ព័ត៌មាន
រដ្ឋមន្ត្រីក្រសួងបរិស្ថាន អញ្ជើញបើកយុទ្ធនាការរួមគ្នាដាំដើមឈើក្រោមប្រធានបទ «បណ្តុះផ្នត់គំនិត ពន្លកបៃតង»
ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន បានអញ្ជើញបើកយុទ្ធនាការដាំកូនឈើរួមគ្នាក្នុងពេលតែមួយ នៅទូទាំងខេត្តត្បូងឃ្មុំ ក្រោមប្រធានបទ «បណ្តុះផ្នត់គំនិត ពន្លកបៃតង»។
ពិធីនេះត្រូវបានធ្វើឡើងនៅវិទ្យាល័យ ហេង សំរិន ចក នៅក្នុងឃុំចក ស្រុកអូរាំងឪ ខេត្តត្បូងឃ្មុំ នាព្រឹកថ្ងៃទី១៧ ខែសីហា ឆ្នាំ២០២៤ ដោយមានការអអញ្ជើញចូលរួមពីក្រុម ការងាររាជរដ្ឋាភិបាល ក្រុមការងារបក្ស អាជ្ញាធរដែនដី ប្រជាពលរដ្ឋ លោកគ្រូអ្នកគ្រូ និងសិស្សានុសិស្ស ទាំងប្រាំពីរស្រុក-ក្រុង នៅខេត្តត្បូងឃ្មុំ។
ឯកឧត្តមបណ្ឌិត អ៊ាង សុផល្លែត ថ្លែងបញ្ជាក់ថា ពិធី «បណ្ដុះផ្នត់គំនិត ពន្លកបៃតង ដែលថ្នាក់ដឹកនាំគ្រប់លំដាប់ថ្នាក់ កងកម្លាំងប្រដាប់អាវុធគ្រប់ប្រភេទ ព្រះ សង្ឃ យុវជនកម្ពុជា និងក្រុមគ្រួសារបរិស្ថានទាំងអស់ បានរួមគ្នាដាំកូនឈើក្នុងពេលតែមួយទូទាំងខេត្តត្បូងឃ្មុំ នៅពេលនេះ គឺការប្តេជ្ញាចិត្ត ឬបេះដូងអ្នកបរិស្ថាន រួមគ្នាអនុវត្តន៍គោលនយោ បាយរបស់រាជរដ្ឋាភិបាល ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ចំពោះជាតិ មាតុភូមិ ការពារសន្តិភាព ការពារសម្បត្តិធម្មជាតិ។
ថ្លែងក្នុងឱកាសនោះដែរឯកឧត្តមបណ្ឌិត អ៊ាង សុផល្លែត មានប្រសាសន៍ថា ព្រះរាជាណាចក្រកម្ពុជាយើងកំពុងរួមគ្នា សាមគ្គីគ្នាដាំដើមឈើ ធ្វើយ៉ាងណាឲ្យកម្ពុជា ជាប្រទេសអព្យាក្រឹតកាបូន និងធ្វើឲ្យគម្របព្រៃឈើកើនឡើងដល់ ៦០% នៅត្រឹមឆ្នាំ២០៥០។ ប្រទេសកម្ពុជា ត្រូវបានចាត់ទុកថា គឺជាសួតសម្រាប់ដកដង្ហើមនៅអាស៊ីអាគ្នេយ៍ ដូច្នេះមានតែការដាំ និងពង្រីកការដាំដុះព្រៃឈើមានសារៈសំខាន់ ក្នុងការលក់ឥណទានកាបូន ហើយការដាំកូនឈើ គឺស្របនឹងយុទ្ធសាស្រ្តចក្រា វិស័យបរិស្ថានក្នុងរយៈពេល ១ឆ្នាំ របស់អាណត្តិរបស់រាជរដ្ឋាភិបាល នីតិកាលទី៧ ដែលគឺការផ្តួចផ្តើមឱ្យមានការវិនិយោគបៃតងគិតគូរដល់ប្រយោជន៍របស់សហគមន៍។
គួរជម្រាបថា ក្រសួងបរិស្ថានបានផ្តល់កូនឈើចំនួន ១៧៤០០ ដើម ដល់រដ្ឋបាលខេត្តត្បូងឃ្មុំ បន្ថែមពីការផ្តល់ជូនក្នុងយុទ្ធនាការការ«ពន្លកបៃតង» ដែលបានអនុវត្តកាលពីថ្ងៃទី១០ ដល់ថ្ងៃទី១២ ខែកក្កដា ឆ្នាំ ២០២៤ នៅមុខទីស្តីការក្រសួងបរិស្ថាន និងពីថ្ងៃទី១០ ដល់ថ្ងៃទី១៦ ខែកក្កដា ឆ្នាំ២០២៤ នៅតាមមន្ទីរបរិស្ថានរាជធានី-ខេត្តនានា ដែលទទួលបានសាទរ និងកោតសរសើរពីថ្នាក់ដឹកនាំកំពូល រហូតដល់ប្រជាពល រដ្ឋ ដែលបានបណ្តុះគំនិតពន្លកបៃតងនៅកម្ពុជា។
ឯកឧត្ដម ប៉ែន កុសល្យ អភិបាលខេត្ដត្បូងឃ្មុំ បានថ្លែងថា ក្រសួងបរិស្ថានបានដើរតួយ៉ាងសំខាន់ ក្នុងការបណ្តុះគំនិតបញ្ជ្រាបឥរិយាបថស្រលាញ់បរិស្ថានស្អាត ស្រលាញ់ដើមឈើបៃតង គាំទ្រដល់សកម្មភាពអនុវត្ត លើកស្ទួយការស្រលាញ់ថែរក្សាធនធាន នៅកម្ពុជា ជាពិសេសបានផ្តល់ជូនកូនឈើចំនួន ១៧,៤០០ ដើម ជូនមករដ្ឋបាលខេត្តត្បូងឃ្មុំ ដើម្បីរៀបចំយុទ្ធនាការដាំកូនឈើ ក្រោមប្រធានបទ “បណ្តុះគំនិត ពន្លកបៃតង”។
