ព័ត៌មាន

ក្រុមការងារ និងនិស្សិតអាហារូបករណ៍ អ.ម.ត សំណេះសំណាលជាមួយគណៈគ្រប់គ្រង លោកគ្រូ អ្នកគ្រូ និងសិស្សានុសិស្សនៅវិទ្យាល័យ ហ៊ុន សែន ស្ទឹងត្រែង ខេត្តស្ទឹងត្រែង

នាព្រឹកថ្ងៃទី២២ ខែកញ្ញា ឆ្នាំ២០២៤ ក្រុមការងារ និងនិស្សិត នៃសមាគមសិស្ស-និស្សិតអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) សរុបប្រមាណជាង ២៥០ រូប បានសំណេះសំណាលជាមួយគណៈគ្រប់គ្រង លោកគ្រូ អ្នកគ្រូ និងសិស្សានុសិស្ស នៅវិទ្យាល័យ ហ៊ុន សែន ស្ទឹងត្រែង ក្នុងក្រុងស្ទឹងត្រែង ខេត្តស្ទឹងត្រែង ក្នុងគោលបំណងផ្តល់ការតម្រង់ទិសសម្រាប់សិស្សានុសិស្សថ្នាក់ទី១២ ដែលកំពុងត្រៀមប្រឡងសញ្ញាបត្រមធ្យមសិក្សាទុតិយភូមិ នាពេលខាងមុខ ។

ក្នុងឱកាសនោះដែរ ក្រុមការងារ និងនិស្សិតអាហារូបករណ៍ អ.ម.ត បាននាំការឧបត្ថម្ភជាសម្ភារ និងថវិកា ដែលជាអំណោយដ៏ថ្លៃថ្លារបស់ សម្តេចធិបតី និងលោកជំទាវបណ្ឌិត ជូនដល់គណៈគ្រប់គ្រង លោកគ្រូ អ្នកគ្រូ និងសិស្សានុសិស្ស ៕