ព័ត៌មាន
សម្តេចម៉ែនសំអនអញ្ជើញចូលរួមពិធីជូនពរអបអរសាទរបុណ្យចូលឆ្នាំថ្មីប្រពៃណីជាតិខ្មែរនៅខេត្តស្វាយរៀង
ស្វាយរៀង ៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងជាអ្នកតំណាងរាស្ត្រមណ្ឌលស្វាយរៀងនៅ ថ្ងៃទី៣ ខែមេសា ឆ្នាំ២០២៥នេះ បាន អញ្ជើញចូលរួមក្នុងពិធីជូនពរអបអរសាទរបុណ្យចូលឆ្នាំថ្មី ឆ្នាំម្សាញ់ សប្តស័ក ព.ស.២៥៦៩ គ.ស ឆ្នាំ២០២៥ ដែលពិធីនេះបានរៀបចំឡើងដោយរដ្ឋបាលខេត្តស្វាយរៀង នៅសួនទឹកគជ់ស្វាយព្រៃ ស្ថិតក្នុងក្រុងស្វាយរៀង ខេត្តស្វាយរៀង។
ស្ថិតនៅក្នុងពិធីនេះក៏បានការអញ្ជើញចូលរួមពីសំណាក់ឯកឧត្តម លោកជំទាវ លោក លោកស្រីនៅក្នុងស្ថាបន្ត័ ព្រឹទ្ធសភា រដ្ឋសភាព មន្ត្រីក្រុមការងាររាជរដ្ឋាភិបាលចុះជួយខេត្ត ស្រុក ក្រុងគោលដៅ មន្ត្រីថ្នាក់ដឹកនាំនៅក្នុងក្រុមប្រឹក្សាខេត្ត អភិបាលខេត្តស្វាយរៀង ថ្នាក់ដឹកនាំខេត្ត ក្រុង ស្រុក មន្ទីរ-អង្គភាព កងកម្លាំងទាំងបី រួមនិង និងគណៈប្រតិភូកងទ័ពប្រជាជនវៀតណាម រដ្ឋបាលខេត្តតៃនិញ និងខេត្តឡុងអាន នៃសាធារណរដ្ឋសង្គមនិយមវៀតណាមផងដែរ។
ថ្លែងមានប្រសាសន៏នាឪកាសនោះ ក្នុងនាមក្រុមការងាររាជរដ្ឋាភិបាល គណបក្សប្រជាជនកម្ពុជា និងជាអ្នកតំណាងរាស្ត្រមណ្ឌលស្វាយរៀង សម្តេចកិត្តិសង្ហបណ្ឌិត ម៉ែន សំអន បានសំដែងអបអរសាទរចំពោះរដ្ឋបាលខេត្ត ពិសេសប្រតិភូវៀតណាមទាំង២ខេត្ត ឡុងអាន និងតៃនិញ ដែលមួយរយះកន្លងទៅបានចូលរួមធ្វើការរក្សាស្ថេរភាព សន្តិសុខ និងធ្វើការអភិវឌ្ឍន៏ខេត្ត និងខេត្តជាប់ព្រំដែនបានល្អលើគ្រប់វិសយ័ ។ ក្នុងនាមក្រុមការងារ សម្តេចកិត្តិសង្ហបណ្ឌិត បានណែនាំដល់ខេត្តសម្ពន្ធ័មិត្ត ពិសេសមន្ត្រីមានសមត្ថកិច្ច កម្ពុជាត្រូវបន្តរក្សាប្រពៃណី ការពារព្រំដែន និងធ្វើការសម្របសម្រួលបង្កអោយពលរដ្ឋចេញចូលប្រកបរបបរកស៊ីអោយបានត្រឹមត្រូវ ដើម្បីបង្កើនចំណូលគ្រួសារនៃពលរដ្ឋនិងប្រជាជនទាំង២ ។
សូមបញ្ជាក់ថា ជារៀងរាល់ឆ្នាំនៅពេលដែលមានពិធីបុណ្យចូលឆ្នាំប្រពៃណីជាតិរវាងប្រទេសទាំងពីរ គឺមានគណៈប្រតិភូប្រទេសទាំងពីរ តែងតែជូនពរគ្នាទៅវិញទៅមក ក្នុងនាមប្រទេសដែលមានព្រំដែនជាប់ជាមួយគ្នា។ តាមរយៈចំណងមិត្តភាពរវាងថ្នាក់ដឹកនាំ និងថ្នាក់ដឹកនាំ ប្រជាជន និងប្រជាជន នៃប្រទេសទាំងពីរបន្តថែរក្សា និងពូនជ្រំជាបន្តបន្ទាប់ ក្រោមបាវចនា ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និរន្តរភាពយូរអង្វែង៕

-
ព័ត៌មាន4 days ago
រថយន្ដក្រុងមួយគ្រឿង សង្ស័យអ្នកបើកបរងងុយដេករេចង្កូតបុកចូលផ្ទះប្រជាពលរដ្ឋ ទាំងកម្រោល ស្ថិតនៅស្រុកចុងកាល់
-
ព័ត៌មាន1 week ago
ឧបករណ៍ប្រពៃណីខ្មែរចាប់ផ្តើមលក់ដាច់ ខណៈពិធីបុណ្យចូលឆ្នាំថ្មីខិតជិតចូលមកដល់
-
ព័ត៌មាន1 week ago
ក្រសួងការងារ៖ គិតត្រឹមម៉ោង៣៖១៥នាទីរសៀលនេះ នៅការដ្ឋានបាក់រលំអគារមួយកន្លែងនៅថៃមានពលករបរទេសប្រមាណ៣០នាក់មិនទាន់អាចដឹងថាមានជនជាតិណាខ្លះទេ
-
ព័ត៌មាន1 week ago
ក្រសួងការងារបញ្ជាកថាគិតត្រឹមល្ងាចថ្ងៃនេះ មិនមានពលរដ្ឋខ្មែររងគ្រោះថ្នាក់ដោយសារករណីរញ្ជួយដីនៅថៃនោះទេ
-
ព័ត៌មាន3 days ago
សង្រ្កាន្តនៅវិទ្យាល័យហ៊ុនសែនបរិបូណ៌ ឆ្លុះបញ្ចាំងពី វប្បធម៌ ទំនៀមទម្លាប់ ប្រពៃណី និងការអភិវឌ្ឍសមត្ថភាពរបស់យុវជនជាសហគ្រិនភាព
-
ព័ត៌មាន7 days ago
សម្តេចធិបតី ហ៊ុន ម៉ាណែត ចូលរួមសោកស្តាយជាមួយរាជរដ្ឋាភិបាលថៃ និងមីយ៉ាន់ម៉ា ក្នុងឧបទ្ទវហេតុគ្រោះធម្មជាតិរញ្ជួយដី
-
ព័ត៌មាន1 week ago
សម្ដេចធិបតី ហ៊ុន ម៉ាណែត បង្ហាញរូបថតមួយសន្លឹកជាពេលកម្ពុជាឆ្លងរាលដាលជំងឺកូវីដ១៩ ក្នុងសហគមន៍ដំបូង ហើយសម្ដេចបានចូលរួមប្រឈម និងដោះស្រាយនូវវិបត្តិនោះ
-
ព័ត៌មាន1 week ago
អបអរសាទរ! បេក្ខជន ៤៩នាក់ ទទួលបានលទ្ធផលល្អភ្លាមៗនៅក្នុងវេទិកាការងារ