ឯកឧត្តមអភិបាលខេត្តបន្តថា យុទ្ធនាការដាំកូនឈើ ក្រោមប្រធានបទ “បណ្តុះគំនិត ពន្លកបៃតង” គឺជាយន្តការមួយដ៏មានសារៈសំខាន់ ដើម្បីរួមចំណែកគាំទ្រយុទ្ធសាស្រ្តចក្រាវិស័យបរិស្ថាន។ ក្នុងនោះយុទ្ធសាស្ត្រទី២ “ភាពបៃតង” ផ្តោតលើអាទិភាពចំនួន៣គឺ ជំរុញការដាំដុះកូនឈើ ដើម្បីបង្កើនគម្របបៃតង ក្នុងនោះមានយុទ្ធនាការ “ពន្លកបៃតង” ចែកជូនកូនឈើជូនប្រជាពលរដ្ឋយកទៅដាំយ៉ាងតិច១លានដើមក្នុង១ឆ្នាំ ជំរុញលើការការពារ និងអភិរក្សជីវចម្រុះ ការអនុវត្តច្បាប់ ១០០% ចំពោះបទល្មើសធនធានធម្មជាតិ ព្រមទាំងកិច្ចសហការនានាជាមួយអ្នកពាក់ព័ន្ធ ដើម្បីពង្រឹងការគ្រប់គ្រងធនធានធម្មជាតិ និងលើកទឹកចិត្តដល់ប្រជាពលរដ្ឋកម្ពុជាឱ្យដាំដើមឈើឱ្យបានច្រើន ចូលរួមអភិរក្សជីវៈចម្រុះ និងបានបង្កើនជីវភាពតាមរយៈទេសចរណ៍ លំហែបៃតងនៅតាមតំបន់ការពារធម្មជាតិ។
គួរបញ្ជាក់ដែរថា ក្រសួងបរិស្ថាន កាលពីខែតុលា ២០២៣កន្លងទៅ បានដាក់ចេញយុទ្ធនាការដាំដើមឈើយ៉ាងតិចឲ្យបាន១លានដើម ដើម្បីបង្កើនគម្របព្រៃឈើឲ្យបាន៦០ភាគរយ។ គិតត្រឹមខែសីហានេះ ក្រសួង បរិស្ថាន បានផ្តល់កូនឈើ បានលើស១,៣ លានដើម ដល់ អាជ្ញាធររាជធានី-ខេត្ត និងប្រជាពលរដ្ឋ ដើម្បីយកទៅដាំដុះ៕









-
ព័ត៌មាន1 week agoរាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន
-
ព័ត៌មាន2 days agoកម្ពុជាទទួលធ្វើជាម្ចាស់ផ្ទះរៀបចំកិច្ចប្រជុំពហុភាគីមេបញ្ជាការកងទ័ពជើងគោកអាស៊ាន (ACAMM) និងកិច្ចប្រជុំប្រចាំឆ្នាំនាយទាហានរងជាន់ខ្ពស់កងទ័ពជើងគោកអាស៊ាន (ASMAM) ឆ្នាំ២០២៧ ជាលើកដំបូង
-
ព័ត៌មាន2 days agoជប៉ុនសន្យាបន្តកិច្ចសហប្រតិបត្តិការហិរញ្ញប្បទាន ស្របតាមវិស័យអាទិភាព និងយុទ្ធសាស្ត្ររបស់កម្ពុជា
-
ព័ត៌មាន1 week agoអ្នកសម្របសម្រួល (L.O) គណៈប្រតិភូ ហ្វ្រង់កូហ្វូនី ពេញចិត្តចំពោះការងារ ដោយនឹងព្យាយាមធ្វើឱ្យបានល្អដើម្បីមុខមាត់កម្ពុជា
-
ព័ត៌មាន2 days agoជប៉ុនប្តេជ្ញាចិត្តបន្តពង្រឹង និងពង្រីកកិច្ចសហប្រតិបត្តិការជាមួយ CMAC តាមរយៈការគាំទ្រការងារសកម្មភាពមីន
-
ព័ត៌មាន2 days agoជប៉ុនផ្តល់ជំនួយសម្រាប់ការសាងសង់អគារបណ្តុះបណ្តាលវិជ្ជាជីវៈ និងការតម្លើងឧបករណ៍ នៅវិទ្យាស្ថានជាតិវិជ្ជាជីវៈបាត់ដំបង
-
ព័ត៌មាន2 days agoហ្វ្រង់កូហ្វូនី លើកឡើងពីក្តីបារម្ភស្ថានការណ៍ព្រំដែនកម្ពុជា-ថៃ និងអំពាវនាវឱ្យគោរពសេចក្ដីប្រកាសរួម
-
ព័ត៌មាន2 days agoក្រសួងសាធារណការ ជូនដំណឹង ស្តីពីការធ្វើនាវាចរណ៍នៅតំបន់ការដ្ឋានសាងសង់ស្ពានឆ្លងកាត់ទន្លេមេគង្គ (ពីទីក្រុងរណបមេគង្គឃី ទៅកាន់ទីក្រុងរណបកោះនរា)