រយៈពេល១២ខែឆ្នាំ២០២៤ច្រកទ្វាព្រំដែនអន្តរជាតិបាវិតខេត្តស្វាយរៀងទទួលភ្ញៀវជាតិនិងភ្ញៀវអន្តរជាតិឆ្លងកាត់ចេញចូលមកកម្ពុជាជាង១លាន៥សែននាក់ស្មើនិង១៧២សញ្ជាតិ

ស្វាយរៀង ៖ មន្ត្រីជំនួយការប្រធានច្រកទ្វារព្រំដែនអន្តរជាតិបាវិត ខេត្តស្វាយរៀង លោក ពុធ សុភាកែវ នៅថ្ងៃទី៣ ខែមករា ឆ្នាំ២០២៥នេះបានប្រាប់ទូរទស្សន៏ BTV អោយដឹងថា ក្នុងរយះពេល១២ខែ ឆ្នាំ២០២៤កន្លងទៅនេះ ច្រកទ្វារព្រំដែនអន្តរជាតិបាវិត បានទទួលភ្ញៀវជាតិ និងអន្តរជាតធ្វើដំណើរឆ្លងកាត់ចេញ ចូល មកកម្ពុជា សរុប ១ លាន ៥សែន ៧ម៉ឹន ៨ពាន់ ៦៩៩នាក់ មាន១៧២ សញ្ជាត្តិ បើប្រៀបធៀបទៅនិងរយះពេល១២ខែឆ្នាំ២០២៣ មានការកើនឡើង ចំនួន២សែន៦ម៉ឺន ៣ពាន់១៦០នាក់ ស្មើនិង១៩.០១ % ក្នុងនោះមានភ្ញៀវបរទេសចូលមកកម្ពុជាកើនឡើងចំនួន១សែន ៨ម៉ឺន ៧ពាន់ ៦៨៧នាក់ មាន១៧២សញ្ជាត្តិ ស្មើនិង១៦.០៦% ។

លោកបានបញ្ជាក់បន្ថែមថា ទន្ទឹមនិងភ្ញៀវបរទេស និងភ្ញៀវខ្មែរវិលត្រឡប់ចូលមកកម្ពុជា បន្ទាប់ពីបំពេញកិច្ចការអន្តរជាតិ ពិភាក្សាផ្លាស់ប្តូរ ទំនិញ និងសម្រាក់លំហែកាយ ក្នុងរយះពេល១២ខែ ឆ្នាំ២០២៤នេះដែរ ច្រកទ្វារព្រំដែនអន្តរជាតិបាវិត បានធ្វើការសម្របសម្រួលជូនភ្ញៀវចេញ សរុប ១លាន ៥សែន ២ម៉ឺន ៥ពាន់១៤៣នាក់ មាន១៦៨សញ្ជាត្តិ បើប្រៀបធៀបទៅនិងរយះពេល១២ខែ ឆ្នាំ២០២៣ មានការកើនឡើង ចំនួន ២សែន០ ម៉ឺន៨ពាន់ ៦០៤នាក់ នាក់ ១៥.៨៤% ក្នុងនោះភ្ញៀវបរទេសចេញំនួន ន ៣សែន០ម៉ឺន១ពាន់២៩០នាក់មាន១៦៧សញ្ជាត្តិ ។

លោកបានបញ្ជាក់ថា កត្តាដែលភ្ញៀងបរទេស បានចូលមកកម្ពុជាច្រើន នៅក្នុងរយះពេល១២ខែ ឆ្នាំ២០២៤នេះ បើតាមការសន្និដ្ឋានរបស់មន្ត្រីច្រក គឺភ្ញៀវមានទំនប់ចិត្តលើការដឹកនាំរបស់រាជរដ្ឋាភិបាល បង្កអោយមាន សន្តិសុខល្អ ពិសេសរាជរដ្ឋាភិបាល បានធ្វើការបញ្ជៀសនិងទប់ស្កាត់ជំងឺគ្រប់ប្រភេទឆ្លងចូលសហគមន៏ និងពលរដ្ឋ ។