មន្ត្រីជំនាញ ចុះពិនិត្យទីតាំងការដ្ឋានសំណង់ក្រុមហ៊ុនអចលនទ្រព្យក្រុងឆ្លាតវៃថ្មី មួយកន្លែងរបស់ចិន នៅឃុំអូរបីជាន់ ស្រុកអូរជ្រៅ

បន្ទាយមានជ័យ ៖ មន្រ្តីក្រុមការងារជំនាញ ចុះពិនិត្យទីតាំងការដ្ឋានសំណរបស់ជនជាតិចិន មួយកន្លែងឈ្មោះក្រុមហ៊ុនអភិវឌ្ឍន៍អចលនទ្រព្យទីក្រុងឆ្លាតវៃកម្ពុជាឯ ក (Smart New Town(Cambodia) Real Estates Development Co.,Ltd )ដែល មានទីតាំងនៅស្ថិតនៅផ្លូវលេខ៥៨D ភូមិប្រាសាទ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដឹកនាំដោយលោក លៀម សុដា អភិបាលរងខេត្តបន្ទាយមានជ័យ អមដំណើរដោយលោក អ៊ុ វិណារ៉ា អនុប្រធានមន្ទីររៀបចំដែនដី នគរោបនីយកម្ម សំណង់និងសុរិយោដីខេត្ត និងមន្រ្តីមូលដ្ឋានជាច្រើនរូបទៀត នៅរសៀលថ្ងៃទី២៥កុម្ភៈ ឆ្នាំ២០២៥។

ជាមួយគ្នានោះ ភាគីតំណាងឲ្យក្រុមហ៊ុនចិន បានឱ្យដឹងថា ខ្លួនមានច្បាប់អនុញ្ញាត និងបានបំពេញ​បែបបទតាមបទដ្ឋាន​បច្ចេកទេស​រួចហើយ ​គ្រាន់តែពេលនេះមិនទាន់​អាចបង្ហាញ​លិខិតឬច្បាប់​អនុញ្ញាតដែល​ក្រុមហ៊ុន​វិនិយោគថា ​បាននិងទទួលការអនុញ្ញាត​ជាលាយ​លក្ខណ៍​អក្សរស្នើសុំពីថ្នាក់​លើនោះ តែប៉ុណ្ណោះ។ ពោលគឺច្បាប់អនុញ្ញាត និងបទដ្ឋានបច្ចេកទេសបាន ស្នើសុំ​និង​ទទួលបាន​ពីថ្នាក់លើរួចរាល់ហើយ នៅឡើយតែថ្នាក់ក្រោមនៅមូលដ្ឋានមិនទាន់ជ្រាប​ ព្រោះថា ការវិនិយោគបែបនេះ​ ក្រុមហ៊ុនអាចស្មើសុំច្បាប់អនុញ្ញាតពីថ្នាក់លើតែម្តង មិនចាំបាច់រត់ការ​សុំតាមលំដាប់ពីថ្នាក់ក្រោមទៅក៏បានដែរ ។

យ៉ាងណាម៉ិញលោកលៀម សុដា អភិបាលរងខេត្តបន្ទាយមានជ័យ​ បានបញ្ជាក់ថា ការចុះពិនិត្យ​ទីតាំងនិងការដ្ឋានអគារ ហេដ្ឋារចនាសម្ព័ន្ធក្រុងថ្មីរបស់ក្រុមហ៊ុនចិននេះដែរ​គឺដើម្បីចង់ដឹងថា តើក្រុមហ៊ុនមានច្បាប់អនុញ្ញាត និងបែបបទដ្ឋានបច្ចេកទេសត្រឹមត្រូវដែរឬទេ ប្រសិនបើមិនច្បាប់​សាងសងត្រឹមត្រូវនោះមន្រ្តីជំនាញ និងអាជ្ញាធរក្នុងដែនសមត្ថកិច្ច និងចាត់វិធានការតាមផ្លូវច្បាប់ផងដែរ។

លោក បន្តថា ប្រសិនបើមានការបាក់ឬដួលរលំ ស្រុតអគារដូចករណីកន្លងមកនៅខេត្តព្រះសីហនុ ខេត្តកែប ជាដើមឬមានបាតុភាពអ្វីកើតឡើងនោះក្រុមហ៊ុន និងមានការទទួល​ខុសត្រូវចំពោះមុខច្បាប់ផងដែរ។

សូមបញ្ជាក់ថា កន្លងមករដ្ឋបាលខេត្តបន្ទាយមានជ័យ បានលើកសរសើរពីវត្តមាន​នៃការផ្ទុះឡើង​នូវតម្លៃហាងឆេងអចលនវត្ថុ(ដីធ្លី) និងការកើតឡើងនូវកូនប៉ូលសេដ្ឋកិច្ចមួយទៀត នៅឃុំអូរបីជាន់​ ស្រុកអូរជ្រៅគឺជា China Town នេះបន្ទាប់ពីប៉ូលសេដ្ឋកិច្ចនៅក្រុងប៉ោយប៉ែតនោះ ។ទីតាំងប៉ូល​សេដ្ឋកិច្ចខាងលើ សុទ្ធតែនៅកៀក​ និងព្រំដែនកម្ពុជា ថៃ​ អាចស្រូបទាញភ្ញៀវជនជាតិចិន មកស្នាក់នៅ និងធ្វើអាជីវកម្មលើការងារអនឡាញផងដែរ នៅក្នុងតំបន់នោះផងដែរ៕