វិទ្យាស្ថានខ្មែរជំនាន់ថ្មី ចុះអនុស្សរណៈ នៃការយោគយល់ (MOU) ជាមួយអង្គការអភិវឌ្ឍន៍ទស្សនៈកម្ពុជា និងក្រុមហ៊ុនកូជីងហ្គេត ថេកណូឡូជី ឯ.ក

នៅព្រឹកថ្ងៃទី១៧ ខែសីហានេះ នៅវិទ្យាស្ថានខ្មែរជំនាន់ថ្មី មានរៀបចំពិធីចុះហត្ថលេខាលើអនុស្សរណៈ នៃការយោគយល់គ្នា(MOU) រវាងវិទ្យាស្ថានខ្មែរជំនាន់ថ្មី អង្គការអភិវឌ្ឍន៍ទស្សនៈកម្ពុជា និងក្រុមហ៊ុនកូជីងហ្គេត ថេកណូឡូជី ឯ.ក ក្រោមវត្តមានឯកឧត្តមបណ្ឌិត ណុប នរិន្ទ នាយកវិទ្យាស្ថានខ្មែរជំនាន់ថ្មី។

អនុស្សរណៈនៃការយោគយល់នេះ មានគោលបំណងដូចខាងក្រោម៖

១-សហការគ្នាដោយឈរលើស្មារតីភាពជាដៃគូ ដើម្បីផលប្រយោជន៍រួម

២-ស្វែងរកគម្រោងអភិវឌ្ឍន៍នានាដែលផ្ដល់ផលប្រយោជន៍រួម

៣-បំពេញឱ្យគ្នានូវរាល់តម្រូវការចាំបាច់តាមលទ្ធភាព

៤-រក្សាផលប្រយោជន៍ជូនគ្នាដោយភាពស្មោះត្រង់

5-រក្សាតម្លៃ កិត្ដិយស កេរ្ដិ៍ឈ្មោះ ផ្លូវច្បាប់ ឱ្យគ្នាទៅវិញទៅមក

6-រួមគ្នាធ្វើសកម្មភាពសង្គម មនុស្សធម៌ សាសនា ជាប្រយោជន៍ដល់ប្រទេសជាតិ។

ឆ្លៀតក្នុងឱកាសនោះនោះដែរ គណៈគ្រប់គ្រងបុគ្គលិករបស់​​សមាគមគ្រឹះស្ថានឧត្ដមសិក្សាបច្ចេកទេស និងបណ្ដុះ បណ្ដាលវិជ្ជាជីវៈឯកជន និងក្រុមយុវជន និស្សិតនៃវិទ្យាស្ថានខ្មែរជំនាន់ថ្មី បានប្ដេជ្ញាគោរព និងចូលរួមគាំទ្ររាជរដ្ឋាភិបាលស្របច្បាប់ ដែលដឹកនាំដោយសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងសូម​គាំទ្រយ៉ាងពេញទំហឹងលេីកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា ឡាវ វៀតណាម CLV-DTA ដែលនាំមកនូវការរីកចម្រើននៅតំបន់ព្រំដែនកម្ពុជា។