ព័ត៌មាន
ព្រះសង្ឃវត្តបទុម នាំយកបបរជូនអ្នកជំងឺនៅពេទ្យគន្ធបុប្ផារៀងរាល់ព្រឹក
ព្រះសង្ឃ វត្តបទុមវតីរាជវរារាម ជារៀងរាល់ព្រឹកតែងនាំយកបបរ ទៅចែកជូនប្រជាពលរដ្ឋដែលមកសម្រាកថែទាំកូនចៅសម្រាកនៅមន្ទីរពេទ្យគន្ធបុប្ផា។ សកម្មភាពចែកទាននេះ កើតមានឡើងជារៀងរាល់ឆ្នាំ ចាប់ផ្ដើមពីថ្ងៃបិណ្ឌទី១ រហូតដល់ថ្ងៃបញ្ចប់នៃពិធីបុណ្យកាន់បិណ្ឌ និងភ្ជុំបិណ្ឌ។
សកម្មភាពព្រះសង្ឃ នាំយកបបរចែកជូនប្រជាពលរដ្ឋដែលនាំកូនមកសម្រាកព្យាបាលនៅមន្ទីរពេទ្យគន្ធបុប្ផា នេះកើតឡើងជារៀងរាល់ឆ្នាំ សម្រាប់កំឡុងពេលពិធីបុណ្យកាន់បិណ្ឌ និងភ្ជុំបិណ្ឌ។ ការចែកទានជាបបរនេះ គឺជារៀងរាល់ព្រឹក ក្រោយព្រះសង្ឃគង់នៅ វត្ត បទុមវតីរាជវរារាម ឆាន់ចង្ហាន់ពេលព្រឹករួចរាល់ ព្រះសង្ឃបាននិមន្តដើរដោយលើកបបរ ៣ឆ្នាំងធំៗ ទៅកាន់មន្ទីរពេទ្យគន្ធបុប្ផា ដែលមានទីតាំងក្បែរនឹងវត្ត។
ព្រះសង្ឃ ព្រះនាម ព្រីង ឆាង មានសង្ឃដីកា នេះជាការចែកទានដែល វត្តបទុមវតីរាជវរារាម បានធ្វើឡើងជារៀងរាល់ឆ្នាំ។ ការចែកទាននេះ ក៏ជាទឹកចិត្តជ្រះថ្លារបស់ម្ចាស់វេនប្រចាំថ្ងៃបិណ្ឌនីមួយៗផងដែរ។
សម្រាប់ប្រជាពលរដ្ឋជាអ្នកទទួលទាន ពួកគេពិតជាសប្បាយចិត្តចំពោះការចែកទានជារៀងរាល់ព្រឹកនេះ។ ពួកគេមើលឃើញនេះជាសកម្មភាពចែករំលែកដ៏ប្រពៃ ដែលអាចជួយសម្រួលទាំងការចំណាយរបស់ពួកគាត់ថែមទៀតផង។
កំឡុងពេលពិធីបុណ្យ កាន់បិណ្ឌនិងភ្ជុំបិណ្ឌ ប្រជាពលរដ្ឋជាច្រើនបាននាំយកចង្ហាន់ គ្រឿងឧបភោគបរិភោគ ប្រគេនជូនព្រះសង្ឃ។ សម្រាប់កំឡុងពេលនេះតាមទីវត្តអារាម តែងមានការចែកទានទៅកាន់ប្រជាពលរដ្ឋពិសេសអ្នកខ្វះខាតវិញផងដែរ៕ អត្ថបទ៖ គឹមហុក

-
ព័ត៌មាន5 days ago
រថយន្ដក្រុងមួយគ្រឿង សង្ស័យអ្នកបើកបរងងុយដេករេចង្កូតបុកចូលផ្ទះប្រជាពលរដ្ឋ ទាំងកម្រោល ស្ថិតនៅស្រុកចុងកាល់
-
ព័ត៌មាន1 week ago
ឧបករណ៍ប្រពៃណីខ្មែរចាប់ផ្តើមលក់ដាច់ ខណៈពិធីបុណ្យចូលឆ្នាំថ្មីខិតជិតចូលមកដល់
-
ព័ត៌មាន1 week ago
ក្រសួងការងារ៖ គិតត្រឹមម៉ោង៣៖១៥នាទីរសៀលនេះ នៅការដ្ឋានបាក់រលំអគារមួយកន្លែងនៅថៃមានពលករបរទេសប្រមាណ៣០នាក់មិនទាន់អាចដឹងថាមានជនជាតិណាខ្លះទេ
-
ព័ត៌មាន4 days ago
សង្រ្កាន្តនៅវិទ្យាល័យហ៊ុនសែនបរិបូណ៌ ឆ្លុះបញ្ចាំងពី វប្បធម៌ ទំនៀមទម្លាប់ ប្រពៃណី និងការអភិវឌ្ឍសមត្ថភាពរបស់យុវជនជាសហគ្រិនភាព
-
ព័ត៌មាន9 hours ago
លោក សម សេរី ប្រកាសរំលាយចោលនូវរណសិរ្យរំដោះជាតិខ្មែរ និងរដ្ឋាភិបាលជាតិខ្មែរនិរទេស
-
ព័ត៌មាន1 week ago
ក្រសួងការងារបញ្ជាកថាគិតត្រឹមល្ងាចថ្ងៃនេះ មិនមានពលរដ្ឋខ្មែររងគ្រោះថ្នាក់ដោយសារករណីរញ្ជួយដីនៅថៃនោះទេ
-
ព័ត៌មាន1 week ago
សម្តេចធិបតី ហ៊ុន ម៉ាណែត ចូលរួមសោកស្តាយជាមួយរាជរដ្ឋាភិបាលថៃ និងមីយ៉ាន់ម៉ា ក្នុងឧបទ្ទវហេតុគ្រោះធម្មជាតិរញ្ជួយដី
-
ព័ត៌មាន1 week ago
សម្ដេចធិបតី ហ៊ុន ម៉ាណែត បង្ហាញរូបថតមួយសន្លឹកជាពេលកម្ពុជាឆ្លងរាលដាលជំងឺកូវីដ១៩ ក្នុងសហគមន៍ដំបូង ហើយសម្ដេចបានចូលរួមប្រឈម និងដោះស្រាយនូវវិបត្តិនោះ