សេដ្ឋកិច្ចជាតិកាន់តែរីកចម្រើន ទាមទារនូវវត្តមានការចរាចររូបិយវត្ថុជាតិកាន់តែខ្លាំងក្លា

អាជ្ញាធរខេត្តមណ្ឌលគីរី ថ្លែងថា ការអភិវឌ្ឍសង្គម-សេដ្ឋកិច្ច អាចប្រព្រឹត្តទៅបាន ទាមទារ​នូវ​វត្តមាន​រូបិយវត្ថុជាតិ ដែលដើរតួនាទីយ៉ាងសំខាន់ ក្នុងការសម្រួលដល់សកម្មភាពវិនិយោគ ផលិត​កម្ម និងពាណិជ្ជកម្មឱ្យមានភាពរស់រវើក។

ឯកឧត្តម លន់ សុភាព អភិបាលរងខេត្តមណ្ឌលគីរី លើកឡើងនៅក្នុង សិក្ខា​សាលា​ផ្សព្វ​ផ្សាយ​ស្តីពី “ប្រាក់រៀល ប្រព័ន្ធ បាគង និងខេអេចឃ្យូអរ” នៅខេត្តមណ្ឌលគីរី ថ្ងៃទី ២៣ ខែធ្នូ ម្សិល​មិញ​ថា បច្ចុប្បន្នខេត្តមណ្ឌលគិរីមានគ្រឹះស្ថានធនាគារ និងហិរញ្ញវត្ថុ ចំនួន១៤ គ្រឹះស្ថាន ដែល​កំពុង​ធ្វើ​ប្រតិបត្តិការ និងរួមចំណែកគាំទ្រដល់ការអភិវឌ្ឍខេត្ត តាមរយៈការផ្តល់សេវាហិរញ្ញវត្ថុរួមមាន៖ សេវា ឥណទាន សន្សំ និងទូទាត់ជូនប្រជាពលរដ្ឋ និងក្រុមហ៊ុន-សហរ​នៅ​្រប់​ទី​កន្លែង​ក្នុង​ខេត្ត​មណ្ឌលគីរី។ ចំពោះការអភិវឌ្ឍសង្គម-សេដ្ឋកិច្ចជារួម អាចប្រព្រឹត្តទៅបាន ទាមទារ​នូវ​វត្តមាន​រូបិយវត្ថុជាតិ ដែលដើរតួនាទីយ៉ាងសំខាន់ ក្នុងការសម្រួលដល់សកម្មភាព វិនិយោគ ផលិតកម្ម និង​ពាណិជ្ជកម្ម, មិនត្រឹមតែប៉ុណ្ណោះប្រទេសនីមួយៗតែងតែមានរូបិយវត្ថុជាតិរបស់ខ្លួន ដែល​តំណាង​ឱ្យ​អត្តសញ្ញាណជាតិ ដូចនេះការប្រើប្រាស់ប្រាក់រៀលឱ្យបានទូលំទូលាយ គឺប្រៀប​បាន​នឹង​ការ​រក្សា និងចែករំលែកនូវចំណេះដឹងពីប្រវត្តិសាស្ត្រ និងវ ប្បធម៌កម្ពុជាដល់អ្នកជំនាន់ក្រោយ និង​ទេសចរបរទេស អាចពង្រឹងនូវស្មារតីបង្រួបបង្រួមជាតិក្នុងនាមជាប្រជាជននៅក្នុងសង្គមជាតិ តែមួយ។

ជុំវិញប្រាក់រៀលនេះ, ឯកឧត្តម បានលើកទឹកចិត្តដល់ប្រជាពលរដ្ឋ បណ្តារោងចក្រ សហគ្រាស ស្ថាប័នទាំងអស់នៅ ទូទាំងខេត្ត គ្រឹះស្ថានធនាគារ និងហិរញ្ញវត្ថុ បន្តចូល​រួម​ប្រើ​ប្រាស់​ប្រាក់​រៀល​ឱ្យ​បាន​កាន់តែទូលំទូលាយ ដើម្បីចូលរួមរក្សាបានលំនឹង តម្លៃប្រាក់រៀលឱ្យបានល្អ និងមាន​ស្ថេរភាព​ក្នុង​សេដ្ឋកិច្ច។

ឯកឧត្តម យឹម លាត ទេសាភិបាលរងធនាគារជាតិនៃកម្ពុជា លើកឡើងថា ដើម្បីឱ្យសេដ្ឋកិច្ច​កម្ពុជា​រឹងមាំ រាជរដ្ឋាភិបាលកម្ពុជា បានដាក់ចេញនូវគោលនយោបាយជាច្រើន ជាពិសេស​ចាប់​តាំង​ពី​ដើមទសវត្សរ៍ឆ្នាំ ២០០០ មក ក្នុងនោះក៏មានគោលនយោបាយលើក កម្ពស់​ការ​ប្រើ​ប្រាស់​ប្រាក់​រៀល​ផងដែរ ស្របពេលដែលស្ថានភាពម៉ាក្រូសេដ្ឋកិច្ចមានលំនឹងល្អប្រសើរ ក្រោយ​កម្ពុជា​ទទួល​បាន​សុខ សន្តិភាពពេញលេញនៅចុងឆ្នាំ ១៩៩៨ ក្រោមនយោបាយឈ្នះ-ឈ្នះ របស់​សម្តេច​អគ្គមហាសេនាបតីតេជោ ហ៊ុន សែន អតីតនាយក រដ្ឋមន្ត្រីនៃព្រះរាជាណាចក្រកម្ពុជា។

ទាក់ទិនប្រាក់រៀលនេះដែរ, ឯកឧត្តមទេសាភិបាលរង សង្ឃឹមថា តាមរយៈ​នៃ​ការ​ផ្សព្វ​ផ្សាយ​ខាង​លើ, ឯកឧត្តម លោកជំទាវ លោក-លោកស្រី ជាពិសេសប្អូនៗសិស្សានុសិស្សទាំងអស់ នឹងជួយ​ផ្សព្វ​ផ្សាយ​បន្តអំពីសារៈសំខាន់នៃការប្រើប្រាស់ប្រាក់រៀលើម្បីឱ្យ ការល់ដឹង​ពី​អត្ថ​ប្រោជន៍​នៃ​រូបិយវត្ថុជាតិយើងកាន់តែទូលំទូលាយ ដែលនឹងលើកកម្ពស់មោទនភាពជាតិយើង និងរួម​ចំណែក​ អភិវឌ្ឍសង្គម និងសេដ្ឋកិច្ចជាតិឱ្យកាន់តែរីកចម្រើនឆាប់រហ័ស៕ អត្ថបទ៖ សុន រ៉ាឌី