រដ្ឋបាលស្រុកស្វាយជ្រំខេត្តស្វាយរៀងចុះផ្សព្វផ្សាយគោលនយោបាយភូមិឃុំ​​មានសុវត្ថិភាពជូនលោកគ្រូអ្នកគ្រូសិស្សានុសិស្សវិទ្យាល័យហ៊ុនសែនសាមគ្គីដូនសរ

ស្វាយរៀង ៖ រដ្ឋបាលស្រុកស្វាយជ្រំ ខេត្តស្វាយរៀង ដឹកនាំដោយលោកវរៈសេនីយ៍ឯកសោម សុភ័ណ្ឌ អធិការនគបាលស្រុក និងលោកវរៈសេនីយ៍ទោ ចេវ សុគន្ធ មេបញ្ជាការកងរាជអាវុធហត្ថស្រុកស្វាយជ្រំ នៅថ្ងៃទី៦ ខែមករា ឆ្នាំ២០២៥នេះ បានចុះធ្វើការផ្សព្វផ្សាយគោលនយោបាយភូមិឃុំមានសុវត្តិភាព ជូនលោកគ្រូ អ្នកគ្រូ និងសិស្សានុសិស្ស វិទ្យាល័យហ៊ុនសែនសាមគ្គីដូនសរ ជាង ១ពាន់ នាក់ ។

ក្រោយពីធ្វើការផ្សព្វផ្សាយខ្លឹមសារ គោលនយោបាយភូមិឃុំមានសុវត្ថិភាព និងខ្លឹមសារសំខាន់ៗមួយចំនួនជុំវិញក្មេងទំនើង លោកវរៈសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានមានប្រសាសន៏ណែនាំដល់ក្មួយៗសិស្សានុសិស្ស ដែលបានចូលរួម ទទូលការអប់រំ គោលនយោបាយភូមិឃុំមានសុវត្តិភាពនៅថ្ងៃនេះ ត្រូវបន្តប្រតិបត័ គោលនយោបាយ អោយបានខ្ជាប់ខ្ជួនតាមចំណុចសំខាន់ៗដែលបានចែងណែនាំនៅក្នុងខ្លឹមសារសំដៅរក្សាសុវត្ថិភាព សន្តិសុខផ្ទាល់ខ្លួន សង្គមជាតិ រួមចំណែកលុបបំបាត់ភាពអនាធិបតេយ្យនៅក្នុងមូលដ្ឋាន និងបញ្ជៀសការប្រើប្រាស់គ្រឿងញៀន គោរពច្បាប់ចរាចរណ៍ ដឹកនាំតម្រង់ទិសមិត្តភក្កិ យិតខំសិក្សារៀនសូត្រ ដើម្បីលើកកម្ពស់ប្រិយភាពវិទ្យាល័យ សាលារៀន ភូមិ ឃុំក្នុងករណីសង្ស័យមិត្តភក្កិប្រព្រឹត្តប្រាសចាកពីគោលនយោបាយភូមិឃុំមានសុវត្តិភាពរបស់រាជរដ្ឋាភិបាល ។

ទន្ទឹមនិងនោះដែរលោកវរសេនីយ៍ឯកអធិការនគរបាលស្រុក នូវបានអំពាវនាវដល់លោកគ្រូ អ្នកគ្រូ និងរដ្ឋបាលឃុំ ត្រូវសហការផ្ដល់ព័ត៌មានជុំវិញក្មេងជំនើង ឬសភាពការណ៍ដែលប៉ះពាល់ដល់សន្តិសុខ សណ្ដាប់ធ្នាប់ ជូនដល់មន្ត្រីសមត្ថកិច្ចជាបន្ទាន់ ដើម្បីសហការធ្វើការទប់ស្កាត់សភាពការណ៍ឲ្យបានទាន់ពេលវេលាសំដៅធានាសុវត្ថិភាពនិងសន្តិសុខជូនពលរដ្ឋនៅតាមមូលដ្ឋាន។

តាមរបាយការណ៏របស់អធិការនគរបាលស្រុកបានបញ្ជាក់ថាទន្ទឹមនិងការងារផ្សព្វផ្សាយគោលនយោបាយភូមិឃុំមានសុវត្តិភាពនៅតាមមូលដ្ឋាន សាលារៀន វត្តអារាម អធិការនគរបាលស្រុកបាន ធ្វើការអប់រំក្មេងទំនើងប្រព្រឹត្តខុសឆ្គងនិងច្បាប់ នៅតាមប៉ុស្តិ៍រដ្ឋបាល និងអធិការដ្ឋានស្រុកបានចំនួន២៥លើក មានមនុស្ស៩៣នាក់(ស្រី៧នាក់)ដកហូតម៉ូតូ១០គ្រឿង និងបញ្ជូនក្មេងទំនើងទៅកាន់តុលាការ ដើម្បីចាត់ការតាមផ្លូវច្បាប់ចំនួន១៣លើក មានមនុស្ស៤៦នាក់ ដកហូតម៉ូតូចំនួន១៤គ្រឿង កាំបិត៦ដើម ដាវចំនួន៦ដើម និងដំបងឈើ ចំនួន២ដើម ។