Uncategorized

វិទ្យាស្ថានពហុបច្ចេកទេសភូមិភាគតេជោសែនកំពត នឹងរៀបចំពិធីអបអរសាទរទិវាជាតិអប់រំបណ្តុះបណ្តាលបច្ចេកទេសនិងវិជ្ជាជីវៈ លើកទី៨ ឆ្នាំ២០២៥

(កំពត)៖ វិទ្យាស្ថានពហុបច្ចេកទេសភូមិភាគតេជោសែនកំពត នឹងរៀបចំទិវាជាតិអប់រំបណ្តុះបណ្តាលបច្ចេកទេសនិងវិជ្ជាជីវៈ (TVET Day) លើកទី៨ ក្រោមប្រធានបទ «TVET បង្កើតឱកាសការងារ សាងក្តីសង្ឃឹមដល់យុវជន» នៅបរិវេណវិទ្យាស្ថានផ្ទាល់ នាថ្ងៃទី១៥ មិថុនា ឆ្នាំ២០២៥ ស្របតាមសារាចរណែនាំរបស់រាជរដ្ឋាភិបាល។

វិទ្យាស្ថាននឹងរៀបចំតាំងបង្ហាញស្នាដៃរបស់សិស្ស-និស្សិតចំនួន១០មុខរួមមាន៖

១.កូនឡាន Smart Robot Car, ២. ឡានបូមធូលីដី, ៣. ប្រព័ន្ធគ្រប់គ្រងម៉ាស៊ីន Camry LE 2002, ៤. ប្រព័ន្ធអគ្គិសនីលើតួរថយន្ត, ៥. បរិក្ខារពិសោធន៍គ្រឿងអគ្គិសនី និងអេឡិចត្រូនិក, ៦. ដំណើរការពីរប្រព័ន្ធសាំង និងហ្កាសរបស់ម៉ាស៊ីន Camry LE 2002, ៧. ប្រព័ន្ធបញ្ជាទ្វារភ្លោះបើក-បិទដោយស្វ័យប្រវត្តិ, ៨. ប្រព័ន្ធសូឡា Home System, ៩. Smart Home, ១០. រូបម៉ាកែតប្លង់វិទ្យាស្ថានពហុបច្ចេកទេសភូមិភាគតេជោសែនកំពត។

វិទ្យាស្ថានសូមអំពាវនាវដល់សិស្សានុសិស្ស និស្សិត យុវជន ប្រជាពលរដ្ឋទូទៅចូលរួមក្នុងកម្មវិធី TVET Day លើកទី៨ ឱ្យបានកុះករនៅវិទ្យាស្ថានផ្ទាល់មានទីតាំងស្ថិតនៅភូមិ១ឧសភា សង្កាត់កំពង់កណ្ដាល ក្រុងកំពត ខេត្តកំពត៕