាពណាមួយទេពីក្រុមប្រឆាំងជ្រុលនិយមមួយក្តាប់តូចនៅក្រៅប្រទេស ដែលបានកំពុងធ្វើសកម្មភាពអំពាវនាវ និងបំផុសបំផុល ញុះញង់ឲ្យប្រជាពលរដ្ឋធ្វើការបះបោរប្រឆាំងនឹងរាជរដ្ឋាភិបាល កម្ពុជា។
ជួបសម្ភាសន៍ជាមួយសហព័ន្ធសហជីពសម្លេងយុវជនខ្មែរកម្ពុជា និងកម្មករ កម្មការិនីរោងចក្រផលិតស្បែកជើង ហ្គោលដេន ប្រូស្ពើរ ស្ថិតនៅខណ្ឌកំបូល រាជធានីភ្នំពេញ ពួកគាត់បានឲ្យព័ត៌មាន ប៊ីធីវី ដឹងនៅព្រឹកថ្ងៃទី១៤ សីហា ឆ្នាំ២០២៤នេះថា មូលហេតុដែលមិនចូលរួមសកម្មភាពទាំងនេះ ដោយសារសព្វថ្ងៃកំពុងរស់នៅក្នុងភាពសម្បូរសប្បាយ និងសុខសន្តិភាពពេញលេញ ដោយមានការងារធ្វើជាប្រចាំ និងមានប្រាក់ចំណូលទៀងទាត់ដើម្បីផ្គត់ផ្គង់ក្នុងគ្រួសារ។
លោក សេង សុងលី អគ្គលេខាធិការរងសហព័ន្ធសហជីពសម្លេងយុវជនខ្មែរ បានលើកឡើងថា តំណាងក្រុមសហព័ន្ធសហជីព និងតំណាងក្រុមកម្មករនិយោជិតជាច្រើននាក់ គឺសូមធ្វើការប្រឆាំងដាច់ខាតនូវការលើកឡើងរបស់ពួកប្រឆាំង ដែលទាមទារឱ្យកងទ័ពប្រឆាំង នឹងរដ្ឋាភិបាល ក្នុងន័យបំផ្លិចបំផ្លាញសន្តិភាព ធ្វើឱ្យមានអស្ថិរភាពនៅក្នុងប្រទេស។
ស្របគ្នានេះ លោក គង់ ចាន់ថន ប្រធានសហជីពមូលដ្ឋានក្នុងរោងចក្រស្បែកជើង ហ្គោដេន ប្រូស្ពើរ បានអះអាងថា នៅតែគាំទ្រ ស្មោះត្រង់ចំពោះគណបក្សប្រជាជនកម្ពុជា ដែលមាន សម្តេចតេជោ ហ៊ុន សែន ជាប្រធានគណបក្ស និងគាំទ្រយ៉ាងពេញទំហឹងចំពោះរាជរដ្ឋាភិបាលកម្ពុជា ដឹកនាំដោយសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។
ជាមួយគ្នានេះដែរ ក្រុមកម្មកររោងចក្រ ហ្គោលដេន ប្រូស្ពើរខាងលើនេះ បានអំពាវនាវដល់ប្រជាពលរដ្ឋដទៃផ្សេងទៀត ក៏ដូចជាកម្មករនិយោជិតក្នុងវិស័យដូចគ្នា ចូលរួមការពារឱ្យខានតែបាននូវសន្តិភាព ស្ថិរភាពជាតិ និងសណ្តាប់ធ្នាប់សាធារណៈ ទោះស្ថិតក្នុងតម្លៃណាក៏ដោយ ព្រោះថា ការញុះញង់ប៉ុនប៉ងបង្កចលាចលផ្តួលរំលំរាជរដ្ឋាភិបាល គឺជាអំពើល្មើសច្បាប់៕ អត្ថបទ ឈិត បូរ៉ាវី



-
ព័ត៌មាន1 week agoរាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន
-
ព័ត៌មាន2 days agoកម្ពុជាទទួលធ្វើជាម្ចាស់ផ្ទះរៀបចំកិច្ចប្រជុំពហុភាគីមេបញ្ជាការកងទ័ពជើងគោកអាស៊ាន (ACAMM) និងកិច្ចប្រជុំប្រចាំឆ្នាំនាយទាហានរងជាន់ខ្ពស់កងទ័ពជើងគោកអាស៊ាន (ASMAM) ឆ្នាំ២០២៧ ជាលើកដំបូង
-
ព័ត៌មាន2 days agoជប៉ុនសន្យាបន្តកិច្ចសហប្រតិបត្តិការហិរញ្ញប្បទាន ស្របតាមវិស័យអាទិភាព និងយុទ្ធសាស្ត្ររបស់កម្ពុជា
-
ព័ត៌មាន1 week agoអ្នកសម្របសម្រួល (L.O) គណៈប្រតិភូ ហ្វ្រង់កូហ្វូនី ពេញចិត្តចំពោះការងារ ដោយនឹងព្យាយាមធ្វើឱ្យបានល្អដើម្បីមុខមាត់កម្ពុជា
-
ព័ត៌មាន2 days agoជប៉ុនប្តេជ្ញាចិត្តបន្តពង្រឹង និងពង្រីកកិច្ចសហប្រតិបត្តិការជាមួយ CMAC តាមរយៈការគាំទ្រការងារសកម្មភាពមីន
-
ព័ត៌មាន2 days agoជប៉ុនផ្តល់ជំនួយសម្រាប់ការសាងសង់អគារបណ្តុះបណ្តាលវិជ្ជាជីវៈ និងការតម្លើងឧបករណ៍ នៅវិទ្យាស្ថានជាតិវិជ្ជាជីវៈបាត់ដំបង
-
ព័ត៌មាន2 days agoហ្វ្រង់កូហ្វូនី លើកឡើងពីក្តីបារម្ភស្ថានការណ៍ព្រំដែនកម្ពុជា-ថៃ និងអំពាវនាវឱ្យគោរពសេចក្ដីប្រកាសរួម
-
ព័ត៌មាន2 days agoក្រសួងសាធារណការ ជូនដំណឹង ស្តីពីការធ្វើនាវាចរណ៍នៅតំបន់ការដ្ឋានសាងសង់ស្ពានឆ្លងកាត់ទន្លេមេគង្គ (ពីទីក្រុងរណបមេគង្គឃី ទៅកាន់ទីក្រុងរណបកោះនរា)