ព័ត៌មាន
សម្ដេចធិបតី៖ រឿងបញ្ចប់ CLV-DTA មិនសំខាន់ទេអ្វីដែលសំខាន់គឺការការពារបូរណភាពទឹកដី និងអភិឌ្ឍន៍តាមព្រំដែន
ក្នុងឱកាស អញ្ជើញជាអធិបតី ពិធីប្រគល់សញ្ញាបត្រជូននិស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច នៅព្រឹកថ្ងៃទី២៦ ខែកញ្ញា ឆ្នាំ ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា មានប្រសាសន៍ បញ្ជាក់ថា ការបញ្ចប់កិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA) មិនមែនជារឿងសំខាន់ទេ ប៉ុន្ដែអ្វីដែលសំខាន់គឺការរួមគ្នាការពារអធិបតេយ្យភាព បូរណភាពទឹកដី និងការបន្តអភិឌ្ឍន៍តាមព្រំដែនភូមិភាគឦសានរបស់កម្ពុជាឱ្យរីកចម្រើនបន្ថែមទៀត។
សម្ដេចធិបតី នាយករដ្ឋមន្រ្ដីមានប្រសាសន៍ថា កាលពីថ្ងៃទី២០ ខែកញ្ញា ឆ្នាំ ២០២៤ រាជរដ្ឋាភិបាលបានប្រកាសបញ្ចប់ការចូលរួមរបស់កម្ពុជា ក្នុងកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា-ឡាវ-វៀតណាម (CLV-DTA) ប៉ុន្ដែក្រោយការប្រកាសបញ្ចប់នេះក៏មានការលើកឡើងពីបងប្អូនប្រជាពលរដ្ឋមួយចំនួនរឿងនេះតែរឿងនេះជារឿងតូចណាស់ ចំណែកគោលដៅធំរបស់រាជរដ្ឋាភិបាលដែលត្រូវគិតគូរ គឺការបន្តកិច្ចខិតខំប្រឹងប្រែងអភិវឌ្ឍន៍ខេត្តទិសឦសានឱ្យមានការរីកចម្រើនថែមទៀត។
ក្នុងឱកាសនោះ សម្តេចធិបតី ហ៊ុន ម៉ាណែត នាយករដ្ឋមន្រ្ដី ប្រកាសថ្លែងអំណរគុណដល់ប្រជាពលរដ្ឋគ្រប់ទិសទីដែលបានចូលរួមជាមួយមូលនិធិកសាងហេដ្ឋារចនាសម្ព័ន្ធតាមព្រំដែនដែលគិតជាថវិកាបានជាង ២១ លានដុល្លារហើយដោយមានពលរដ្ឋជាង ៧០ ម៉ឺននាក់បានចូលរួម ក្នុងស្មារតីសាមគ្គីភាព និងស្នេហាជាតិ ដើម្បីចូលរួមកសាងផ្លូវក្រវាត់ព្រំដែនខេត្តទិសឦសានរបស់កម្ពុជា។
សូមជម្រាបថា ចាប់តាំងពីឆ្នាំ ២០០៤ រហូតដល់ឆ្នាំ ២០២៤ រាជរដ្ឋាភិបាលបានវិនិយោគថវិកាប្រមាណ ៤០០ លានដុល្លារ នៅខេត្តភូមិភាគឦសានទាំង ៤ របស់កម្ពុជា ក្នុងក្របខណ្ឌអភិវឌ្ឍន៍រួម។ ក្រៅពីនេះ ក៏មានការចូលរួមអភិវឌ្ឍន៍ពីដៃគូអភិវឌ្ឍនានា មានដូចជា ជប៉ុន កូរ៉េ និង ADB ជាដើម មានចំនួន ៣៥០០ លានដុល្លារផងដែរ៕ អត្ថបទ៖ វ៉ន ដារ៉ា

-
ព័ត៌មាន1 week ago
ក្រុមអ្នកស្រាវជ្រាវរកឃើញកំណត់ត្រាថ្មីសម្រាប់ពិភពលោក គឺខ្យងគោក ឬ «ខ្យងឧទយាទិត្យ» នៅភ្នំបាណន់ ខេត្តបាត់ដំបង
-
កីឡា1 week ago
វគ្គផ្ដាច់ព្រ័ត្រជើងឯកបាល់ទាត់ក្នុងសាលរាជធានីភ្នំពេញ នឹងប្រកួតនៅពហុកីឡដ្ឋានជាតិមរតកតេជោ
-
កីឡា1 week ago
លោក Koji រំពឹងកូនក្រុមលេងបានល្អ ទល់ក្រុមអារូបា ដែលជាបទពិសោធន៍ថ្មី សម្រាប់ក្រុមគោព្រៃកម្ពុជា
-
ព័ត៌មាន1 week ago
ស្ពានខ្ពស់ជាគេលើកំណាត់ផ្លូវជាតិលេខ១០ នឹងបើកឱ្យឆ្លងកាត់បណ្តោះអាសន្ន ចាប់ពីថ្ងៃទី ១១-១៧ ខែមេសា ឆ្នាំ២០២៥ នាឱកាសនៃពិធីបុណ្យចូលឆ្នាំថ្មី ប្រពៃណីជាតិខ្មែរ
-
ព័ត៌មាន3 days ago
រថយន្ដក្រុងមួយគ្រឿង សង្ស័យអ្នកបើកបរងងុយដេករេចង្កូតបុកចូលផ្ទះប្រជាពលរដ្ឋ ទាំងកម្រោល ស្ថិតនៅស្រុកចុងកាល់
-
ព័ត៌មាន1 week ago
សម្ដេចតេជោ៖ «ពេលនេះខ្ញុំពិតជាកំពុងមានទុក្ខធ្ងន់ម្ខាងភរិយាត្រូវវះកាត់ និងម្ខាងបងប្រុសទីមួយក៏កំពុងឈឺធ្ងន់»
-
ព័ត៌មាន1 week ago
ត្រឹមឆ្នាំ២០២៤ មានអ្នកទទួលប្រាក់ឧបត្ថម្ភពីកម្មវិធីជាតិជំនួយសង្គមក្នុងកញ្ចប់គ្រួសារជាង ១លាននាក់
-
ព័ត៌មាន1 week ago
សម្តេចតេជោ ហ៊ុន សែន អះអាងថា បងប្រុសសម្ដេច (ឯកឧត្តម ហ៊ុន សាន) នៅមានជីវិត