គណៈមេធាវីបន្តចុះផ្សព្វផ្សាយវិជ្ជាជីវៈមេធាវី និងច្បាប់ជាមូលដ្ឋានក្នុងវិស័យព្រហ្មទណ្ឌ និងរដ្ឋប្បវេណី

ឯកឧត្តម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានចាត់លោកមេធាវី សាំង វណ្ណៈ សមាជិកក្រុមប្រឹក្សាគណៈមេធាវី ចូលរួមជាគណៈអធិបតីជាមួយនឹងឯកឧត្តម​ ហេង​ សុថា​ អភិបាលរងនៃគណៈអភិបាលខេត្ត​ក្រចេះ តំណាងដ៏ខ្ពង់ខ្ពស់ឯកឧត្តម​ វ៉ា​ ថន​ អភិបាល​នៃ​គណៈអភិបាលខេត្តក្រចេះ​ ក្នុងវគ្គបណ្តុះបណ្តាលស្តីពី ការផ្សព្វផ្សាយអំពីវិជ្ជាជីវៈមេធាវី និង ច្បាប់​ជាមូលដ្ឋានក្នុងវិស័យព្រហ្មទណ្ឌ និងរដ្ឋប្បវេណី នៃគម្រោងមេធាវីដល់មូលដ្ឋាន នៅសាល​មហោស្រព​នៃ​ខេត្តក្រចេះ។

នៅថ្ងៃទី១៤ ខែសីហា ឆ្នាំ២០២៤ ឯកឧត្តម លី ច័ន្ទតុលា ប្រធានគណៈមេធាវី​នៃ​ព្រះរាជា​ណា​ចក្រ​កម្ពុជា បានចាត់លោកមេធាវី សាំង វណ្ណៈ សមាជិកក្រុមប្រឹក្សាគណៈមេធាវី ចូលរួមជា​គណៈអធិបតី​ជាមួយនឹងឯកឧត្តម​ ហេង​ សុថា​ អភិបាលរងនៃគណៈអភិបាលខេត្ត​ក្រចេះ តំណាង​ដ៏ខ្ពង់ខ្ពស់ឯកឧត្តម​ វ៉ា​ ថន​ អភិបាល​នៃគណៈអភិបាលខេត្តក្រចេះ​ ក្នុងវគ្គ​បណ្តុះ​បណ្តាល​ស្តីពី ការផ្សព្វផ្សាយអំពីវិជ្ជាជីវៈមេធាវី និង ច្បាប់ជាមូលដ្ឋានក្នុងវិស័យព្រហ្មទណ្ឌ និងរដ្ឋប្បវេណី នៃគម្រោងមេធាវីដល់មូលដ្ឋាន នៅសាលមហោស្រពនៃខេត្តក្រចេះ ។ ដោយ​មាន​ការ​អញ្ជើញ​ចូល​រួម​ដោយ អភិបាលរងនៃគណៈអភិបាលខេត្តក្រចះ នាយិការងរដ្ឋបាល នាយិកាទីចាត់ការ​ នាយក​ទី​ចាត់​ការរដ្ឋបាល​ នាយករងទីចាត់ការអន្តរវិស័យ​ ប្រធានអង្គភាពច្រកចេញចូលតែមួយ​ ប្រធាន​អង្គភាពលទ្ធកម្ម​ ប្រធាន និងអនុប្រធានមន្ទីរពាក់ព័ន្ធ​ ប្រធាន​ និងអនុប្រធានការិយាល័យ​ ប្រធាន​មជ្ឈ​មណ្ឌល​អភិវឌ្ឍន៍ស្រ្តី​ អធិការ អធិការង​ នាយផ្នែក​ នាយរងផ្នែក​ នាយប៉ុស្តិ៍ នាយរងបុស្តិ៍ មេ​បញ្ជាការ មេបញ្ជាការមូលដ្ឋានកងរាជអាវុធហត្ថក្រុង ក្រុមប្រឹក្សាក្រុង​ ចៅសង្កាត់ សមាជិក​ក្រុម​ប្រឹក្សា​សង្កាត់ មេភូមិ អនុភូមិ សមាជិកភូមិ និងប្រជាការពារប្រមាណ១៩៨នាក់។

ឯកឧត្តម​ ហេង​ សុថា​ អភិបាលរងនៃគណៈអភិបាលខេត្ត​ក្រចេះ បានកម្មវិធីនេះ​ ពិត​ជា​មាន​សារៈ​សំខាន់​ណាស់​ដល់មន្រ្តីដែលជាអ្នកអនុវត្តច្បាប់។ ជាពិសេសគឺការ​ផ្សព្វ​ផ្សាយ​អំពី​សេវា​មេធាវី​ការពារ​ក្តី​ជូន​ជនក្រីក្រដោយមិនគិតកម្រៃ ។ ឯកឧត្តម បានសំណូមពរឱ្យ​សមាជិក​ដែល​ចូលរួម​ទាំង​អស់ យកចិត្តទុកដាក់ស្តាប់ការធ្វើបទបង្ហាញរបស់ក្រុមគ្រូបង្គោលរបស់គណៈមេធាវី ដើម្បី​ជា​ប្រយោជន៍ក្នុងការយកទៅអនុវត្តនៅក្នុងកិច្ចការងាររបស់ខ្លួន។

ក្នុង​ឱកាសនេះ លោកមេធាវី សាំង វណ្ណៈ សមាជិកក្រុមប្រឹក្សាគណៈមេធាវី តំណាងរបស់ ឯកឧត្តម​ប្រធានគណៈមេធាវី បានលេីកឡេីងថា​ គម្រោងមេធាវីដល់មូលដ្ឋាន​ មាន​គោលដៅ​ចំនួន ៤ចំណុច សំខាន់ៗ ទី១. ផ្សព្វផ្សាយអំពីវិជ្ជាជីវៈមេធាវី

ទី២. ផ្សព្វផ្សាយ និងពង្រឹងសេវាការពារក្តីជូនជនក្រីក្រដោយមិនយកកម្រៃ ទី៣. ផ្សព្វផ្សាយអំពីសេវាពិគ្រោះយោបល់ដោយមិនគិតកម្រៃជូនប្រជាពលរដ្ឋ​ និងទី៤. បណ្តុះបណ្តាលអំពីច្បាប់ជាមូលដ្ឋានក្នុងវិស័យព្រហ្មទណ្ឌ និងវិស័យរដ្ឋប្បវេណី។

សូមបញ្ជាក់ថា​ ការផ្សព្វផ្សាយផ្ទាល់ជាមួយនឹងមន្រ្តីអាជ្ញាធរមូលដ្ឋាន ដែលជាថ្នាក់ដឹកនាំ នៅក្នុងកម្រិត ក្រុង ស្រុក ខណ្ឌ ក៏ដូចជាកម្រិត ឃុំសង្កាត់ និងភូមិនេះ ពួកគាត់នឹងបានដឹងអំពីសេវាកម្មរបស់គណៈមេធាវី ក៏ដូចជាកិច្ចការងារ ដែលគណៈមេធាវីបានធ្វើកន្លងមក ជាប្រយោជន៍របស់ប្រជាពលរដ្ឋ និងសង្គមជាតិ ជាពិសេសគឺជាការចូលរួមចំណែកក្នុងការអនុវត្ត យុទ្ធសាស្រ្ដបញ្ចកោណ ដំណាក់កាលទី១ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា៕