មហាព្រឹត្តិការណ៍ Ganzberg លើកស្ទួយគុនខ្មែរ នឹងទៅដល់ខេត្តព្រៃវែងចុងសប្តាហ៍នេះ!

ខេត្ត ព្រៃវែង ​ ៖ ពីក្រុមហ៊ុន GANZBERG នៅតែបន្តលើកស្ទួយវិស័យគុនខ្មែរ គឺជាមហាព្រឹត្តិការណ៍ដ៏សប្បាយរីករាយនិងគួរឱ្យចាប់អារម្មណ៍ប្រចាំឆ្នាំ Ganzberg Gold Medal Tour Kun Khmer Concert នឹងទៅដល់អ្នកខេត្តព្រៃវែង បរិវេណគល់ស្ពានអ្នកលឿងត្រើយខាងកើត ក្នុងបុរីមង្គលថ្មី ស្រុកពារាក៏។ ដូចសប្តាហ៍មុនៗ រយៈពេល២យប់ជាប់គ្នា Ganzberg នឹងរៀបចំកម្មវិធីប្រដាល់លំដាប់ប្រទេសដែលមានការចូលរួមពីកីឡាករខ្មែរល្បីៗ និងកីឡាករមកពីបណ្តាលប្រទេសជាច្រើនរូបទៀត។

ថ្ងៃទី០៦ ខែមិថុនា ២០២៦ ការប្រគុំតន្ត្រីខ្នាតធំដែលមានការចូលរួមពីសំណាក់តារាចម្រៀងល្បីៗ មានទឹកដមសំលេងច្រៀងពីរោះៗនិងកំពុងពេញនិយមក្នុងពេលបច្ចុប្បន្ន។ តារាចម្រៀងល្បីៗរួមមាន៖ កញ្ញា យូរី លោក Genzy លោក Toro លោក ចាដេត លោក Sambok និងលោក Vid Saint។

ចូរមកដល់រាត្រីថ្ងៃទី ០៧ ខែមិថុនា ឆ្នាំ២០២៦ គឺជាថ្ងៃនៃការប្រកួតប្រដាល់គុនខ្មែរ ដែលសុទ្ធសឹងតែជាកីឡាករល្បីៗលំដាប់ប្រទេសនិងអន្តរជាតិ។ សម្រាប់គូពិសេសក្នុងសប្តាហ៍នេះ គឺជាជំនួបរវាងកីឡាករ ខឿន សីហា vs កីឡាករ អ៊ុំ កំសត់ និង កីឡាករ ប៉ែនកាក់ សុជាតិ vs កីឡាករ ផាន់ សុផាត។ សម្រាប់គូអន្តរជាតិ ជំនួបកីឡាករ ឡៅ ចន្ទ្រា vs កីឡាករ ស៊ើបហ្សូដ កាមីឡូវ គូដណ្ដើមប្រាក់លានជាជំនួប កីឡាករ រិទ្ធ ម៉ាដា និង កីឡាករ រីគី សុខសំណាង ប្រកួតជាមួយ កីឡាករ ណាប៊ីល អែលរ៉ាជី និង កីឡាករ អាមៀរ ហ៊ូសេន អ៊ីប្រាហ៊ីម៉ី។

នៅចុងសប្តាហ៍នេះ តើកីឡាកររូបណានឹងក្លាយជាម្ចាស់ប្រាក់លាន? ចង់ជ្រាបកាន់តែច្បាស់ សូមរង់ចាំតាមដានទស្សនា ការផ្សាយផ្ទាល់ពេញរយៈពេលពីរថ្ងៃពេញ ចាប់ពីម៉ោង ៨:០០ យប់តទៅ តាមរយៈកញ្ចក់ទូរទស្សន៍ BTV News និងទំព័រហ្វេសប៊ុកផ្លូវការ Beer Ganzberg។

អត្ថបទដោយ៖ Ha Ti