ព័ត៌មាន
កូនសេដ្ឋីនៅវៀតណាមធ្វើតេស្ត៍វិជ្ជមានវីរុស covid 19 ក្រោយត្រលប់មកពីចូលរួមកម្មវិធីបង្ហាញម៉ូដនៅអ៊ឺរ៉ុប
កូនស្រីអ្នកមានទ្រព្យសម្បត្តិម្នាក់ឈ្មោះ Nga Nguyen អាយុ ២៧ ឆ្នាំនៅប្រទេសវៀតណាមបានធ្វើតេស្តិ៍រកឃើញថា…
កូនស្រីអ្នកមានទ្រព្យសម្បត្តិម្នាក់ឈ្មោះ Nga Nguyen អាយុ ២៧ ឆ្នាំនៅប្រទេសវៀតណាមបានធ្វើតេស្តិ៍រកឃើញថាមានផ្ទុកវីរុស Covid 19 បន្ទាប់ពីបានធ្វើដំណើរទៅកាន់អឺរ៉ុប ដោយចូលរួមកម្មវិធីសប្ដាហ៍ម៉ូដដ៏ល្បីមួយនៅឯទីក្រុងមីឡាន និងទីក្រុងប៉ារីស។
ក្នុងព្រឹត្តិការណ៍ដែលនាង Nga Nguyen បានចូលរួមគឺជាកម្មវិធីបង្ហាញម៉ូដដោយលោក Saint Laurent ដែលជាអ្នកច្នៃម៉ូដប្រណីតរបស់បារាំង នៃទីក្រុងប៉ារីស និង Gucci នៅទីក្រុង Milan។ នាង Nga Nguyen ក៏បានផូសរូបភាពអំពីការចូលរួមរបស់នាងនៅកម្មវិធីបង្ហាញម៉ូដ រួមទាំងកម្មវិធីទាំងពីរនៅលើគណនី Instagram របស់នាង ប៉ុន្តែនាងក៏បានលុបចោលភ្លាមៗដែរ បន្ទាប់ពីមានបញ្ហា។
បើយោងតាមសារព័ត៌មានវៀតណាមនាង Nga គឺកូនស្រីរបស់ម្ចាស់ក្រុមហ៊ុនដែកថែបដែលមានមូលដ្ឋានរវាងប្រទេសវៀតណាមនិងទីក្រុងឡុងដ៍។ Nga បានធ្វើទស្សនកិច្ចនៅអឺរ៉ុបជាមួយប្អូនស្រីរបស់នាងឈ្មោះ Nguyen Hong Nhung អាយុ ២៦ ឆ្នាំ ដែលបានធ្វើតេស្ត៍រកមេរោគ Covid 19 វិជ្ជមានដូចគ្នា។
គួរបញ្ជាក់ថាកម្មវិធីសប្ដាហ៍ម៉ូដទីក្រុងប៉ារីសនេះទាក់ទាញអ្នកទេសចររាប់ពាន់នាក់មកពីជុំវិញពិភពលោក មករដ្ឋធានីបារាំង ប៉ុន្តែកម្មវិធីសម្ដែងម៉ូដរបស់ Saint Laurent មានតែបញ្ជីឈ្មោះភ្ញៀវដែលបានជ្រើសរើស ដែលជាធម្មតាត្រូវបានគេជ្រើសរើសប្រមាណជា ១០០០ នាក់។ អ្នកច្នៃម៉ូដកំពូលៗ និងអ្នកដែលបានចូលរួមនៅទីក្រុងប៉ារីសនិងកម្មវិធីបង្ហាញម៉ូត Milan នៅតែស្ថិតក្នុងការដាក់ដោយឡែក បន្ទាប់ពីត្រលប់ទៅប្រទេសកំណើតរបស់ពួកគេវិញ។
