ព័ត៌មាន
ស.ស.យ.ក និងពលរដ្ឋ ចូលរួមគោរពវិញ្ញាណក្ខន្ធជនរងគ្រោះដែលបាត់បង់ជីវិត ក្នុងសម័យខ្មែរក្រហម
សហភាពសហព័ន្ធយុវជនកម្ពុជា រួមទាំងវត្តមានប្រជាពលរដ្ឋមួយចំនួន នៅព្រឹកថ្ងៃទី៦ ខែមករា ឆ្នាំ២០២៤នេះ បានចូលរួមគោរពវិញ្ញាណក្ខន្ធជនរងគ្រោះ និងអតីតយុទ្ធជន យុទ្ធនារី ដែលបានបាត់បង់ជីវិតក្នុងរបបកម្ពុជាប្រជាធិបតេយ្យ។ ការរៀបចំពិធីគោរពវិញ្ញាណក្ខន្ធនេះ ធ្វើឡើងនៅមជ្ឈមណ្ឌលប្រល័យពូជសាសន៍ជើងឯក ដែលជាទីតាំងប្រវត្តិសាស្ត្របន្សល់ទុកនូវភស្តុតាងជាក់ស្ដែងនូវភាពព្រៃផ្សៃដែលបានកើតឡើងនូវក្នុងរបបដ៏ខ្មៅងងឹតនោះ។
ជារៀងរាល់ឆ្នាំ សហភាពសហព័ន្ធយុវជនកម្ពុជា តែងរៀបចំពិធីគោរពវិញ្ញាណក្ខន្ធជនរងគ្រោះ ដែលបានបាត់បង់ជីវិត ក្នុងរបបប្រល័យពូជសាសន៍ ៣ឆ្នាំ ៨ខែ និង ២០ថ្ងៃ។ កម្មវិធីតែងរៀបចំឡើងមុនការប្រារព្ធទិវាជ័យជំនះ ៧មករា ដែលបានរំដោះជីវិតប្រជាពលរដ្ឋចេញពីរបបខ្មៅងងឹតនោះ។
ការគោរពវិញ្ញាណក្ខន្ធនៅថ្ងៃនេះ ធ្វើឡើងតាមពិធីសាសនាដោនករចូលរួមពី ក្រុមយុវជនសសយក រួមទាំងវត្តមានប្រជាពលរដ្ឋ ដែលជាជនរងគ្រោះរស់រានមានជីវិតពីរបបប្រល័យពូជសាសន៍ខ្មែរក្រហមផងដែរ។ កន្លងផុតទៅ ៤៦ឆ្នាំយ៉ាងណាក្ដី ជនរងគ្រោះដែលបានឆ្លងកាត់សម័យខ្មែរក្រហម នៅតែបង្ហាញទឹកមុខសោកសៅ ទឹកភ្នែករលីងរលោង នៅពេលរម្លឹកដល់អ្វីដែលបានកើតឡើងចំពោះពួកគាត់ និងប្រជាពលរដ្ឋទូទាំងប្រទេសនាពេលនោះ។ ការចងចាំ គឺ ការបាត់បង់សមាជិកគ្រួសារ រស់នៅដោយភាពភ័យខ្លាច ធ្វើការហួសកម្រិត និងភាពអត់ឃ្លាន។
ការរស់រានមានជីវិតមកទល់បច្ចុប្បន្ន ពួកគាត់ពិតជាដឹងគុណដល់សម្ដេចតេជោ ហ៊ុន សែន ក៏ដូចជាកងកម្លាំងដែលពលី ក្នុងការបញ្ចប់របបដ៏ឃោឃៅ និងនាំមកជីវិតថ្មី ភាពសុខសាន្ត ក្នុងសង្គមសន្តិភាព សម្រាប់ពលរដ្ឋមកទល់បច្ចុប្បន្ន។
ផ្សារភ្ជាប់នឹងការលើកឡើងដូចនេះ សម្រាប់យុវជនដែលបានចូលរួមក្នុងពិធីគោរពវិញ្ញាណក្ខន្ធនៅថ្ងៃនេះ លើកឡើងជាការសោកស្ដាយជាខ្លាំង ចំពោះសោកនាដកម្មប្រវត្តិសាស្ត្រដែលបានកើតឡើងចំពោះប្រជាពលរដ្ឋកម្ពុជាទូទាំងប្រទេសនាពេលនោះ។ ក្នុងនាមជាយុវជន ដែលរស់នៅក្នុងសង្គមសុខសាន្តមានសុខសន្តិភាព ពួកគាត់នឹងថែរក្សាសង្គមមួយនេះ ឱ្យស្ថិតស្ថេរ និងកាន់តែរីកចម្រើន។
