កីឡា
ឈឿន ឆៃដែន ឈ្នះអាវុធ ឡេក ខណៈ រិទ្ធ ភូលូ ចាញ់ ក្វាន់ចៃ ដោយពិន្ទុ
ឈឿន ឆៃដែន ជាអ្នកប្រដាល់ជើងខ្លាំងជើងចាស់ គេស្រុតធ្លាក់ដោយសារឈឺជង្គង់ ប៉ុន្តែ…
អ្នកប្រដាល់ជើងចាស់ឈឿន ឆៃដែន ក្លិបនិរោធមានជ័យ បានប្រកួតឈ្នះអ្នកប្រដាល់ថៃ អាវុធឡេក (Awuthlek) ហើយរិទ្ធ ភូលូ អ្នកប្រដាល់ក្លិបអាណាចក្រគុនខ្មែរ ចាញ់អ្នកប្រដាល់ថៃក្វាន់ចៃ ស៊ីត អ. នៅក្នុងការជួបប្រកួតគ្នាលើសង្វៀនបាយ័នស្ទឹងមានជ័យ កាលពីយប់ថ្ងៃទី០៧ ខែមីនា ឆ្នាំ២០២០។
ឈឿន ឆៃដែន ក្រោយពីព្យាបាលជង្គង់ជាហើយនោះ គេវាយខ្លាំងដូចពីមុនអីចឹង។ នៅក្នុងការប្រកួតជាមួយអ្នកប្រដាល់ថៃជើងចាស់ ដែលមានកាយសម្បទារឹងមាំ និងវាយខ្លាំងនោះ ឆៃដែន គេគ្មានខ្លាចញញើតបន្តិចណាទេ គឺគេសម្រុកចូលវាយ ទាត់ និងកែងជង្គង់ទៅលើ អាវុធ ឡេក ដែលធ្វើអ្នកប្រដាល់ថៃជើងចាស់រូបនេះ មានឱកាសតិចតួចបំផុតក្នុងការវាយតដៃនោះ។
អាវុធ ឡេក ជាអ្នកប្រដាល់ថៃ ធ្លាប់មកប្រកួតនៅស្រុកខ្មែរពីរបីដងហើយកន្លងមក។ អ្នកប្រដាល់ថៃរូបនេះ គេធ្លាប់ប្រកួតស្មើជាមួយឡុង សុវណ្ណឌឿន អ្នកប្រដាល់ក្លិបសាលវ័ន្តកីឡា។ អ្នកប្រដាល់ថៃនេះ មានកំណត់ត្រាប្រកួតចំនួន៩៩លើក ឈ្នះ៧៨លើក ចាញ់២០លើក ស្មើ០១លើក។
ឈឿន ឆៃដែន ជាអ្នកប្រដាល់ជើងខ្លាំងជើងចាស់ គេស្រុតធ្លាក់ដោយសារឈឺជង្គង់ ប៉ុន្តែក្រោយពេលព្យាបាលជាហើយនោះ ឆៃដែន វាយខ្លាំងដូចដើម។ ឈឿន ឆៃដែន មានប្រវត្តិប្រកួតចំនួន៧៧លើក វាយឈ្នះ៥៤លើក ចាញ់១៨លើក និងស្មើ០៥លើក។
ចំណែក រិទ្ធ ភូលូ អ្នកប្រដាល់ជើងខ្លាំងស្រករក្រោយកម្ពុជា ក្លិបអាណាចក្រគុនខ្មែរ ដែលត្រូវគេផ្គូផ្គងឲ្យជួបប្រកួតជាមួយអ្នកប្រដាល់ថៃក្វាន់ចៃ ស៊ីតអរ.(Kwanjai Site Or.)។
រិទ្ធ ភូលូ និង អ្នកប្រដាល់ថៃក្វាន់ចៃ ស៊ីតអរ. ប្រកួតគ្នាក្នុងទម្ងន់៦៧គីឡូក្រាម។ ពួកនៅក្នុងការប្រកួតគ្នា៥ទឹកពេញនោះ រិទ្ធ ភូលូ ចាញ់ប្រៀបឈ្នះ ក្វាន់ចៃ ដោយសារតែគេទាបជាង តែយ៉ាងណាភូលូ តស៊ូប្រកួតជាមួយក្វាន់ចៃរហូតដល់ចប់ទឹក និងចាញ់ត្រឹមពិន្ទុប៉ុណ្ណោះ។
ក្វាន់ចៃនេះ ជាជើងខ្លាំងនៅស្រុកថៃ ហើយគេធ្លាប់មកប្រកួតនៅកម្ពុជាច្រើនលើកហើយកន្លងមក។ អ្នកប្រដាល់ថៃរូបនេះ គេមានប្រវត្តិប្រកួត៧២លើក ខណៈ រិទ្ធ ភូលូ គេមានប្រវត្តិប្រកួត៨០លើក។