ដូចគ្នានេះដែរ អ្នកសម្របសម្រួលមកពីសហរដ្ឋអាមេរិកនិងមកពីបណ្ដាប្រទេសអាស៊ីដូចជា សិង្ហបុរី និងថៃ បានបញ្ជាក់ថា ក្រុមហ៊ុនរបស់ពួកគេបានស្នើសុំពួកគេមិនឱ្យវិលត្រឡប់ទៅកាន់ការិយាល័យរបស់ពួកគេវិញ បន្ទាប់ពីបានទៅទស្សនាក្រុមបាល់ទាត់ AC Milan ដែលស្ថិតនៅតំបន់ Lombardy នៃប្រទេសអ៊ីតាលី ដែលជាប្រទេសមានករណីច្រើនជាងគេនៅខាងក្រៅអាស៊ី។ កាលពីថ្ងៃអាទិត្យនៅភាគខាងជើងនៃប្រទេសអ៊ីតាលីរួមទាំង Lombardy ត្រូវបានគេដាក់នៅក្រោមការការបិទជាបណ្ដោះអាសន្ន ដើម្បីទប់ស្កាត់ការរីករាលដាលនៃវីរុស។
រហូតមកដល់ពេលនេះ ប្រទេសវៀតណាមបានរាយការណ៍ថាមាន ២៩ ករណីនៃវីរុស Covid 19 នេះ ហើយជំងឺផ្លូវដង្ហើម គឺឆ្លងខ្លាំងតាមរយៈការទំនាក់ទំនងរបស់មនុស្ស នេះជាមូលហេតុដែលវេជ្ជបណ្ឌិតបានណែនាំឱ្យមនុស្សអនុវត្តការដាក់ដោយឡែក ដើម្បីបន្ថយការរាលដាល ៕
-
ព័ត៌មាន1 week agoប្រធានអាស៊ានប្តូរវេន អំពាវនាវដល់មេដឹកនាំកម្ពុជា និងថៃ អនុវត្តបទឈប់បាញ់ជាបន្ទាន់ និងសន្ទនាដោយសន្តិវិធី
-
ព័ត៌មាន1 week agoTOP STORY | សម្ដេចតេជោ៖ «ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់»
-
ព័ត៌មាន1 week agoTOP STORY | អ្នកនាំពាក្យសម្ដេចតេជោ៖ ថ្ងៃទី៣នៃសត្រូវឈ្លានពាន តេជោសែន បន្តផ្តល់ប្រឹក្សាយុទ្ធសាស្រ្តយោធាដល់សម្តេចធិបតី និងបណ្តាមេទ័ពដើម្បីវាយខ្មាំងដោយភាពហានក្លា
-
PR NEWS4 days agoក្រុមហ៊ុន GANZBERG ឧបត្ថម្ភដល់កងទ័ពជួរមុខ ដែលកំពុងឈរជើងការពារបូរណភាពទឹកដីកម្ពុជា សរុបចំនួន ១,០០០,០០០ ដុល្លារ
-
ព័ត៌មាន5 days agoកិច្ចចរចាបទឈប់បាញ់រវាងកម្ពុជា និងថៃបានចាប់ផ្តើម ក្រោមការសម្របសម្រួលរបស់ម៉ាឡេស៊ី និងមានការចូលរួមពីតំណាងអាមេរិក និងចិន
-
ព័ត៌មាន1 week agoអ្នកនាំពាក្យក្រសួងការពារជាតិបានផ្តាំទៅភាគីថៃថាកម្ពុជាមិនទាន់មានការចាំបាច់ត្រូវប្រើប្រាស់មីស៊ីល PHL -03នោះទេ
-
ព័ត៌មាន6 days agoកម្ពុជាប្រាប់ទៅថៃថា គ្មានហេតុផលអ្វីដែលកម្ពុជា បាញ់ទៅលើប្រាសាទតាមាន់ ដែលជាដួងព្រលឹកដូនតាខ្លួន នោះឡើយ
-
ព័ត៌មាន1 week agoរដ្ឋបាលខេត្តសៀមរាប ត្រៀមសម្របសម្រួលកន្លែងស្នាក់នៅ និងផ្គត់ផ្គង់អាហារជូនបងប្អូនភៀសខ្លួនពីខេត្តឧត្តរមានជ័យ និងខេត្តព្រះវិហារ