សម្តេចតេជោ​ ហ៊ុន សែន ​អនុញ្ញាត​ឲ្យក្រុមហ៊ុន​ចិនចំនួន ៣​ ចូលស្វែងយល់​ពី​បរិយាកាស​វិនិយោគ​នៅកម្ពុជា

ប្រមុខរាជរដ្ឋាភិបាលកម្ពុជា​សម្តេចតេជោ​ ហ៊ុន សែន​ នៅព្រឹកថ្ងៃទី ២៥ ខែមេសានេះ​បានអនុញ្ញាត​ឲ្យក្រុម​ហ៊ុនចិនចំនួន ៣​ ដឹកនាំ​ដោយអ្នកឧកញ៉ា ចេន ហ្ស៊ី ប្រធានអគ្គនាយក ក្រុមហ៊ុន ព្រីនស៍​ ហូលឌីង គ្រុប ចូលជួបសំដែង​ការគួរសមនិងស្វែងយល់​ពីបរិយាកាសវិនិយោគ​នៅក្នុងព្រះរា​ជា​ណា​ចក្រកម្ពុជា។

លោក អ៊ាង សុផល្លែត​ ជំនួនការផ្ទាល់​សម្តេចតេជោ​ ហ៊ុន សែន​បានឲ្យដឹង​ថា​៖អ្នកឧកញ៉ា ចេន ហ្សី និង​ថ្នាក់ដឹកនាំនិងក្រុមហ៊ុន​ China investment ,ក្រុមហ៊ុន អ៊ីស្ទ័រ​ និង ក្រុមហ៊ុន គួរអានបានគោរពថ្លែង អំណរគុណយ៉ាងជ្រាលជ្រៅចំពោះសម្ដេចតេជោដែលបានឆ្លៀតពេលដ៏មមាញឹកបានអនុញ្ញាតឱ្យក្រុមហ៊ុនលោកបានចូលជួបសំដែងការគួរសមនិងស្វែងយល់អំពីបរិយាកាសវិនិយោគនៅកម្ពុជា។

អ្នកឧកញ៉ា ចេន ហ្សី បានជម្រាបជូនសម្ដេចតេជោអំពីអាជីវកម្ម​របស់ក្រុមហ៊ុនទាំងបីដែលរួម​មាន​វិស័យឧស្សាហកម្មរ៉ែ ហេដ្ឋារចនា សម្ព័ន្ធ អចលនវត្ថុ ពាណិជ្ជកម្ម សំណង់ ឡូជីស្ទិកស៍ មូលបត្រ​និងពាណិជ្ជកម្មមូលបត្រ។ ក្នុងន័យនេះអ្នកឧកញ៉ា ចេន ហ្សី បានគោរពស្នើសុំការ​ពន្យល់ពី​សម្ដេចតេ ជោហ៊ុនសែន ពាក់ព័ន្ធបរិយាកាសវិនិយោគនៅកម្ពុជា។

ការឆ្លើយតបសម្ដេចបានថ្លែងអំណរគុណចំពោះក្រុមហ៊ុនទាំង​៣សម្តេចតេជោ​បានជម្រាបជូន​ថ្នាក់​ដឹក​នាំក្រុម​ហ៊ុនថាបរិយាកាសវិនិយោគនៅកម្ពុជាមានភាពល្អប្រសើរ ដោយមូលហេតុទី​១ កម្ពុជាមានសុខសន្តិភាពនិងស្ថេរភាពដែលជាមូលដ្ឋានគ្រឹះសម្រាប់ការវិនិយោគ។ ទី២ កម្ពុជាមានច្បាប់វិនិយោគដែលផ្ដល់ការងាយស្រួលដល់អ្នកវិនិយោគ។ទី៣ កម្ពុជាមានក្បាលម៉ាស៊ីនគ្រប់គ្រងច្រកចេញចូលតែមួយសម្រាប់ជួយសម្រួលសម្រេចការវិនិយោគ។

ទី៤ កម្ពុជាមិនតំរូវឲ្យអ្នកវិនិយោគប្រើតែប្រាក់រៀល សម្រាប់បើកប្រាក់ខែឱ្យបុគ្គលិកទេកម្ពុជាគឺអនុញ្ញាតឲ្យប្រើប្រាស់ប្រាក់ដទៃទៀតដូចជាប្រាក់ដុល្លារជាដើមដើម្បីបើកប្រាក់ខែឱ្យបុគ្គលិកផងនិងធ្វើពាណិជ្ជកម្មនៅកម្ពុជាផង និងទី៥ កម្ពុជាមានកម្លាំងពលកម្មវ័យក្មេងច្រើន៕

អត្ថបទពី៖ KPT