ចំណែកការប្រកួតរវាងអ្នកប្រដាល់រួមជាតិវិញ ភុន សោភ័ណ្ឌ អ្នកប្រដាល់ក្លិបនាគរាជមានជ័យ បានប្រកួតចាញ់ ធា នុរាជ អ្នកប្រដាល់ក្លិបមកុដរាជសីហ៍ក្នុងទឹកទី២។ ពីរនាក់នេះ ជួបគ្នាក្នុងប្រភេទទម្ងន់៦៥គីឡូក្រាម។
សោភ័ណ្ឌ ត្រូវមួយកែងរបស់ ធានុរាជ បណ្តាលឲ្យបែកធំ និងត្រូវអាជ្ញាកណ្ដាលរាប់៨។ នៅពេលបន្តការប្រកួតទៀត ដោយសារតែបែកធំហូរឈាមច្រើនពេកនោះ សោភ័ណ្ឌ បានបោះបង់ការប្រកួតនៅចុងទឹកទី២នោះ៕
-
ព័ត៌មាន1 week agoពុទ្ធិកសាកលវិទ្យាល័យព្រះសីហមុនីរាជា និងអង្គការ EBC កំពុងស្វែងរកកិច្ចសហការចូលរួមលើកកម្ពស់វិស័យឌីជីថល និងបង្កើតវីដេអូអប់រំ
-
ព័ត៌មាន1 week agoព្រឹទ្ធសភាឯកភាពទាំងស្រុងលើសេចក្តីព្រាងច្បាប់គ្រប់គ្រងរដ្ឋបាលឃុំ សង្កាត់ និងទទួលស្គាល់សមាជិកព្រឹទ្ធសភាថ្មី មណ្ឌលភូមិភាគទី៦
-
ព័ត៌មាន1 week agoរដ្ឋមន្ត្រីក្រសួងឧស្សាហកម្មលើកទឹកចិត្តម្ចាស់អាជីវកម្មពង្រឹងគុណភាព ជំនាញ និងគាំទ្រផលិតផលក្នុងស្រុក ដើម្បីរួមចំណែកអភិវឌ្ឍន៍សេដ្ឋកិច្ចកម្ពុជា
-
ព័ត៌មាន1 week agoក្រសួងសុខាភិបាល បើកសិក្ខាសាលាស្តីពី លទ្ធផលវាយតម្លៃប្រព័ន្ធរាយការណ៍ការចម្លងរោគ ក្នុងមូលដ្ឋានព្យាបាល និងថែទាំសុខភាព
-
ព័ត៌មាន1 week agoកងទ័ពកម្ពុជា និងអាមេរិកនឹងចាប់ផ្តើមធ្វើសមយុទ្ធ«ឆ្មាំអង្គរ»នៅខែកុម្ភៈ ឆ្នាំ២០២៧ខាងមុខនេះ
-
ព័ត៌មាន6 days agoឯកឧត្តម ហ៊ុន ម៉ានី៖ បាឋកថាជាស៊េរី ជាស្ពានផ្សារភ្ជាប់នូវគុណតម្លៃអន្តរជំនាន់ រវាងថ្នាក់ដឹកនាំជំនាន់មុន និងថ្នាក់ដឹកនាំជំនាន់ក្រោយ
-
ព័ត៌មាន1 week agoប្រធានក្រុមការងារទទួលបន្ទុកជួសជុល និងសាងសង់ឡើងវិញអគារសិក្សាដែលជាអំណោយរបស់សម្ដេចតេជោដឹកនាំក្រុមការងារចុះពិនិត្យ សិក្សា និងវាយតម្លៃស្ថានភាពអគារសិក្សានៅតាមសាលារៀនចំនួន ៩ ក្នុងឃុំរវៀង និងឃុំសំរោង ស្រុកសំរោង ខេត្តតាកែវ
-
ព័ត៌មាន1 week agoលេខាធិការដ្ឋានគ.ប.ឆ.ប. ៖ ថវិកាជាង ៣០០លានដុល្លារត្រូវបានបង្កក ខណៈសំណុំរឿងចំនួន ៤៤៦ ករណីស្ថិតក្នុងដៃតុលាការ ក្នុងយុទ្ធនាការជាតិបោសសម្អាតការឆបោកតាមប្រព័ន្ធបច្ចេកវិទ្យា