ព័ត៌មាន
សភាពាណិជ្ជកម្មកម្ពុជាថ្កោលទោសក្រុមប្រឆាំង ញុះញង់ បង្កប៉ះពាល់សេដ្ឋកិច្ច៤ខេត្តតំបន់ CLV DTA
អគ្គលេខាធិការសភាពាណិជ្ជកម្មកម្ពុជា បានអះអាងថា បច្ចុប្បន្នការវិនិយោគ ក្នុងក្របខណ្ឌកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា ឡាវ វៀតណាម CLV DTA គឺសភាពាណិជ្ជកម្មកម្ពុជា បាននាំបណ្តាអ្នកវិនិយោគទុនជាតិ និងអន្តរជាតិច្រើនទៅវិនិយោគ ជំរុញកំណើនសេដ្ឋកិច្ចទៅកាន់តំបន់៤ខេត្តរបស់កម្ពុជាហើយសភាពាណិជ្ជអំពាវនាវក្រុមប្រឆាំងបញ្ឈប់ការញុះញង់គ្រប់ទម្រង់ធ្វើឲ្យប៉ះសេដ្ឋកិច្ចតំបន់នោះ។
ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា ថ្លែងប្រាប់ BTV នៅថ្ងៃទី១៤ ខែសីហានេះថា នៅថ្ងៃនេះ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានទទួលជួបអង្គការពាណិជ្ជក្រៅប្រទេសរបស់ប្រទេសជប៉ុន ប្រចាំនៅកម្ពុជា ពិភាក្សាផ្តោតបង្កើនការវិនិយោគទៅកាន់ខេត្តទាំងបួនរបស់ប្រទេសកម្ពុជា រួមមានខេត្តរតនគិរី មណ្ឌលគិរី ក្រចេះ និងខេត្តស្ទឹងត្រែង ក្នុងតំបន់ត្រីកោណ CLV DTA ខណៈបច្ចុប្បន្ន មានក្រុមហ៊ុនខ្មែរជាច្រើនសហការជាមួយក្រុមហ៊ុនដៃគូអន្តរជាតិ បាននិងកំពុងធ្វើការវិនិយោគបង្កើតរោងចក្រ កសិឧស្សាហកម្ម សណ្ឋាគារ និងទេសចរណ៍ជាដើម និងបានបង្កើតឱកាសការងារច្រើនដល់ពលរដ្ឋខែ្មរក្នុងតំបន់នោះ។
ឧកញ៉ាបានថ្លែងមិនពេញចិត្តចំពោះក្រុមប្រឆាំងដែលធ្វើការញុះញង់រឿងរ៉ាវ CLV ដែលនាំឲ្យប៉ះពាល់ដល់ការអភិវឌ្ឍសេដ្ឋកិច្ច ពាណិជ្ជកម្ម ការវិនិយោគរបស់កូនខ្មែរនានានៅក្នុងតំបន់ត្រីកោណ CLV នេះ។
ឧកញ៉ា គួច ផេង អនុប្រធាន សភាពាណិជ្ជកម្មកម្ពុជា លើកឡើងដែរថា ដំណើរកិច្ចសហប្រតិបត្តិការតំបន់ត្រីកោណអភិវឌ្ឍន៍ CLV នេះបានទាក់ទាញវិនិយោគពីបណ្តាប្រទេសជាច្រើន សហការជាមួយក្រុមហ៊ុនកូនខ្មែរផ្តោតការវិនិយោគនៅតាមបណ្តាខេត្តជាប់ព្រំដែនកម្ពុជា ជាពិសេសខេត្តទាំងបួនរបស់កម្ពុជា នៅក្នុងតំបន់ CLV DTA ហើយសភាពាណិជ្ជកម្មកម្ពុជា សូមថ្កោលទោស ក្រុមជ្រុលនិយម ដែលបង្កការញុះញុង ធ្វើប៉ះពាលការអភិវឌ្ឍសេដ្ឋកិច្ចតំបន់ទាំងបួនខេត្តនោះ។
បើតាមលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានឲ្យដឹងថា នៅក្នុងរយៈពេល៧ ខែដើមឆ្នាំ២០២៤នេះ ទំហំពាណិជ្ជកម្មកម្ពុជា ឡាវ មានកំណើន១០% ហើយការនាំចេញរបស់កម្ពុជា ទៅកាន់ប្រទេសឡាវ កើនឡើង២៧២% ធៀបរយៈពេលដូចគ្នា ២០២៣ ហើយទំហំពាណិជ្ជកម្ម កម្ពុជា វៀតណាមវិញ ក៏មានការកើនឡើងប្រមាណ២៤%ផងដែរ ក្នុងនោះ កំណើននាំចេញពីកម្ពុជាទៅវៀតណាមកើនឡើងប្រមាណ៤៨% ប្រៀបធៀបរយៈពេលដូចគ្នា ឆ្នាំ២០២៣៕ អត្ថបទ ស៊ុម សុខជា
-
ព័ត៌មាន5 days agoឯកឧត្តម ហ៊ុន ម៉ានី គាំទ្រចំពោះចំណាត់ការម៉ឺងម៉ាត់របស់រដ្ឋាភិបាលលើដំណោះស្រាយបញ្ហាព្រំដែនកម្ពុជា ថៃ
-
ព័ត៌មាន3 days agoTOP STORY សម្ដេចតេជោ ហ៊ុន សែន ប្រកាសយកដី២ហិកតាតម្លៃជាង១០លានដុល្លារ នៅជ្រោយចង្វារ ដើម្បីសាងសង់អន្តេវាសិកដ្ឋានសម្រាប់និស្សិតជាស្ត្រី
-
ព័ត៌មាន5 days agoសម្តេចធិបតី អំពាវនាវខ្មែរគ្រប់និន្នាការបញ្ឈប់សកម្មភាពធ្វើឱ្យប៉ះពាល់ដល់ទឹកចិត្តកងទ័ពហើយបន្តឧបត្ថម្ភគាំទ្រដែលជាស្មារតីសាមគ្គីជាតិ
-
ព័ត៌មាន1 day agoព្រះមហាក្សត្រ និងសម្តេចម៉ែ ប្រោសព្រះរាជទានលោកជំទាវបណ្ឌិត ពេជ ចន្ទមុន្នី ចូលក្រាបថ្វាយបង្គំគាល់ ថ្វាយព្រះរាជសព្ទសាធុការពរជ័យ និងទូលថ្វាយរបាយការណ៍
-
ព័ត៌មាន5 days agoសម្តេចតេជោ បង្ហាញការឈឺចាប់ ក្រោយទាហានថៃ លួចបាញ់ទាហានខ្មែរស្លាប់ នៅតំបន់មុំបី
-
ព័ត៌មាន7 days agoអង្គភាពផ្តល់សេវាសាធារណៈគំរូក្នុងវិស័យសុខាភិបាលឆ្នាំ២០២៤ បានធ្វើទស្សនកិច្ចសិក្សានៅប្រទេសចិន
-
ព័ត៌មាន5 days agoសម្ដេចធិបតី បញ្ជាឱ្យគណៈកម្មការព្រំដែនចម្រុះកម្ពុជាត្រៀមដាក់បញ្ចូលបញ្ហាប្រាសាទតាមាន់ធំ, តាមាន់តូច, តាក្របី និងតំបន់មុំបីទៅតុលាការយុត្តិធម៌អន្តរជាតិ (ICJ)
-
ព័ត៌មាន5 days agoសមាជរដ្ឋសភានិងព្រឹទ្ធសភា គាំទ្រទាំងស្រុងលើយន្តការដោះស្រាយបញ្ហាព្រំដែនរបស់ សម្តេចធិបតី ហ៊ុន ម៉ាណែត ដោយសន្តិវិធី និងតាមផ្លូវច្បាប់អន្តរជាតិ