នៅថ្ងៃនេះផងដែរ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានបង្ហោះសារប្រមាណ១ទំព័រលើហ្វេសប៊ុកផ្លូវការរបស់ខ្លួន ដោយភ្ជាប់ជាមួយចំណងជើងថា «បំភ្លេចម្ដេចបាន»។ ក្នុងសារប្រមាណ ១ទំព័រនេះ ឯកឧត្តមបានរម្លេចដែរថា ការប្រារព្ធពិធីនេះ មិនត្រឹមតែបានបង្ហាញពីការរួបរួម សាមគ្គី ការរំឭកដល់ជនរងគ្រោះដែលបានបាត់បង់ជីវិតនាសម័យនោះទេ ក៏ប៉ុន្តែជាឱកាសក្នុងការផ្សារភ្ជាប់យុវជនជាមួយនឹងប្រវិត្តសាស្ត្រឱ្យបន្តចងចាំ និងដឹងគុណនូវកាះបង់ពីសំណាក់អតីតយុទ្ធជន ុព្វបុរសដែលបានលះបង់នូវសាច់ស្រស់ ឈាមស្រស់ដើម្បីជាតិមាតុភូមិ។ ជាពិសេស បានផ្ដល់ឱកាសឱ្យយុវជនជំនាន់ក្រោយមកគោរពវិញ្ញាណក្ខន្ធរបស់អតីតយុទ្ធជននៅទីតាំងជាក់ស្ដែង និងបានឃើញផ្ទាល់ភ្នែកនូវតឹកតាងដ៏ឈឺចាប់ដែលបន្សល់ទុកនៅលើទីវាលពិឃាតមួយនេះ។ លើសពីនោះថែមទៀត គឺបានរៀនយល់ដឹងពីបទពិសោធន៍ក្នុងអតីតកាលដើម្បីយកមកកែច្នៃសង្គមនាពេលបច្ចុប្បន្ន ក្នុងកាអភិវឌ្ឍជាតិនិងស្រលាញ់ជាតិមាតុភូមិ រួមគ្នាធ្វើយ៉ាងណាមិនឱ្យប្រទេសកម្ពុជាដើរជាន់ដានប្រវត្តិសាស្រ្ត និងធ្លាក់ក្នុងអតីតកាលដ៏ជូរចត់បែបនោះទៀត៕ អត្ថបទ៖ គឹមហុក
-
ព័ត៌មាន6 days agoឧត្តមសេនីយ៍ទោ ហ៊ុល សំអុន ដាក់បទបញ្ជាដល់នាយទាហានក្រោមឱវាទទាំងអស់សាមគ្គីគ្នាជាធ្លុងមួយ ដើម្បីការពារអធិបតេយ្យភាព បូរណភាពទឹកដីកម្ពុជា និងរក្សាសុខសន្ដិភាពជូនប្រជាជន
-
ព័ត៌មាន1 week agoកងទ័ពកម្ពុជា និងថៃ បន្តកែសម្រួលយុទ្ធោបករណ៍បំផ្លិចបំផ្លាញធុនធ្ងន់លើកទី២ក្រោមក្រសែភ្នែកអ្នកសង្កេតការណ៍អាស៊ាន
-
ព័ត៌មាន4 days agoសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតរំលែកទុក្ខដ៏ក្រៀមក្រំជូនក្រុមគ្រួសារនៃសព លោក ឌី ណៃ ដែលបានមរណភាពក្នុងព្រឹត្តិការណ៍បាញ់ប្រហារមកលើប្រជាពលរដ្ឋខ្មែរ នៅភូមិព្រៃចាន់
-
ព័ត៌មាន1 week agoអូស្ត្រាលីគាំទ្រវិស័យស្រូវអង្ករកម្ពុជា
-
ព័ត៌មាន5 days agoឯកឧត្ដម ហ៊ុន ម៉ានី៖ «តើស្ថិតក្នុងកាលៈទេសៈអ្វី ដែលនាំឱ្យទាហានថៃបើកការបាញ់ប្រហារមកលើប្រជាពលរដ្ឋខ្មែរ? អាជ្ញាធរថៃត្រូវតែផ្តល់នូវការបកស្រាយឱ្យបានច្បាស់លាស់»
-
ព័ត៌មាន3 days agoក្រសួងមហាផ្ទៃបង្ហាញលទ្ធផលកោសល្យវិច័យ ខណៈបណ្ដាញព័ត៌មានថៃផ្សាយថា ពុំមានការស្លាប់នៅភូមិព្រៃចាន់
-
ព័ត៌មាន1 week agoឯកឧត្ដម ប៉េង ពោធិ៍សា អញ្ជើញជាអធិបតីដឹកនាំកិច្ចប្រជុំត្រៀមសហការរៀបចំពិធីជំនួបប្រាស្រ័យព្រំដែនមិត្តភាព លើកទី២ រវាងថ្នាក់រដ្ឋមន្រ្តីក្រសួងការពារជាតិកម្ពុជា-វៀតណាម នៅខេត្តស្វាយរៀង
-
ព័ត៌មាន6 days agoការិយាល័យសុខាភិបាលស្រុកប្រតិបតិ្តមេគង្គ បើកយុទ្ធនាការចុះផ្តល់វ៉ាក់សាំងការពារជំងឺមហារីកមាត់ស្បូន(HPV)ដល់កុមារីកអាយុ៩ឆ្នាំ នៅតាមសាលារៀនរដ្ឋ និងឯកជន